لعبة ترافيان

bpbp · 19 Jan 2008, 03:06 PM

لعبة ترافيان

--------------------------------------------------------------------------------

السلام عليكم ورحمة الله وبركاته

اليوم طبيت لي بلعبة حلوة ومناسبة خاصة للي يحبون التخطيط والسياسة

اللعبة عبارة عن موقع تسجل فيه

المهم بعد التسجيل وكل شي يصير لك قرية وانت الزعيم / الزعيمة عليها .. تتحكم فيها وتتحكم بمواردها ( خشب , حديد , قمح , طين ) وكذلك تشيد فيها بيوت ومخازن للقمح وسفارة .. الخ

طبعا بعد ما يزيدون عدد السكان عندك تبدأ بالتحالف أو الهجوم على القرى الثانية

وبنفس الوقت الدفاع عن قريتك وزيادة انتاجها .. وكذلك استكشاف المناطق المجاورة لقريتك .. الخ

طبعا كل هالكلام استكشفته خلال نص ساعة بس من دخولي للعبة

واللي سهل الموضوع انها باللغة العربية .. والظاهر انها تابعة لموقع الجزيرة نت .. لاني يوم سجلت لقيته كاتب الجزيرة نت ومدري وش

والله قووووووووويه وحتعجبكم

وهذا الرابط

طھط±ط§ظپظٹط§ظ† - ظ„ط¹ط¨ط© ط§ظ„ط§ظ†طھط±ظ†ظٹطھ- ط§ظ„ط±ظˆظ…ط§ظ†, ط§ظ„ط§ط؛ط±ظٹظ‚, ط§ظ„ط¬ط±ظ…ط§ظ†

haw · 07 Mar 2008, 02:12 PM

:: بسم الله الـرحمن الرحيـم ::

[ السلام عليكم ورحمة الله وبركاته ]

-----

واحد من زملائي عطاني هذي اللعبه ( من اسبوع تقريباً )

وانا من ذاك الوقت الا الحين وانا مدمن عليها

واحسن شي باللعبه انها ما تحتاج لـ تحميل وقلق .. سجل وابدا باللعب

واللعبه عباره عن :

انت يكون عندك قريه و تبني فيها مباني وتزود المحاصيل وتكوّن جيش تحمي نفسك فيه من الأعداء

وتهجم عليهم فيه وتستوي على قرى ( صعب مرره أنك تستولي على قرى ) و تكوّن او تنضم حلف

ووووووو ... الخ

وبصراحه اللعبه مرضيه لجميع الاذواق كبار وصغار
ادخل وشوف اللعب والتحديات لعبه ذكاء ومسؤوليه
-->انا اتركم مع هذا الشرح البسيط

-----

قبل ما تسجل في اللعبه تختار الحضاره ( الرومان - الجرمان - الأغريق )

وكل واحد من الثلاثه له سلبياته و ايجابياته

ادخل هذا الرابط وشوف الفرق بين كل حضاره

أضغط هنا http://www.travian.ae/?uc=ae3_3295

وأول ما تسجل يصير عندك قريه وتكون فاضيه ما فيها غير ( المبنى الرئيسي )

شوف الصوره :

وفيه المواد الخام واللي هي : الخشب والحديد والطين والقمح

وبهذي المواد تبني المباني والأسواق والجنود وكل شي

وعشان تزيد انتاج هذي المواد لازم تطور الحقول , شوف الصوره :

يعني قبل ما تهتم ببناء المباني , ركز على تطوير المواد الخام ( الحديد والقمح والطين والخشب )

بعد ما تطور المواد الخام يمديك تبني مباني جديده

اول شي اختر موقع المبنى , شوف الصوره :

اذا اخترت موقع المبنى .. راح تطلع لك عدّت مباني

وكل مبنى وله شروطه من القمح والحديد والخشب والطين ( على حسب نوعه )

وكل مبنى جديد تبنيه يزود سكان القريه بقدر معيّن

وفي ترافيان أنت تلعب مع الآلاف من الاعبين

في الخريطه يمديك تشوف قريتك وجريانك

ويمديك تحط احداثيات اي واحد ويجيب لك قريته

شوف الصوره :

بعد ما تسجل باللعبه .. بعطيك لمحه عن بعض الأشياء

1 - المحيط: هنا تجد مجال موادكم الخام

2 - المركز: في القرية يمكنك انشاء المباني

3 - خريطه : بلدك وجيرانك هنا

4 - احصائيات : الرتب ومقارنات مع لاعبين

5 - تقارير : معلومات عن الأحداث في قريتك

6 - رسائل: ارسال واستقبال رسائل

----

وممكن بعد ما تبنى وتتعب وكل شي تكون قريتك بهذا الشكل :

واخيراً انتهيت من شرح اللعبه

وطبعاً هذا السيرفر العربي ( يعني كل اللي موجودين عرب )

واللاعبين اللي فيه 30,000 لاعب تقريباً !!

وفيه سيرفر امريكي وايطالي وبرازيلي وتركي بس منتوا فاهمين شي الا من العربي وهو الاماراتي

** إذا سجلتوا عطونــا احداثيات القرى حقتكم في هذا الموضوع عشان يصير نعرف أمـاكن بعض **

ملاحظه هامه !!

ارجوا من كل اللي سجلوا باللعبه ان ما تلهيهم اللعبه عن صلاتهم وعبادتهم ..

لان طاعة الخالق اهم من كل شي بالعالم .. وبعد الموت ما ينفع الندم

وكل واحد مهدد في اي لحظه انه يموت .. مو شرط انه يعجّز