{ بسم الله الرحمن الرحيم }



كثيراً ما نحلم ,,, وكثيراً ما نتعمق في أحلامنا ,,, وكثيراً ما ننجرف وراءها ,,,

بالرغم من اننا لا نستطيع تحقيق كل ما نحلم به

ولكننا نظل نحلم .. ونحلم .. ونحلم ..

ونخوض في أحلامنا حتى نصل إلى درجة اللا وعي ...


وفجأة ,,,,,,,,,,,,,

نتعرض إلى اعصار شديد ,,, نتلقى منه صفعات وصفعات ,,, تعيدنا إلى الواقع


نشعر بعدها وكأن فجوة قد حصلت في حياتنا ,,,

فقدنا كل ما هو جميل حلمنا به ,,, ليحل محله الألم والندم ,,,

نبدأ بعدها بإصلاح الانهيار الذي حل بنا ,,,

ولكن الصدمه هي أن نعلم أن ليس كل ما انهار يعود من جديد ,,,,,,,,,,,,,,,,,,,,,,


بهذي الخاطره حبيت أبدأ موضوعي

دايما نسمع هذي الكلمه ( حلمي اني اكون ) بأي صيغه كانت


كل فرد عايش على وجه الارض له أحلامه

وتختلف ذي الأحلام من فرد لأخر

الفقير يحلم بالمال

والصغير يحلم بانه يكبر

والجاهل يحلم بالعلم

وكثير تخصصات بالأحلام

طيب احنا نوقف عند الحلم فقط ... نحلم ونقول يا ليت

لازم ما نوقف عند حد الحلم بالواقع ... لازم يكون مع الحلم فيه طموح ... لازم نتحرك ونضغط على انفسنا ونحقق أحلامنا

لا .. مو شرط كل أحلامنا

على الأقل نحقق شي منها .. جزء منها .. بعضها

مو شرط كلها عشان نكون في وسط مجتمعنا وعشان ما نسبب لأنفسنا صدمات ما نقدر نتحملها

ممكن احنا يا البنات تواجهنا في بعض احلامنا عوائق تعيقنا عن تحقيق أحد أحلامنا

لكن انتوا يا الشباب الفرص مفتوحه أمامكم عشان تحققون كل اللي تحلمون فيه بس يحتاجلكم الطموح والاصرار


وصدقوني انكم لما تحققون أحلامكم كأننا احنا اللي حققنا أحلامنا


في النهايه أقول للبنات والشباب :

اذا ما كان عندكم طموح فنصيحه خذوها مني احلموا على قدكم

ولا تشطحون باحلامكم عشان ما تتأذون

والله يوفقكم ويساعدكم وييسر لكم الخير يا رب

هــــــلا بسحااابة خـــير أن شاء الله,,,

أسجــــل موافقتـــي على الموضوع ولـــي

عوده لتعليـــــق ,,,



<<< يردد الكلمه اللى بتوقيعك (( والله حاله ))



لاهنتــــــي,,,

ههههههههههههههه


مشكور نكس على الموافقه


تسلم


الله يعطيك العافيه

الله الله

تغرد سحابه اليوم

يابعد قلبي انتي

تصدقين عاد وانا اقرأ موضوعك ابتسم

من جد ياما حلمنا كثير وصحينا على لاشي

بس الامل في الله كير انه يتحقق ولو جزء منها

ويكفيني منها ان الله يشفي اختي العنود ويرد لها عافيتها يارب ,,,,,ياهو حلم صدق بس الامل في الله كبير

حلو ان الشخص يحلم احلام معقوله وعلى قده لعله وعسى يتحقق بعضا منها,,,


ابدعتي ياغلاهم في طرحك

لك مني الود والورد,,,,,,

هلا و غلا بسحوبة ..ازيك يابت ..شوفي عندي اختبارات ..و تاركتها قلت لازم ارد عليك ..
بما انك جبتي طاري الاحلام ..
من لما كنا صغار و احنا نحلم ...كل واحد كان يبغى يصير زي بابا دكتور ولا زي ماما معلمة ..ولا ضابط و لا دكتورة ...الخ .
بس كبرنا شوي تغيرت احلامنا ...صرنا نطالع العالم فلان وش سوى فلان وش حط ..لما دخلت المرحلة المتوسطة كنت اقول يووووووووه الدراسة طويلة متى اخلص و اروح للثانوي و اصير كبيرة اقعد مع الكبار رحت للثانوي و صرت اقول متى اتخرج والبس عباية سوداء و اجيب شهادتي و افرح امي و ابوي و افرح معهم و احقق حلمي الي بديت افكر فيه في هالمرحلة ..كان طموحي اكون طبيبة ما تتخيلين كيف حبي لهالمهنة ..في ايام الاختبارات كنت لما اطفش اتخيل نفسي و انا لابسة اللاب كوت و في اذني السماعة عشان ادفع نفسي للمذاكرة سهرت وكنت لدرجة اني اذا خلصت اختبار كنت انوم في ساحة المدرسة طبعا معي زميلاتي .....كنت ادعي ربي يوفقني و احقق حلمي ..و جا اليوم الي تخرجت فيه .. الدموع اربع اربع من الفرحة بس لما جا التسجيل انصدمت بشكل ما تتخيلين ...انهدت كل احلامي ..في وقتها حسيت اني محطمة بلا هدف ..نطروني في قسم ماقد فكرت فيه بس الحمدالله قدرت اجمع قواي و الملم نفسي و اتقبل قسمي و اتقبل كل شي ..غيرت مسار احلامي ...انا سعيدة الان بما وصلت له ..يعني تقدرين تقولين قلبت الظروف لصالحي ... اكتشفت اني اقدر اعطي في هالقسم ..بينما لو دخلت الطب ممكن ما اكون قدها بصراحة ..
الظروف ما تجي على الهوا ..تجري الرياح بما لا تشتهي السفن ..
من هذا كله ابقولك :
ان الانسان صح يحلم و يطمح و يكون عالي الهمة...لكن قد ينصدم بالواقع المرير ..لذا لما يحلم يحلم بحدود لا يطلع فووووق مرة ..عشان ما ينصدم ..
كثير نتكلم عن الاحلام و الطموح لكن من هو الي يصمل و يحقق حلمه .....الا الناس الي عندها ارادة داخلية ..عندها قوة قاعدة تدفعها ..ما في شي يعطلها عن حلمها حتى وان صار عكس ما يبي الذكي هو الي يسخر هالظروف لصالحه مهما صار في النهاية هو الوحيد القادر على ان يخلي نفسه اما الربحان او الخسران ..بحسن تصرفه ..

طبعا والانسان كل ما يكبر تكبر احلامه ...يعني نبي نتخرج و نبي وظيفه و نبي نعرس و نبي عيال و نأسس بيت و و و و و و ........الخ ما تخلص ....

خليها على الله هو خلقنا و هو الي بيرزقنا ... قال صلى الله عليه و سلم (و لو انكم تتوكلون على الله حق توكله لرزقكم كما يرزق الطير، تغدو خماصاً - جياعاً - وتروح بطاناً - شباعاً } [رواه أحمد والترمذي].


آآآآآآآآآآسفة على الاطالة سحوبة ..سامحيني ...
يعطيك الف عافية على الموضوع ...

اهليـن خيتوو سحابة

ابدعتي صراح ـة

حلمي يبدأ من صغري ويجري فــي دمـي

بإذن الله سيتحقق

وطبعـا لكل انسآن حلم

بإذن الله سأحقق حلمي

فاسألو الله ان يحقق حلم الآخرة لنـا يارب

ولاتغفلو عن حلم الآخرة

اهم شيء

واي انسان يدعو ربـه سيتحقق حلمه بإذن الله

ولآهنتي ,,,,

من يوم ماوعينا عالدنيا .. واحنا نحلم ..

اولها متى ندخل الروضه ههههههههههههههه



صح يمكن في احلام مستحيله .. وماراح تتحقق ..

بس هذي طبيعة في الانسان يحب يحلم ..ويتمنى ..

واحيــانا يحقق منها شيء ..



والحمدلله .. قد تمنيت اشياء تتحقق .. وتتحققت ..

وهالحين حلمي اللي اكافح عشان احققه .. اني اخلص الجامعه ..

والله يسهلي ان شاء الله ..



يعطيك العافيه سحابه عالموضوع الحلووو ..

واااااااو موضوع حلوووووووووو سحوبه

بصراحه ياكثر الاحلام الي لها داعي والي مالها داعي بعد

واما بالنسبه لي .. فالاحلام تعطي الانسان امل في الحياه وقوه في تحقيق مايصبو اليه

يسلمووووووووووووووو قلبووووووووووووووو

سحابه
ياه يالموضوع ذا
انا اعتبره مكمل لموضوعي اللي نزلته
صحيح الحين اانا قاعد احلم على قدي
بس املي بالله كبير وكبير بعد انها تتحقق امانيي
ويعطيك الف مليون عافيه
سلام ياصاحبي