مادري

صحيفة سوابق · 04 Feb 2008, 01:19 PM

مادري

بصراحه احنا يالشعب ماننعطا وجه !!

في السابق كان محد يقدر يقول اسم الملك بدون مايقول صاحب السمو الملكي
او يقول خادم الحرمين الشريفين !! ( هذا تشبيه للسابق )
يعني محد كان يقدر يرفع عينه او خشمه !!
ولا احد يقدر يقول ثلث الثلاثه كم !!

وطالب الشعب السعودي بالديموقراطيه وحرية الرأي وان صوت المواطن
لابد وان يظهر على الارض !!

وكلنا وافقنا وأيدنا المطالبه هذي ومازلت للان انا اصادق على توقيعي !!

ولكن شعبنا الكريم ( ماينعطون وجه ) ولا ينفع معهم أزالة درجات الطبقات !!
قبل فترة ليست طويله شاهدت مقطع فديو جوال لوزير الداخليه يطلب
عفوا مواطن عن حق رقبه من شخص قتل ابن اخيه !!
ويخبره وزير الداخليه بان القاتل في وجه خادم الحرمين الشريفين
ونريدك تعفو عن القاتل ولك اجر عظيم عند الله ولك ماتشاء من ديه !!
وان اردت القصاص فهذا من حقك ! ولن يسلبه احداً منك ..
ولكن الاخ صاحب الحق يقول ان اخيه وصاه على ابنه قبل لايموت ( اب المقتول )
وماذا سيقول لاخيه عند مقابلته وقت الحساب !!
شاهدوا العجب والغرابه !!

ما اقولكم ماينعطون وجه !!

يعني بالله لو انت ياصاحب الحق اعتقت الرقبه وعفوت عن القاتل
بيجي اخوك وقت الحساب ويقولك ليش تعفو !! ؟
انا اعتقد انه في وقت الحساب كل انسان بيتمنى انه قضى طول حياته عباده
وفي الاوقات اللي مافيها عباده يكون ينسب وينشتم علشان يكسب حسنات ( ان جاز التعبير )

( من عفا واصلح أجره على الله )

عتق الرقبه بيكفر الذنوب ولها ثواب عظيم .. هذا فادا في الاجر العظيم
وفي التقرب للجنه بسبب رفعة الخشم وعدم التواضع !!

( هذا من الناس اللي يستاهل دق الخشوم )

*

تدخل المواقع الرياضيه وشبكات الانديه ومنتدياتهم
تجد تواقيع وردود ومواضيع وصور شتم وسب لرؤساء الانديه الامراء !!!
هل هذا يعقل !!؟
قبل 15 سنه كان الواحد بالقوه يسب مديره ويخب عليه بعد !!

( هذي فئه ماتنعطى وجه )

سعد الفقيه طلعلنا بقناة وهيصه وهليله وبنسوي وبنفعل
والنهايه قربت واليوم المدري وشو .. وحكامنا وملوكنا
وميزانيه وشيوخ وتواقيع وخرابيط كبر راسه !!
ونهايتها مورطله كم واحد/ن معه وسحبهم في رجلينه
منهم في السجون ومنهم مهجولين من مكان لمكان !!
ضيع قبائل وليس افراد فقط !!!

( بجملة من معه ماينعطون وجه )

امثله كثيرة توضح ان بلائنا مننا وفينا !!
مثلها مثل اساءة استخدامنا للأشياء ونعتب على من يدخلها وعلى اعلامنا !!
مثلها مثل كسلنا وخمولنا وضعف تعليمنا وضعف نشاطنا وحماسنا
ونطالب بمرتبات كبر روسنا ووظائف على مكاتب تحت تكييف مركزي !!

بجد مادري !!

تشاااااو

هل اعجبك هذا الموضوع اذا اضغط على هذا الزر فقط لكي ترشحه لغيرك

اضغط هنا لنشر هالموضوع في الفيس بوك

الموضوع الاصلي : مادري || المصدر : منتديات

Nks · 05 Feb 2008, 12:30 AM

هـــــلا وغـــلا والله ,,,

:36_6_10:

ندخــــل بالموضوع على طـــــووول ,,,

يمكــن تبي تزعــل على بــس بقــــووول وأمرى للــه,,,

أنا مختلــف معــك بهالنظـــره ,,,

بتقـــولى ليــش ؟؟؟

بقــــول لك ماااعمـــر القب ((كبر صغير ولا صغـر كبيــر))

الشــئ الوحيـــد اللى مااتقدر تشتريـــه هــو الحــب

والله لو تصـــف مائه لقب قبل أسمــك ماااغير شــى,,,

كلنـــااا أبناء أدم ولا فرق بين عربــيا وأعجمــيا الا

بالتقــوى ,,,

بعطيــك أمثله بعصرنــااا هـــذا وبعطيك قصـــه أيااام

الصحااابــه وأنت أحكــــــــــم ,,,

يأخــــى شـــوووف الشيخ زايـــد الله يرحمـــه والله

ماااهــو غـــااالى عند شعبــه وبس ,,,

ياااخـــى حتى حنـــااا حبيناه وهـــو مو شيخنــااا ورب

البيت مـــره ضيعــت ودخلت قصــره بالصدفــه وافرفر

حدود نص ســـاااعه ولا أحـــد جااانى يقول وش عندك

الا بعد مااوقفت دوريــه حتى بالموت وقفت سألتهم

قالوا لــى أنت بقصــر الشيخ زايـــــد البوابه مفتــوحه

على مصرعيهـــــااا ولا فيهــااا أحــــــــد ,,,

(( لا تظلم ولا تخــاااف )) ,,,

يااااخـــى وش فااايده هيبــه بلا حـــب ,,,

حتى أحترامـــى أشتريــه ,,, والله شـــى يقهــــر

ويقتــل الطبقــه اللى أنت تقــول عنهــااا أذا ماتدرى

وش فااايده النفاااق معى بكل شـــى مااافيه بعاالمى

شي حقيقي ,,,

حتى خليفــة المسلمين عمــر بن الخطــاااب كاانوا

ينادونـــه أصحـــااابه (( ياعمـــر)) هـــل ظرتــه أو قللة

من أحترامـــه ومكاانته فـــى قلبوب الملايين لا وربــي,,

خــــــــذ هالقصـــه يأبو عاابــد ,,,

Nks · 05 Feb 2008, 12:41 AM

أتى شابّان إلى الخليفة عمر بن الخطاب رضي الله عنه وكان في المجلس

وهما يقودان رجلاً من البادية فأوقفوه أمامه

‏قال عمر: ما هذا

‏قالوا : يا أمير المؤمنين ، هذا قتل أبانا

‏قال : أقتلت أباهم ؟

‏قال: نعم قتلته !

‏قال : كيف قتلتَه ؟

‏قال : دخل بجمله في أرضي ، فزجرته ، فلم ينزجر، فأرسلت عليه ‏حجراً ، وقع على رأسه فمات...

‏قال عمر : القصاص ..

‏الإعدام .. قرار لم يكتب .. وحكم سديد لا يحتاج مناقشة ، لم يسأل عمر عن أسرة هذا الرجل ، هل هو من قبيلة شريفة ؟ هل هو من أسرة قوية ؟

‏ما مركزه في المجتمع ؟ كل هذا لا يهم عمر - رضي الله عنه - لأنه لا ‏يحابي ‏أحداً في دين الله ، ولا يجامل أحدا ًعلى حساب شرع الله ، ولو كان ‏ابنه

‏القاتل ، لاقتص منه ..

‏قال الرجل : يا أمير المؤمنين : أسألك بالذي قامت به السماوات والأرض ‏أن تتركني ليلة ، لأذهب إلى زوجتي وأطفالي في البادية ، فأُخبِرُهم ‏بأنك ‏سوف تقتلني ، ثم أعود إليك ، والله ليس لهم عائل إلا الله ثم أنا

قال عمر : من يكفلك أن تذهب إلى البادية ، ثم تعود إليَّ؟

ـــــــــــــــــــــــــــــــــــــ

‏فسكت الناس جميعا ً، إنهم لا يعرفون اسمه ، ولا خيمته ، ولا داره ‏ولا قبيلته ولا منزله ، فكيف يكفلونه ، وهي كفالة ليست على عشرة دنانير، ولا على ‏أرض ، ولا على ناقة ، إنها كفالة على الرقبة أن تُقطع بالسيف ...

‏ومن يعترض على عمر في تطبيق شرع الله ؟ ومن يشفع عنده ؟ومن ‏يمكن أن يُفكر في وساطة لديه ؟ فسكت الصحابة ، وعمر مُتأثر ، لأنه ‏وقع في حيرة ، هل يُقدم فيقتل هذا الرجل ، وأطفاله يموتون جوعاً هناك أو يتركه فيذهب بلا كفالة ، فيضيع دم المقتول ، وسكت الناس ، ونكّس عمر ‏رأسه ، والتفت إلى الشابين : أتعفوان عنه ؟

‏قالا : لا ، من قتل أبانا لا بد أن يُقتل يا أمير المؤمنين ..

‏قال عمر : من يكفل هذا أيها الناس ؟!!

‏فقام أبو ذر الغفاريّ بشيبته وزهده ، وصدقه ،وقال :

‏يا أمير المؤمنين ، أنا أكفله

‏قال عمر : هو قَتْل ، قال : ولو كان قاتلا !

‏قال: أتعرفه ؟

‏قال: ما أعرفه ، قال : كيف تكفله ؟

‏قال: رأيت فيه سِمات المؤمنين ، فعلمت أنه لا يكذب ، وسيأتي إن شاء‏الله

‏قال عمر : يا أبا ذرّ ، أتظن أنه لو تأخر بعد ثلاث أني تاركك !

‏قال: الله المستعان يا أمير المؤمنين ..

‏فذهب الرجل ، وأعطاه عمر ثلاث ليال ٍ، يُهيئ فيها نفسه، ويُودع ‏أطفاله وأهله ، وينظر في أمرهم بعده ،ثم يأتي ، ليقتص منه لأنه قتل ...

ــــــــــــــــــــــــــــــــــــــــــ

‏وبعد ثلاث ليالٍ لم ينس عمر الموعد ، يَعُدّ الأيام عداً ، وفي العصر‏نادى ‏في المدينة : الصلاة جامعة ، فجاء الشابان ، واجتمع الناس ، وأتى أبو ‏ذر ‏وجلس أمام عمر ، قال عمر: أين الرجل ؟ قال : ما أدري يا أمير المؤمنين !

‏وتلفَّت أبو ذر إلى الشمس ، وكأنها تمر سريعة على غير عادتها ، وسكت‏الصحابة واجمين ، عليهم من التأثر مالا يعلمه إلا الله .

‏صحيح أن أبا ذرّ يسكن في قلب عمر ، وأنه يقطع له من جسمه إذا أراد ‏لكن هذه شريعة ، لكن هذا منهج ، لكن هذه أحكام ربانية ، لا يلعب بها ‏اللاعبون ‏ولا تدخل في الأدراج لتُناقش صلاحيتها ، ولا تنفذ في ظروف دون ظروف ‏وعلى أناس دون أناس ، وفي مكان دون مكان ...

‏وقبل الغروب بلحظات ، وإذا بالرجل يأتي ، فكبّر عمر ،وكبّر المسلمون‏معه

‏فقال عمر : أيها الرجل أما إنك لو بقيت في باديتك ، ما شعرنا بك ‏وما عرفنا مكانك !!

‏قال: يا أمير المؤمنين ، والله ما عليَّ منك ولكن عليَّ من الذي يعلم السرَّ وأخفى !! ها أنا يا أمير المؤمنين ، تركت أطفالي كفراخ‏ الطير لا ماء ولا شجر في البادية ،وجئتُ لأُقتل..

‏فوقف عمر وقال للشابين : ماذا تريان؟

‏قالا وهما يبكيان : عفونا عنه يا أمير المؤمنين لصدقه..

‏قال عمر : الله أكبر ، ودموعه تسيل على لحيته ...

‏جزاكما الله خيراً أيها الشابان على عفوكما ، وجزاك الله خيراً يا أبا ‏ذرّ

ـــــــــــــــــــــــــــــــــــــــــــــــ

‏يوم فرّجت عن هذا الرجل كربته ، وجزاك الله خيراً أيها الرجل‏لصدقك ووفائك .. ‏وجزاك الله خيراً يا أمير المؤمنين لعدلك و رحمتك...

وش رايك أبــــــو عـــااابد :36_15_24:,,,

المصرقع · 05 Feb 2008, 12:56 AM

والله أني مع كــــــلآم أبو مســــآآآعد أذا تبي تنحب وتبي الخلق يحبونك لا ترفع نفسك وأحكم زي النـــــآآآس بالعدل ولا تخـــآآآف وش ضر عمر يوم أنه يحكم بالعدل جــآآهـ شي

حنــآآآآ ما نقول بحكـآآآمنــآآ شي لانهم ما عليهم خـــلآف بس البـــلآء بالصراصيــــر الي تحتهم والي مسوين هلمه وفخفخه على لا شي يعني تشوف موكب طويل عريض ويوقفون الشوراع قبل لا يجي الامير بنص ســـآآآعه والله لو يدري عنه الامراء أنهم ما يرضون لانهم خلق زيهم زي غيرهم ولا يرضون بالضرر لغيرهم بس البــــلآء كله من الصراصيـــر وما نقول الا الله يصلحهم والا يشيلهم ويجيب الي أخيـــــر منهم

يامــــــآآآآل الثانكيوا والله على الموضوع

.

سومااا · 05 Feb 2008, 01:02 AM

موضوع حلو

وصادق الناس ما عادو يحترمون احد

وزي ما تقولي امي دايم الاحترام لله بغض النظر اذا كان الانسان يستحق الاحترام ولا لا وبغض النظر اذا كان ملك اوبياع واللي يطلع من الانسان من سب وشتم مايدنسه الا هو

مشكور نكس على هالقصه الرائعه

صحن فرطه · 05 Feb 2008, 01:27 AM

مشكور أخوي صحيفة سوابق

موضوع رائع وجميل ولكن لي مداخله بسيطه

وهي ان هذا جهل وليس تكبر لان كلمة تكفى

تهز رجال فما بالك بانسان يطلبك بوجهه فاعلم

انها تناحه من الشخص وليس بالاحترام لانه لم

يفكر بالاجر والثواب كما هو واضح بل بالتعصب

وعدم الا فهم .

تحياتي لك ,,,

صحيفة سوابق · 05 Feb 2008, 10:32 AM

ياهلا وغلا بمعزبنا

كلامك وتأييد المصرقع مستحيل أحد يطعن فيه ..
لأننا كلنا عارفين ان التواضع هو أحد أسباب المحبه ومايبحث عنه البشر ..
لكن مب مشكله بجي معكم على نفس الخانه والزاويه اللي تطرقتوا لها ..

صحيح لافرق بين عربي ولا عجمي الا بالتقوى
وصحيح كلنا سواسيه عند الله
وصحيح من تواضع لله رفعه

ولكن عدم التواضع مايلغي فارق الطبقات في الدنيا !!

طبعاً مستحيل اننا نقارن مفتي او ملك او شيخ في وقتنا الحاضر بأمير المؤمنين عمر بن الخطاب ولا نقدر نقارن بين احد من وقتنا الحاضر وبين ابو ذر الغفاري !!

ولكن بشكل عام يالنكس أسمهم حكام الدوله السعوديه وأفراد الاسره الحاكمه .. انا اميل للواقع اكثر من المفروض بصراحه .

أغلبنا لجأ لولاة الامر بعد الله وأستعطفهم في أمر ما ..
اللي استعطفهم في مبالغ ماليه واللي استعطفهم على أعفاء سجون واللي استعطفهم مادري لايش !!
والأغلب تلبت طلباته !!
وكم وكم يانكس سمعنا وشفنا وقرينا عن قضايا دم
وتدخل فيها عيال آل سعود وعتقو الرقاب ودفعوا الديات
وهذا شي ماننكرهـ ..

ليش في مثالي اللي طرحته مثلاً أمتنع المواطن من أنه يطبق شي حلال ويفرح الرب في سبيل أنه يرفض طلب لعيال بن سعود !!؟

انا ما أزكي عيال بن سعود على الله ولا اقول انهم انبياء ولا رسل .. وأقولها بكل صراحه سبق وعانا البعض الكثير من الشعب بأسباب البعض من أفراد الأسرة المالكه !!
ورغم أنه ولله الحمد تعدل الوضع من وقت استلام ابو متعب حكم المملكه بالنيابه قبل وفاة الملك فهد الا اني اقول حتى لو كانوا مخطئين فالشي اللي طلبوه هو عبادهـ ولا يغضب الله لأنه عفو وتسامح وديننا هو دين العفو والتسامح والسلام !!

يالنكس لو عمك أو خالك أو جدك أو شيخ القبيله كان غير متواضع لاسمح الله أو كان مقصّر مع افراد قبيلته او افراد اسرته او ابنائه وطلب منك طلب أو أمرك بأمر أو وجهك لاي خدمه تخدمه فيها .. هل كنت حتعارض !؟
لو عمك قاطعكم ومايوصلكم .. هل تبادله القطاعه وتقطعه وتسحب عليه !!؟
وان سحبت عليه هل تتوقع أن قطاعته لكم هي حجه تحاج الله فيها على قطاعتك لعمك ؟؟
اكيد الاجابه لاء !!

أرجع وأقولك أن كلامي هذا حيكون نفسه مع أي أسرهـ حتكون حاكمه للدوله السعوديه !!
لاني بأتكلم من ناحية المبدأ ..

خذ هذي القصه على الطاير صارت معاي انا

كنت انا والده يطولي بعمرها في السياره ( امريكي )
وفجأه أحترقت البطاريه علي وطفت السياره في طريق عادي بداخل جده لكن طريق مافيه محلات واجد ..
وانت تعرف جده .. تحديداً كنت ماشي في شمال جده
المهم وقفت السياره انتظر ليموزين مافيه فجأه وقفت سياره اولد زومبيل فيها شخصين دق بوري قالي سلامات ؟
قلتله اللي حصل معي .. عطاني جهاز لاسلكي وقالي اطلع في موترك وصار متواصل معي ودفني بالسياره جنبناها في خط الخدمه وناداني .. طلعلي بطاقته بأسم الامير فلان الفلاني وقالي جب الوالده وتفضل وطلعت معه أنا وعجيزي كان هو اللي يسوق الامير واللي جنبه واحد متجنس لابس ثوب .. المهم رحنا لاقرب بنشر وطلب من العامل بطاريه ورحنا لسيارتي ونزل بنفسه وخلاني جالس مع الوالده في السياره بعد ماحلف سبع ايمانات علي وركب البطاريه بنفسه ومحاسب عليها هو نفسه !!
مع رفضه الشديد جداً بأنه يجي معي للصراف

مشكوووور نكس .. مشكوووور المصرقع
العذر انا جمعتكم برد واحد لانكم اصحاب وجهة نظر وحده .. والله يجمعنا في الجنه

تشااااو

صحيفة سوابق · 05 Feb 2008, 10:53 AM

إقتباس:

المشاركة الأصلية كتبت بواسطة سومااا

موضوع حلو

إقتباس:

المشاركة الأصلية كتبت بواسطة سومااا

وصادق الناس ما عادو يحترمون احد

وزي ما تقولي امي دايم الاحترام لله بغض النظر اذا كان الانسان يستحق الاحترام ولا لا وبغض النظر اذا كان ملك اوبياع واللي يطلع من الانسان من سب وشتم مايدنسه الا هو

مشكور نكس على هالقصه الرائعه

ياهلا سوما

صح لسان الوالدهـ وصح فكرك لأستذكار نصيحة الوالده الله يطول بعمرها ..

هذا هو اللي انا اقوله ياسوما

الأنسان حسب تربيته .. يعني لو واحد شتمني وجيت شتمته انا ورديت عليه بالسب .. هل فيه احد بيعذرني اني شتمت ويقولي برافوا عليك ؟

اكيد لاء

لان الاحاديث وايات الله كلها تقول قابل السيئه بالحسنه .. فما بالنا لو كانوا ولاة الامر أو أبنائهم !!

والله ياسوما رفعة الخشوم هذي ماهي قوه ولاهي جبروت ولاهم قدها بصراحه !!
ولكن لأن الدوله سمحت لصوت المواطن بالظهور !!
وكعادتنا يالعرب عامتاً والسعوديين خاصتاً اسئنا أستخدام حرية صوت المواطن وقلبناها ضد ولاة الامر !!

والجاهل يخرب على العاقل !!

أعرف واحد مواطن طبيعي جداً جلست معه تقريباً جلسات ماتزود عن عدد الاصابع ..
يوم من الايام أخذ ملفه وبداخله شهاداته وراح لشركة بن لادن ودخل على سكرتير الشيخ وطلب مقابلة الشيخ وقال للسكرتير قول للشيخ فلان الفلاني من طرف اسامه بن لادن بيقابلك !!!
الشيخ بن لادن طبعاً بيخلي مسؤوليته اتصل على الشرطه وجلس يماطل في الاخ الفتوهـ الين جت الشرطه وتلته من علباه ( قفاه )
وجلسوه تقريباً شهرين الين استقصو عنه وعرفوا حقيقته انه ماهو كفو يقابل سواق الظواهري مو عاد يجي من طرف بن لادن !!!!!!

شوفي التناحه بس وشلون !!

والسبب علشان الدوله سمحتلك تقول اسم بن لادن على لسانك !!

زمان الواحد لما يجي يقول اسم مدير الصادر والوارد في الاماره كان يتكلم بصوت خافت !!

والحين والله العظيم لو اني دبوس واشتغل في المباحث كان خذيت أكبر وسام بسبب الناس اللي اجيبها بجرم لسانها من كثر ماصرنا بس نسمع شتم وسب في ولاة امرنا وطباعهم .. وتناسينا أن الله أمرنا بطاعتهم والأنصياع لأوامرهم طالما لم تبعد عن رضاء الله

مشكوووور سوما على تواجدك
وان شاء الله مايكون ردي متلخبط عليكي فوق حدر @ ! @

يسلم راس من رباكِ

تشااااو

صحيفة سوابق · 05 Feb 2008, 10:58 AM

إقتباس:

المشاركة الأصلية كتبت بواسطة صحن فرطه

مشكور أخوي صحيفة سوابق

موضوع رائع وجميل ولكن لي مداخله بسيطه

وهي ان هذا جهل وليس تكبر لان كلمة تكفى

تهز رجال فما بالك بانسان يطلبك بوجهه فاعلم

انها تناحه من الشخص وليس بالاحترام لانه لم

يفكر بالاجر والثواب كما هو واضح بل بالتعصب

وعدم الا فهم .

تحياتي لك ,,,

يسلم يمينك وتفكيرك

صدقت جهل ..
جهل في التعامل .. جهل في الحقوق
جهل في التمييز بين مايرضي الله ومايستخدمه كعناد !!

يمكن اول مره في حياتي أتمنى لشخص أنه يوقع بسوء لا لشئ وانما ليعتبر ..
ودي أني أشوف واحد ممن نعنيهم بموضوعنا
واقع في مأزق وجالس يطر ويتوسل قدام القصور
علشان بعد كذا يعرف ويصير يقدم السبت علشان يلقى الاحد !!

الف شكر لك مرورك صحن فرطه
حياك اخوي

تشاااو

وحيدة الدرب · 05 Feb 2008, 02:49 PM

اخوي موضوعك رائع ولي بعض التعليق عليه :

انت ذكرت اننا شعب ما ينعطى وجه وانا بصراحه مع المقوله هذي وبشدة

والاحترام واجب سواء كان احترام ملوك او شعب لانه قبل كل شئ احترام للانسان قبل ما يكون احترام للمنصب

واللي يجي ويسب الاسرة الحاكمه او ال سعود ما سال نفسه وش استفاد لما سبهم وشتمهم

انا ابغى افهم بس

عشان اعطوكم حريه الراي

اظن لو بيحكم الدوله غير ال سعود الظاهر اننا ناكل هوا

هذي نقطه

النقطه الثانيه

حادثه القصاص والديه

الحين يجيك واحد يقتل غيله والا متعمد القتل والا كذا تهاوش معه راح جاب السلاح وطخه

من وجهه نظري ان اهل الدم المفروض ما يتنازلون

عشان يكون فيه حزم

مو والله على هوشه تقاتلوا ويروحون يجمعون القبايل ووجاهه وكلام كثير على واحد قاتل مثل ما نقول شبعه

مثل قضايا كثير نشوفها بالجرايد انه على هوشه والا لسبب تافهه قتل ووجاهه وديه ورجه ويزعلون على اهل الدم اللي ما يتنازلون

وهذي وجهه نظري

مع الاسف لاتزال عندنا فئه من الناس لازم دق علشان تمشي عدل

ليه ما نكون شعب راقي في حوارنا وفي تعاملنا مع الاخرين

الحين يجونك الشباب وهم ماشين شافوا عامل نظافه يقومون يطلعون وسخ السيارة كله عنده ويمشون

ليه

فين الاحترام

مو هو انسان مثلكم

وش راح يصير بالدنيا لو ساعدتوه

هذا جزاؤه انه ينظف البلد

فيه كلام كثير ببالي بس مو عارفه كيف ارتبه
ما اقول الا الله يحفظ لنا ملكنا ويكون ذخر لنا

يعافيك ربي على هالموضوع صحيفه

ابداع مو غريب عليك

حكاية روح · 05 Feb 2008, 03:06 PM

إقتباس:

*******

تدخل المواقع الرياضيه وشبكات الانديه ومنتدياتهم
تجد تواقيع وردود ومواضيع وصور شتم وسب لرؤساء الانديه الامراء !!!
هل هذا يعقل !!؟
قبل 15 سنه كان الواحد بالقوه يسب مديره ويخب عليه بعد !!

( هذي فئه ماتنعطى وجه )

كلامك حلو بس ابي اعلق على النقطه هذي
تصدق بالله
كنت انا غر << غر = غشيم
عن بعض المنتديات الكرويه اللي تسب
تعمقت اكثر واكثر
فطلع لي ناس يقولون الامير فلان رئيس النادي الفلاني لقبه كذا
هيه هيه اصحو شوي
تدرون من ذولي
مو واحد بالشارع تسبه انت وخشتك
وبعدين ياخي من انت تسبه
صح انهم ناس ماهم معصومين من الخطاء
لكن ليس لك حق انك تسبه وتشتمه
قبل فتره بقسمي
قفلت موضوع
صاحب الموضوع قال انا بطلع من المنتدى
قلت ليه قال عشانك قفلت موضوعي
قلت حبيب الشعب تدري من تتكلم عنه انت تتكلم عن ال سعود مو تتكلم عن مثلا ماجد او سامي
وبعدين فهم قصدي ورجع لعقله
ماقول الا الله يهديهم ويعرفون قيمه نفسهم

صحيفة سوابق · 05 Feb 2008, 08:53 PM

بالعكس ياوحيدة الدرب كتابتك رائعه ومرتبه ..

أشكرك كل الشكر اولاً على تواجدكـ
وثانياً على روعة ردكـ وذووق كلماتكـ

صدقتي بردكـ ياوحيدة الدرب وتوجد الأمثله أكثر وأكثر
والسلبيات عدي واغلطي ..
قولي عايدي بخصوص التعامل بين البعض او مع الاجانب .. نقول هذا يحتاج تعديل سلوك !!
ولكن حنى مع ولي الامر يقل الواحد ادبه !!
مشكله والله

من جد بني آدم ضعيف رغم عنجهيته !!

الف الف الف شكر لك وحيدة الدرب
ما ننحرم من ردودك وقلمك المميز ياعثل :)

تشاااااو

محشش كليجا · 05 Feb 2008, 09:01 PM

والله صدقتـي اخ ـتي
وانتي كذا <<اصبع ابهام مرفوع
طرح مميز هالح ـين اللي تقولين عنه
اللي بيقولـه بيوم الحسآب
هذا اتوقـع انـه جآآهـل يوم الحساب
مايعرفـه زيـن ..
ولآهنتي ,,,,
:: كليـج ـا ::

صحيفة سوابق · 06 Feb 2008, 09:59 AM

ابوحاتم

ياهلا والله بالنشمي ..

مشكوووور على ردك وتعليقك الأكثر من رائع اخوي
يسلم يمينك وتفكيرك وقلمك
يسلمووووو ابو حاتم

تشااااااو

شبيه الجراح · 06 Feb 2008, 10:17 AM

انا خايف :36_1_7:

ياخي وش لك بها الكلام ...............اخوي صحيفه

نبي نعيش ونبي ناكل ............ترى مباقي إلا فصل واتخرج من الجامعه

بعد ما تخرج واصير رئيس بيحترموني الموظفين

ماادري ....................

اخوي صحيفه ما ادقدر اقول إلا رد وحيدة الدرب هو

الصحيح وهذا اتوقع رائي وكيفي صح ؟؟؟؟؟؟؟؟؟

حنا بدوله الدومقراطيه اهم من الأكل والشرب عندها

يسلموووووووووووووووووووووووووووووووووووووووووووو

صحيفة سوابق · 06 Feb 2008, 10:44 AM

إقتباس:

المشاركة الأصلية كتبت بواسطة محشش كليجا

والله صدقتـي اخ ـتي
وانتي كذا <<اصبع ابهام مرفوع
طرح مميز هالح ـين اللي تقولين عنه
اللي بيقولـه بيوم الحسآب
هذا اتوقـع انـه جآآهـل يوم الحساب
مايعرفـه زيـن ..
ولآهنتي ,,,,
:: كليـج ـا ::

هلا والله بالطيب الغالي

رائع تعليقك على النقطه اللي تطرقت لها يامحشش كليجا ..
بالفعل هو جاهل ... لان وقت الحساب مافي مجال اني اجي اعاتب اخوي على سبب تافه من اسباب الدنيا !!
كلاً بيكون مشغول بلوحه ومايتضمنه اللوح المحفوظ ..

مشكوووور محشش كليجا

تحياتي أخوك صحيفة سوابق

تشااااو

عـــ الأمـــل ـــشـــق · 06 Feb 2008, 04:48 PM

يعني الحين لو بحتسي بتضمن لي ان الليله بنام عند امي

تبي الصدز !! أنا مع نكس ،، يعني رده كفى ووفى ..

واذا على موقفك حق بطاريه السياره ،، أكيد هو فيه ناس

فيها خير وفيه العكس ..

<< باين انها تحكي وهي تنتفض :cold:

يعطيكـ العافيه عالموضوع : )

:sofa:

واااوكـ ياقدم مواضيعي من وين طلعت ذا المواضيع << تحاول تضيع السالفه

سحابة صيف · 06 Feb 2008, 07:46 PM

أخوي صحيفه

كلامك جميل

و أحب أقول ان أعظم و أشد غيبه هي غيبة الملوك والأمراء

وفعلا فيه ناس ما تنعطى وجه

الحين الناس تسب وتسخط ولما يصير عليهم شي أول ما ينخون حكامنا

يعني عقليات سلامتك فيها تخلف

الحين هذا جزاهم يوم عطونا المجال اننا نبث شكوانا

وبعدين عندنا ناس تحكم على الشخص من دون ما يتعامل معه ويعرفه

هذا برضوا انا اسميه تخلف

يا هووووووووه

كيف تحكم على انسان ما صار بينك وبينه أي شي

الله يرحمنا برحمته

بصراحه ماني عارفه اش أقول واش أخلي

حست وان اكتب امسح بس في النهايه استقريت على الاختصار

يعطيك العافيه أخوي

صحيفة سوابق · 06 Feb 2008, 09:10 PM

إقتباس:

المشاركة الأصلية كتبت بواسطة شبيه الجراح

انا خايف :36_1_7:

ياخي وش لك بها الكلام ...............اخوي صحيفه

نبي نعيش ونبي ناكل ............ترى مباقي إلا فصل واتخرج من الجامعه

بعد ما تخرج واصير رئيس بيحترموني الموظفين

ماادري ....................

اخوي صحيفه ما ادقدر اقول إلا رد وحيدة الدرب هو

الصحيح وهذا اتوقع رائي وكيفي صح ؟؟؟؟؟؟؟؟؟

حنا بدوله الدومقراطيه اهم من الأكل والشرب عندها

يسلموووووووووووووووووووووووووووووووووووووووووووو

عادي ياشبيه الجراح

احنا مانقول شي كذب او خطأ .. ولا بنفتري بالكذب والاشاعات ..
كل ماذكرته انا وشاركوا فيه باقي الاعضاء هو واقع نعرفه كلنا .

وفي النهايه مايقص الرقبه غير اللي ركبها @ ! @

الف شكر لك شبيه الجراح تواجدك وتواصلك
تشرفت بمرورك الكريم

تشااااو

Nks · 06 Feb 2008, 10:12 PM

مبـــــــــدع ياااصحيفــــه ,,,

أسجـــل مرورى ,,,

ولا هنت يااابعــــــــــدى,,,

أدوات الموضوع	ابحث في الموضوع
مشاهدة صفحة طباعة الموضوع أرسل هذا الموضوع إلى صديق	ابحث في الموضوع: البحث المتقدم
أنماط عرض الموضوع
العرض العادي الإنتقال إلى العرض المتطور الإنتقال إلى العرض الشجري

المواضيع المتشابهة
الموضوع	كاتب الموضوع	المنتدى	مشاركات	المشاركة الأخيرة
كلمات قصيميهgtgtgtgtgtgtgtمادري شلون ينكلمون	@ محشش فله @	منتديات هبال و صرقعه ( مانبيع الا سوبيا وبربيكان توت )	24	07 May 2008 03:02 AM
صوره لفندق يدووووووووووووووخ من فوق لتحت مادري شلون جاي	[ نــبْــض .."	منتديات المواضيع المسجونة	3	26 Oct 2007 08:23 PM

الان برنامج اخبار محشش متوفر للايفون و الايباد و الايبود حمله من هنا

مادري

مادري

مادري

مادري

رد: مادري !!

رد: مادري !!

رد: مادري !!

رد: مادري !!

رد: مادري !!

رد: مادري !!

رد: مادري !!

رد: مادري !!

رد: مادري !!

رد: مادري !!

رد: مادري !!

رد: مادري !!

رد: مادري !!

رد: مادري !!

رد: مادري !!

رد: مادري !!

رد: مادري !!

رد: مادري !!

رد: مادري !!