هلا و غلا بسحوبة ..ازيك يابت ..شوفي عندي اختبارات ..و تاركتها قلت لازم ارد عليك ..
بما انك جبتي طاري الاحلام ..
من لما كنا صغار و احنا نحلم ...كل واحد كان يبغى يصير زي بابا دكتور ولا زي ماما معلمة ..ولا ضابط و لا دكتورة ...الخ .
بس كبرنا شوي تغيرت احلامنا ...صرنا نطالع العالم فلان وش سوى فلان وش حط ..لما دخلت المرحلة المتوسطة كنت اقول يووووووووه الدراسة طويلة متى اخلص و اروح للثانوي و اصير كبيرة اقعد مع الكبار رحت للثانوي و صرت اقول متى اتخرج والبس عباية سوداء و اجيب شهادتي و افرح امي و ابوي و افرح معهم و احقق حلمي الي بديت افكر فيه في هالمرحلة ..كان طموحي اكون طبيبة ما تتخيلين كيف حبي لهالمهنة ..في ايام الاختبارات كنت لما اطفش اتخيل نفسي و انا لابسة اللاب كوت و في اذني السماعة عشان ادفع نفسي للمذاكرة سهرت وكنت لدرجة اني اذا خلصت اختبار كنت انوم في ساحة المدرسة طبعا معي زميلاتي .....كنت ادعي ربي يوفقني و احقق حلمي ..و جا اليوم الي تخرجت فيه .. الدموع اربع اربع من الفرحة بس لما جا التسجيل انصدمت بشكل ما تتخيلين .
..انهدت كل احلامي ..في وقتها حسيت اني محطمة بلا هدف
..نطروني في قسم ماقد فكرت فيه بس الحمدالله قدرت اجمع قواي و الملم نفسي و اتقبل قسمي و اتقبل كل شي ..غيرت مسار احلامي ...انا سعيدة الان بما وصلت له ..يعني تقدرين تقولين قلبت الظروف لصالحي ... اكتشفت اني اقدر اعطي في هالقسم ..بينما لو دخلت الطب ممكن ما اكون قدها بصراحة ..
الظروف ما تجي على الهوا ..تجري الرياح بما لا تشتهي السفن ..
من هذا كله ابقولك :
ان الانسان صح يحلم و يطمح و يكون عالي الهمة...لكن قد ينصدم بالواقع المرير ..لذا لما يحلم يحلم بحدود لا يطلع فووووق مرة ..عشان ما ينصدم ..
كثير نتكلم عن الاحلام و الطموح لكن من هو الي يصمل و يحقق حلمه .....الا الناس الي عندها ارادة داخلية ..عندها قوة قاعدة تدفعها ..ما في شي يعطلها عن حلمها حتى وان صار عكس ما يبي الذكي هو الي يسخر هالظروف لصالحه مهما صار في النهاية هو الوحيد القادر على ان يخلي نفسه اما الربحان او الخسران ..بحسن تصرفه ..
طبعا والانسان كل ما يكبر تكبر احلامه ...يعني نبي نتخرج و نبي وظيفه و نبي نعرس و نبي عيال و نأسس بيت و و و و و و ........الخ ما تخلص ....
خليها على الله هو خلقنا و هو الي بيرزقنا ... قال صلى الله عليه و سلم (و لو انكم تتوكلون على الله حق توكله لرزقكم كما يرزق الطير، تغدو خماصاً - جياعاً - وتروح بطاناً - شباعاً } [رواه أحمد والترمذي].
آآآآآآآآآآسفة على الاطالة سحوبة ..سامحيني ...
يعطيك الف عافية على الموضوع ...
رد: & ,, أحـــلامنــا و الـواقـــع ,, &
