السلام عليكم كل ابوكم من صغيركم لحد آخر مقاااس ومن ادناكم لاقصاكم ويااهلا عدد مامشيتو << موضوع ترحيب

للي بيسرق ويتعلم الذرابه هههههههههههههه

الموضوع مافيه الا سلامتكم قدر الله علي وقلت ادخل قسمكـم واطرح موضووعي بس حبيت اقووول ترا الموضوع

يتكلم عن بعض الناس يعني ركز على كلمة(( بعض )) موكلهم وهو يعني بعض الاشياء اللي عندنا مو كلها ويمكن تعيشها

او تشوفها في حياتك اليوميه المهم هذا هو الموضوع وحطيته الابيقرااه ولا بقريح <<<< امزح

طبعا يقولوون انا مالي دخل خخخخخخخخخخخخخخ

يقولون نسبة العنوسه زادت عند البنـآت (موضوع اليم) بسبب ان كل وحده تبي تتزوج عن طريق الحب ومو محصله
فارس الاحلام (انا اقول ربي عيال اخوك ابرك لك)

يقولون عيالنا (فديتهم )صاروا يدخلون صالة حديد ويلبسون تي شيرت ضيق وسلسله في الرقبه
ويحطون سواره في اليد (لا تقول اكذب) ويحلقون على الصفر يعني يقالهم مقلدين تايسون
بس حق الطويلعه (حاره مرموقه بالرياض )

يقولون البنات هابين بالزبيريات وشرايك بعد تلبسين ثوب خليجي قطني ووسيع وترفعين اكمامك ومسبحه
صفراء وووينك يالمعارض

يقولون بعض الشباب صاروا اخس من البنات قاموا يصلحون خشومهم ويشيلون بالليزر ..

يعني وش ذنب اللي فاتح حلاق يسكر


يقولون الوظايف في المستشفيات بوابتنا مفتوحه للكل ولين رحت لهم الا كلهم بنات ومتكومين عند مدير التوضيف
واذا شافك دخلت عليه عـقد حجاجه وقال هذا وقته جاي ذا الغثيث (اكتفينا)




يقولون سعر الرز طاق طبوله يعني طاير سعره (وه بس) يعني الا تاكل رز ياخي اقلبها مكرونه واحمد ربك

يقولون الشباب طايحين بتطويل الشووش (الشعر) طيب اللي شعره مايطوول يعني كنه فرشه (انجيله ) وش يسوي بشوف لكم حل ولا يهمكم

يقولون البنات ذا الايام قامو يلبسون تنانير فوق البناطيل يعني مررررررره مطبقين نظرية
سحيله ام الخلاقين (بضميـــــــر)

يقولون الشباب ذا الايام رازين خششهم على بنات (ابورنه) وماقامو يردون عليهم والسبب..
ان (رصيدها) مخلص بس ما ادري على مين (ياخي لا تدقق يمكن على المطعم ) هع هع

يقولون بنات السوا وموبايلي يفشلون (مالت) يعني اللي جوالاتهم عام ماقاموا يدقون رنه وحده

يخلونه يرن لين ابو الشباب يرد وتــسكر.. يعني مالك عذر لاتقول ماشفت المس كووول



يقولون الناس قامت تشخص يقولون بنصيف في باريس ولندن على بالهم وآخر شيء نشوف

الجمس حقهم واقف في مواقف رويال سنتر ويقالهم شامين هوا (برضوا يمكن متعطل فيهم الجمس)كااااااك

يقولون بنات ذا الايام (خنت عيني) اووووب مضمونين كل وحده راجعه من الخارج حاطه لزقه

على خشمها حركات قص ولزق وتتعذر مسويه عملية لحميه.. على مين ياماما شوفي غيرها


يقولون البنات هابين بحزام فيفي عبده اللي يطلع صوت واذا شطفتك البنت تقول مار عليك حنطور
بشارع جامعة الدول العربيه بمصر خخخخخخخخخ

يقولون المغازل تحول من شارع التحليه لشارع الثلاثين بالعليا علشان مطعم ست الشام ودكتور كيف (كلمة المغازل تعني كثراللف بالشارع بدون اي هدف وخساره للبنزين)

يقولون ان اغلب الشباب ماعاد يروحون لمقهى ابو هيثم وحولوا لمقهى الاطلال لان الخدمه

صارت لك عليها (اي شي) من بعد ماسافر رشيد الهندي (الله عليك يازمن الاحتراف )

يقولون مواقف محل مناسبات للهدايا اللي على طرق العليا العام بتصير الدقيقه بريال لانهم اكتشفوا ان كل واحد او وحده

يبي يعطي الحنونه حقته هديه يروح هناك(كذا تفيدون امانة مدينة الرياض ) مالي دخل

يقولون عسى ماتمرك بنت بسواقها شافت عمرها وماتعطي وجه وتشخص على خوياتها بالمدرسه

.. الله يرحم ايام الكرسيدا البوكس اللي معلقه فيه تويتي ومثلث ريحه (زمان يافن)



يقولون الطقاقات بيسون جمعية حقوق الطق لان طاح سوقهم كل مايروحون عرس يقولون لهم بسرعه لان فيه (دي جي )
ورااااكم لوووووووووووول .. الله يعينك ياأم مشعل صرتي (دئه أديمه)


يقولون بعض البنات هابين ببناطيل لوو ويست والاندر وير باين من فوووووووق علشان تبين الماركه واذا قالوا لها فلالالالانه هيه !! باين قالت اوووه
سووري مادريت .... علينا لا ياماما احلفي قولي قسم


يقولون الشباب (ربي يحرسهم) صاروا يشترون سيارة عنيفه ويغيمونها كل ابوها يعني ترا انا ولد واصل وما اخاف من الدوريه واذا مسكه طلع ..!! الحمد لله والشكر (لا تعليق)


يقولون البنات خلالالالاص السبت الجاي بنسوي ريجيم وبندخل نادي وكل سبت يصير السبت اللي وراه
ومانشوف شيء (وأخرتها ترهل وعوامل تعريه وعلامات تايقر عند الخصر )


يقولون اذا كنت جايع وانت بآخر الشهر وفاتورة جوالك واصلة للحد الائتماني وماتدري وين تتعشى
يمدحون تسالي ولا ساندويتش صبه ولا يااخي خذ لك فطاير لوزين افيد لك(معجبته دعايتهم يلا نسوي لهم تسويق عساه يفيد)


يقولون بعض الشباب صاروا يتخرجون ويدخلون دورة تسدح وتبطح بالبيت الى اجل غير مسمى
يحترون عطف الديوان عليهم ... وآخر شيء سنترال في البلديه ولا مراسل في المحكه (مع هذا الشغل مو عيب)
يقولون بعض الشباب قاموا يتعرفون على بنات من شرق اسيا ولا المغرب وكل شهر دااز لها حواله فلوس تصرف على عمرها
ياخي كان فلوسك زايده قل لي اعطيك رقم حساابي

يقولون ان اللي يفتروون في التحليه تجيهم التكه والغلقه اذا مر بالتحليه وصارت الاشارات خضراء

مافيه مجال للقزقزه والبصبصه على شان البلوتوث يجي موضوع عشق الاشاره الحمراء (التحليه شارع بالرياض للناس المكووووله)

يقولون البنات صار لازم يصير معها جواليين واحد بأسمها والثاني بأسم هندي او بدون بيانات

على شان شغل >>> آآآآآآآآآآه ياليـــــــــــــــــــــل


يقولون يا الصراحة براحه موضوعك هذا بيسبب لك احراج ويمكن تروح فيها وتروح عضويتك
قلت وش اسووي بعد لاحول ولا قوه (ربنا على المفتري)



يقولون ان السعوديين شايفين روحهم وانا اقول لا تظلمونهم (فديتهم واحد واحد) ولا تجمعون لانكم ماعاشرتوهم من قرب (نظريه واطبقها) <<

بدت اللواقه

يقولون راحت موضة الارقام المميزه للوحات السيارات وحولو على ارقام الجولات(لك يوم ياظالم)) <<

شعار المرور

يقولون المجمعات بالويك اند تصير خلية نحل من الزحمه (طيب سوو توصيل مجاني وريحونا)

بدى يخرب على الشباب

يقولون طايحين بستار بوكس اللي على طريق الملك عبدالله بعد ماتخلي الشيراتون على يسارك

عاد مو لها الدرجه فيه شيء يجذب كابتشينو وفليك واورنجينا وقهوه عاديه وسفن اب (بس علشان البلوتوث وشغلك لا يختلف )

عز الله ارتز جمس الهيئه هناك خخخخخخخخخخ

يقولون قاموا يصيدون خلق الله بجولات ابو كاميرا ويشهرون فيهم ..

ياخي استح على وجهك ماعندك اهل

يقولون المتلثمات قامو يفكون طرحهم اذا تحمست في المشي وتطلع رقبتها تقول شماغ الوالد وهو راجع من صلاة الفجر حاطها تسعاويه

يقولون ترا مصختها (يالصراحة براحه)

بمواضيعك اللي تكتبها يعني انا اللي فاهم وعارف

كل شيء ياعمي طيييييييييييييييييير (لاتسوي مالك دخل)

يقولون البنات لوحطت موضووع وكتبت ؛؛ منقووووول ؛؛

غصت وشررقت صفحتها بالردود

وبدا يطلع النحو العربي وقالوا لها بعض من ذا الصيغ ..(

نقل رائع يدل على ثقافتك الهائله.

رأيت مواضيع منقوله كثيره ولكني لم اشاهد مثل هذا النقل المتميز.. لا يستطيع أن ينقل هذا الموضوع إلا من اتاه الله العلم العميق ..والفكر ألانيق والاسلوب الرشيق ..اسلوبك في النقل لا يضاهى .. الخ (يعني حط اي موضوع ولاعاد تعقب عليه وانتبه تسرق)..

لا تسرق ولا تخاف

يلا حبايبي ان شااء الله يعجبكم الموضووع وآآآآآآآآآسف على الاطاله و مو قصدي تجريح بس موضوع وحبيت اخليه هوونا