لعشاق البران والمكشات عشرين نصيحه

سعودي وكلي فخر · 13 Feb 2008, 01:28 AM

بسم الله الرحمن الرحيم

اذا كنت من عشق المدينه اطلع لانه ما يفيدك اوت بسرعه
كيف شباب البران عساكم بخير
خوذو النصائح هذي لانه تفيدكم
1)صل صلاة استخاره قبل الطلعه واقرى دعاء السفر
2) لازم تكون مدور لك مكان قبل الطلعه بيوم او يومين يكون بعيد عن الشعبان (الاوديه ) وبعيد عن شجر العشر اذا كنت تخاف من الجن وقريب من الطريق تقريبا ثلاث كيلوا او بعيد عن الطريق وتكون قريا من راعي حلال على شان اذا احتجتو شي يكون قريب منكم تاخذون الي يقزركم (يكفي حاجتكم)
3)افحص سيارتك وعدة السلامه الي فيه .
4)تفقد عزبتك (عدتك الطلعه ) لا تكون ناقصه ولا تنسى سلاحك ام تسع او سبعه او خرازه اورشاش للاحتياط ولاتنسى خذ معك قارن تقراء منه اجر وعباده بالبر
5)اختر صحبت ناس متسنعه شقرديه تعين وتعاون مو خكاريه ترفع الضغط وينكد عليك الطلعه
6)اذا جيتو المكان قولو دعاء نزول المكان وتفحصوه زين لا يكون فيه ديبان (حياي ثعابين) وعقارب
7)الحمد لله على سلامتكم اسجد سجود شكر على الوصول لان غيرك طلع ولا وصل للي يبيه
8)الحين ابنو الخيمه ووجهزوا الشاي والقهوه
9)اذا بغيت تهفهف(تتمشى)يمين ويسار اذا كنت تخاف من ديبان (حياي ثعابين) وعقارب خذ معك عصا طولك تقريبا وانت تمشى اضرب الارض بعصاك على شان تخوف ديبان (حياي ثعابين) وعقارب لانك اذا ضربت الارض فانك تهدده وتهرب هي منك (يابطل)هههههه
10) هذا اهم شي اذا شفت كلب لا تهرب ولا تخاف منه وش ما كان لانه هو والنحل الكائنين الوحيدين الي خلقهن ربك يشمن ريحت الخوف لانه اذا شم الريح وربي ما يترك حتى اذا كان طقوع (اسئل مجرم ولا تسال طبيب) وره انك قوي ( ايه هين ) واهجم عليه شوته بالحجر على شان يعرف انك قوي (يامجرم هههههههههه)
11) وانت تتمشى كل خمس دقايق شف وش وراك هذا تحذير مني لك لاني مره جاني الهجوم من الخلف من عقرب تلحقني اول شي ما عطيته وجه ولاحظت انه وراي وراي وعلمته ان الله حق حطيته بعلبت بيبسي وقفلت عليه وبديت العب به كوره
12) خف من الحصني(الثعلب) ولا تخاف من كلب لانه مكرا
13)اذا رحت تجمع حطب لا تحطب الشجره الخضر عليك باليابس الا الرمث عليك به كله لانه صحي للعين يغسله لك
14)لا تبعد بالليل لانه ما في امان باللي لوانت ما تشوف بالليل يعني تروح عشاء لذيب جيعان او كلب او تروح ترقد بالمستشفى لانك مقروص من داب وعقارب او ترقد بالثلجه اذا قرصتك ام جنيب
15)لا تنطرب بالبر نصيحه اذا ماكنت تخاف من الجن
16) لا تزعل لان الدني ما تسوى انك تزعل وانت طالع اتفضى مو تزعل
ياسرع الوقت
والحين تبي ترجع
17) ضف بلاويك ونظف المكان وخله احسن من ماكان (وهذا مستحيل) او مثل ما كان
18) حمل عفشك واركب سيارتك وقل دعاء الرجوع من السفر والله ييسرلك وسق زي الاوادم 120 (ايه هيناذا ماصفقة العداد كله )

الحمد لله على السلامه

19) سلام امك و ابوك وحب على رؤسهم (ايه هين) وسلم على باقي العيله احمد ربك على انه وصلك بالسلامه لان غيرك ماتو ولا شافوا اهلهم وصلى ركعتين شكر لربك
20) ورح ريح تسدح بفراشك واحلام سعيده

مودتي

الدمعاوي 2008 · 14 Feb 2008, 08:25 PM

مشكور على الموضوع يعطيك العافيه

MeMo!! · 15 Feb 2008, 02:46 PM

مشكووووووور اخوي ع النصايح

ننتضر جديدك

لـ’مـسةَ دفـإآإآإَََ ,~ · 16 Feb 2008, 06:13 AM

يعطيك العااااااااافيه خيوووو

تقبل مروري

ولاخلا ولاعدم

سعودي وكلي فخر · 17 Feb 2008, 02:06 AM

الله يعافيك اخوي الدمعاوي

ومشكور على الرد

سعودي وكلي فخر · 17 Feb 2008, 02:07 AM

مشكور اخوي على الرد الجميل

سعودي وكلي فخر · 17 Feb 2008, 02:07 AM

الله يعافيكي اختي محششه متميزه

ومشكوره عل الرد الجميل

べفَـِزّهے خَفُـِوقْべ · 17 Feb 2008, 02:17 AM

يعطيكـ الف عافيه

ماقصرت

تقبل مروري

محششة بس عاقله · 17 Feb 2008, 04:01 AM

ههههههههههههه مشكور عالموضوع الحلو<<انتي وش نقزك (ليه ناويه تكشتين انشااء الله !؟خخخخ)

بس حبيت ارد عليك أخوي <<ما شاء الله شكلك سناااااافي مو من هالخكاريه اللي مالين الرياض هالايام ,,أعوذ بالله البنت صارت ولد ,والولد صار بنت<<اقول طلعتي عن الموضوع بقوووة

مشكووووووور أخوي

mory · 19 Feb 2008, 10:13 AM

مشكوووووووووووووووووووووور

لعشاق البران والمكشات عشرين نصيحه

السفر و السياحة