<< قبل ما تبدا بالموضوع فتحت لها تويكس



<< تحط الصورة يمكن أحد ما يعرفه (( قوووية ))

هع
هلا والله

كيفكم ؟ كيف جيرانكم ؟ شخبار بنت عمة خالة أبو جدكم ؟

إن شاء الله تمام ؟

ترا كتبت الموضوع من الطفش

المسن يا ناس فاااااضي

وش ذا الدفاره اللي فيهم المهم بص ما علينا

يوم من الأيام كنت توني بروح للمدرسة الا شفت منظر

قلت خلي أصورة ( الفضاوة و ما تفعل )


آآآآهـ
السماء سماوية و أشعة الشمس جاية شوي على الشجر

آآآآهــ << عايشة جو

<< تآكل شوي من التويكس ( ناوية تقهركم )
الا على طاري المناظر تذكرت سالفه ( سالفه ما لها دخل بالمناظر بص يلا )

أم الفشيلهـ

كنا بنروح عند وحده من البنات

عاد ذي البنت يا هي غثيثة تجيب الملل للواحد ( نورة )

جت هي عزمتني في بيتها أنا و كم وحدهـ من البنات

الا عاد انا ما لي خلق أروح لها

جيت أرسلت رسالة لوحده من صقيقاتي ( نورة بس مسميتها في جوالي نوني )
(( يختي من جدك بتروحين لذي الغثيثة أنا عن نفسي بصرف بأقول عندنا عزيمة عائلية ))

عاد بالغلط أرسلت لنورة ذي الرسالة << ما تنلام تشابه أسماء

أشوف ألقى يتم الارسال الى نورة

هاه ؟

وشو؟

وقمت أضغط وأضغط

عاد انرسلت الرسالة

جت دقت علي وقامت

تسب فيني سب طلعت كل اللي في قلبها ( اثر الشعور متبادل )
وقامت تقول : أصلن مين قال إني أبي أعزمك أنا عزمتك خفت إنك تزعلين !!!!!!!!!!

وـــــــــ و ــــــــ و ــــــــ و ( كلام مشفر )عاد بعدها لا تعرفني ولا اعرفها

الحياااة صعبه

<<تشوف دعايهـ بالتلفزيون ( أدري من سالفه لسالفه والمشكله ما بينهم ترابط !! هع )يا ناس وش ذا الدعايه << تقصد حقت دانيت



اللي يقول : ماما أبغى شوكولاته

ياخي ما يعرف يمثل

يجي لك يركض , فجأة يفرمل ويلف لفة تقولين ( رجل آلي مو إنسان )

ويقول : ماما أبغى شوكولاته

لو يحطون ولد سواقنا أحسن منه << قوووية
<< تآخذ لها كم قضمة

شوفوا يا طويلين العمر

قبل ما أبدأ بزبدة الموضوع شوفوا الدعاية السنعه


هايدي القميله هايدي القميله هااااايدي
زبدة الموضوع هي

( أنا و أهلي و النت )
جتني حالة أدمنت على النت إدمان مو طبيعي

هذي الحالة باديه من رمضان أو يمكن قبل رمضان الله أعلم

طوووول اليوم ع النت إذا جا الفطور أروح أفطر بعدها أرجع عليه

حتى و أنا أشوف التلفزيون

أنا كنت أتابع باب الحارة

عاد باب الحارة اذا منيب غلطانه كان يجي الساعه 9

اذا بدأ أروح اشوف أول ما تجي دعايه

أرووووح ركض عند اللاب توب أكمل لعب ع النت

تجي الأختي الصغيرة تصارخ تقولي يلا بدأ

أروووح ركض عنده أناظر أستنى الدعايه الثانيه

وهكذا طوول رمضان

<< تآكل تويكس وهي تقول يمي يمي
عاد كل يوم آخذ لي تهزيئة محترمة من أهلي

ويهدوني إنهم بياخذونه مني ( اللاب توب ) << تهديد مرة وحده لو اننا وين !!!؟؟

عاد قلت في نفسي

ما دام السالفه في شيل اللاب توب اعقلي

بص ماش مقدر افارق حبيبي << تقصد اللاب توب لا تفهمون غلط

صرت أول ما سمع أحد قرب من غرفتي

أجي أسكر شاشه اللاب توب وأفتح لي كتاب أسوي نفسي أذاكر

وأول ما يطلع أروح أفتحه مره ثانيه

ولا يوم كان علي بحث لازم أسوي عليه درجات

كان ذاك الوقت كلــــــــــه ع النت ( ناسيه البحث )
الا جاني ابوي ( الله يحفظه) وعطاني ذيك التهزيئة الا خلتني يوم كااااامل ما أدخل النت وبعدها رجعت زي أول

هع

<< تآكل قضمة ثانيه الا فجأة تغص وتقول عين ما صلت ع النبي !!!جيت قلت لا لا عندي بحث لازم أسوي مره مهم

قال إيه هين

سكري يلا

سكرته و انا ما سويته

اهئ اهئ

يلا عادي أصلن يوم جت الدرجات سالني ليش ناقصه

قلت تتذكر في ذاك اليوم أنت اللي ما خليتني أسويه ما لي شغل

خخخخخخخخخخخخخخخخخخ

والى الآن هذا الإدمان موجود

بس هالأيام زاد معه إدمان استهبال << هاه ؟

ايه والله

صرت أحب استهبل

ما خليت احد في حاله

يا بالمسن يا بالجوال

يلا الله يستر علي بص

<< تآكل لها شوي ( حشى كل ذا ما خلص !! )

هع

لو سمحتوا اللي يدخل موضوع أبي يرد على كل كلمة

مو يقول يسلمووووووو

ويطلع

تراني من النوع اللي أكره ذي الردود

واللي لي نفس معاناتي يقول لي أبي أشوف كم واحد بالمنتدى له نفس معاناتي


تحيآآآآآآآآآآآتي

<< تكب كيسة التويكس

قصيميه
^_^

إي صووح

أدري الموضوع ما فيه ولا أيقونة

وش أسوي أمي فوق راسي تقول يلا العشاء جاء

ما أمداني أحط

اعذرووني