اح اح اح طار قلبي وراح


طيب وين راح ؟

في ليله من ليالي الصيف الممطره وهي اول ليله انام فيها مقدم منذو اربعة اعوام ( ايه هين )

قمت فايق ورايق في اخر الليل يعني حوالي الساعه ثلاث ونص ..

ضللت مستلقياً ومنسدحاً على سريري المصنوع من عدد 12 بلكه مقاس عشرين وفوقهم لوح خشم تم ( اقتباسه ) من عدة دروج بالمطبخ

فكرت وفكرت وما وصلت ؟
بالاخير من سريري قمت << يحاول يسجع بأي سالفه

وخرت بطانيتي ام اسد وقلبت وسادتي الورديه واللي كل صبح تصبح علي بتلك الكتابه الزهريه الفاقعه ( اللي لو تطفي النور سطعت ) انواع الازعاج

وفيما انا كنت متجهاً الى دورت المياه المشتركه بيني وبين اخوي الدلخ واللي الباب كان من الخشب المرصع بمسامير الصلب

واجهت مخلوق ابد ما عجبني ..
يناظرني وانا منه ممنخرعي
قلت كالعاده بينحاش مني << كما هو حال كل المخلوقات << بلى والله من زينك
بس شكله كذا كان ناويني

بكل رخاوة يد وروقان
سحبت الزبيرية من تحت السيقان
وارسلته عليه بكل قوه ودقه وتصويب وخدعان

لكن طلع اذهن مني والزبيرية في جهه وهو لصق في جبهتي

انا بهالوقت كنت اضعف مخلوق على وجه الارض

تدرون وشو انه ( بريعص من دون اي شعر على وجهه !! )
عريض المنكبين
قوي الساعدين
اصفر العينين
متين الكرشتين
طويل الذنبين << مشوها ولا تدققون

بلا شعور انطلقت امشي مليون بجبهتي وبأقرب جدار كما هي حالي لا سويت نفسي زعلان

تقاطرت منه انواع الدموع واللي مهيب دموع على وجهي

بس اهم شي تم القضاء على هذا المخلوق

تدرون ليش ؟

لأنه يطالب بتحرير المرأه !!
وبقيادة المرأه !!
وبالاختلاط !!
وبعمل المرأه المحرم شرعاً والمنبوذ اجتماعياً << تتعبون
مهوب عشان المصلحه لا يبي لا بغى يعيش ليله ماجنه ياخذ راحته على الاخر ومن غير ما يتعب في تزبين السواويق

وعند دخولي الى بيت الراحة
اللي فيه تتسع الساحه
لأفكارك وصوتك والنياحه

طلع لي بدل الواحد خمسه ؟؟
ياليل وش هالقومه النحسه ؟

جبهه وصبخناها بالجدار ؟
وشلون بقول فيهم ذولا الحين

على طول رحت وفزعت الدلخ اخوي اللي ما يصدق يسمع خبر هوشه الا وبدل البطانيه عشر عشان ما يقوم

بس على مين ( ضحكه صفرا )
قلت له شف فيه محطه جالسين يوزعون بنزين بلاش

على طول نقز وقام

بس للاسف

من غير ما يمر على بيت الراحه
ركب سيارته اللي بالبراحه

وصدق من قال ( الفلوس ما معاه جلوس )
ومن قال ( اذا بغيت تفتك من الواحد عطه فلوس )

عيال من يلعب معي ( عظيم لاح )

بنات من يلعب معي ( عته )
8
8
8
باين انه قايم ومشتاق لايام ابيض واسود

وودك الواحد لا صار قايم نوم ما يقرب للكمبيوتر << يحلف ان الردود كله على هالكلمه

** تم كتابة الموضوع دون اي تنقيح وغير خاضع للرقابه الادارية