واركب الحنطوووور

درقن درقن


واتحنطر:ma:

درقن درقن

ياربي وش فيها ماسكه معي الاغنيه هاليومين لدرجه اني بغيت اتهور واروح مصر علشان اركب الحنطور:fire: <<<يقولون حناطيرهم اصليه صح انها مكسره وحالتها صعبه بس برضوا اتحنطر :bi:

مصر اقدع ناسclap:

ترى هذي مالها دخل بالموضوع ابدن ابد """

بس شسمه قلت يمكن تنفع مقدمه :bi:<<<<<<<<مشكله الفلسفه

اليوم راجعه بمواقف جديده صارت معي
اتمنى منكم اي واحد بيضحك يصد بوجهه مناك مراعاتن لمشاعري الرقيقه :blu:

قدر الله علي يومن من الايام واروح مع اختي جوجو للسوق طبعا هالبنت ياما وياما بغيت اتبرى منها من كثر ماتفشلني بمواقفها <<<<<<منتيب عاقله


كان مجمع تجاري كبير وبرى حاطين مثل المجرى للمويه تمر من فوقه صغير طبعا انا بسم الله علي قزيته من بعيد :surprise:وقلت يابنت مابدهاش فتحي عيونتس زين ماله داعي تدبجين على خشتس وتخلين اللي مايشتري يتفرج

المراد

واجي انا واياها مدرعمين كل وحدتن عيونها طايره في المحلات اللي منزل بضايع حلوه واللي مسوي عرض واللي عيونه طايرتن في الحلوات مثلي:ma: <<<<<<احلمي على قدتس

المهم ويوم قربنا للمجرى اللي خبركم نقزت اختي وقالت مي:شوفي ذاك الفستان في العرض مره حلو تعالي:fire: هي قالت تعالي ماامداني افتح فمي اقول انتبهي الا والله يوم شفت نعالها تسبح في المويه ونقابها مايل :bye2[1]:وشنطتها جنبها وهي مفرشطه في وسط المويه اللي يشوفها يقول ضايعن لتس شي ياخاله

انا هنا خلاااااااااااااااااااااااااااااااااااااااااااص
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههه

قسم بالله بغيت اموت ولو ماتداركت الوضع بحركه اكس كانت جبت العيد على ملابسي
ياربيه واضحك واضحك والعالم حولها بسم الله عليتس عسى ماعورتس شي واللي مسكتها بيدها وقومتها:inlove: واحد من الاخوان بارك الله فيه جاب نعلتها يقولون بغت تروح لنهر النيل لولا انه لحق عليها:ma:

ويوم قامت على حيلها ووقفت جنبي قالت حسابتس بعدين يالتسلبه :bi:

لبى قلبها والله والله اني كل ماذكرت هالموقف اتعب من الضحك من جد شكلها كان تووووووووحفه,,
>>>>>>>جوجو احبتس :heart2:

ومره كنت في المدرسه ايام الدشره والثانويه خبركم فرصه البنت للانحلال:big:

حتى لو يمر من عندها قطو حبته :inlove:

الوكاد اني اعقل الشله<<<<<اخاف انتس البلى كله يالتسذوب :bi:

وكان مجموع شلتنا 7 بنات المهم كانوا بنات متوسط مبلشينا ورايحين وطي اعجاب ورسايل اللي تاخذ شنطتي واللي تجيب لي ورده واللي تقول صباح الخير:rolleyes: وانا شسمه اترزز قدامهن وامسمس هالشعر تقل من علم
كان هذاك اليوم مطر وبرد وانا ابي الحق على الحصه لان الجرس ضرب واجي بطلع للدرج اللي يدخلني من الساحه الخارجيه للمدرسه للداخل
والتفت الا والقى 3 من المعجبات يتميلحون قدامي بالابتسامات والنظرات الساحره قلت يابنت فرصتس قطعي قلوبهن:bi: <<<<تسمع بالاغراءات

واجي مدرعمه يقالي بركض قدامهن وارقى الدرج في خطوتن وحده
ودب دب دب دب دب دب دب دب>>>>صوت مخابط رجليها في الارض تركض:bo:

الا والله يوم جيت على خشتي في منقع هاك المويه اللي وقسم جتني البتسوه:bye2[1]: مريولي وطفح ماء وشعري وانحاس ورجليني وحدتن مشرقه والثانيه جنوب
عاد اتميلح بخشتي اغديهن يقوموني مادريت الا والله يوم حطن رجليهن وكل وحدتن كاعتها ضحك :36_11_6:
بغيت اموت من القهر فشيله ووجع وطحت من عيونهن وهذي الرجه وماتسوي :ma:

واخر موقف صار لي مع اخوي اللي اصغر مني عند محل الدبلوماسي عندهم كنافه ماتخرش الميه :big: <<<<احلى دعايه

المهم وانشب في حلقه واروح معه رازتن عمري قدام لا ومشغلتن سواها قلبي وخاشه جو<<<<تسمع بالرومانصيه

يوم وصلنا المحل ونزلنا واجي بكل عزه وشموخ واااااااااااثقه من نفسي واخوي جمبي :euro:

واحسب الباب مفتوح وطووووووووووووووووووووووووووووووووووووووووووب

مادريت الا خشتي لازقتن في باب المحل ولسان حال اللبناني داخل المحل يقول(يارب ماصار شي للباب)

واتلفت الا والقى جليل الحياء طاقن اللطمه وحاطن رجله """عاد شسمه ماعاد ادري وش اسوي صرفتها وفتحت الشنطه وسويت نفسي اكلم جوال لين وصلت السياره

ويوم ركبت قال لي:اركبي الله يفشلتس حدتس البطحاء وتخب عليتس:punch:<<<<ياقساوه قلبه هوانا نائصه


هذي بعضا من مواقفي,,,,

واللحين نترككم مع الهديه ,,





لاتفوتكم خشه اخر واحد ع اليسار تراه ماقمط ابد والا اللي وراه احس انه جاب العيد على سرواله بس :ma:تهقون انهم توأم احس انهم يتشابهون:36_1_33:






ياتسبدي تسبده اللحين وش بيفكه :punch: بس شسمه انا اقول في التأني السلامه وفي العجله ينشق سروالك





يقولون هذا اخر ماتوصلت له الطكنلوجيا 2 في 1 العب وهوووووي





لاتعليق:ma:



ماتلاحظون الرابط المشترك بين كل الصور (السراويل)يالله سترك

بشروا عسى الهديه اعجبتكم:ma:


اضاءهـ:


اثبت مرورك من هنا

بتعليقك

مواقف مرت بك

لاتلتزم الصمت فقط....



أمنيه:

ان اكون ادخلت البسمه على شفاهكم

ارق واحلى واطلق تحيه

مني انا

بنت الشيـــــــوخ,,,,,