يوم طلعنا بعز القايله (( قصه مسروقه قسم ))

**المــــ ريشة ــــلاك** · 13 Jan 2008, 08:57 AM

سالخير

تسيف الحال؟؟؟

بعد شهرين من الصمط<<<على قولة اميمتي الله يحفظها

قررت اني اسدحلي مويضيع يحتوي على مقتطفات من الواقع والحقيقه المره

ونطلب العلي المنان ان المشرفين الله يطول اعمارهم ويخليهم ذخر لنا مايجدعونن انا وهالموضوع المتواضع للماصله.

الماصله اللي تعتبر غونتنامو بالنسبه لي

---------------------------
بسم الله الرحمن الرحيم

---------------------
في يوم الجمعه من الاسبوع اللي اقفا

قررت عائلتي الكريمه اننا نطلع للبر.

والقرار كان اننا ننزح في عز القوايل

المهم ولمنا قشنا.

والقش كان عباره عن كل ماهو قابل للهنش ..

ركبنا السياره وبدأت المناوشات والمناقشات والخناقشات >>>على قول مريم نور

ابوي قال نروح للتنهات..والدحش اخوي قال نروح خريم.

وجا القرار القاطع من الراس التسبيره امـــــــــي

ورحنـــا...

رحنا لمكان خاقوقي

رحنا....

رحنااااااااااااااا..

>>>تسمع بالتشويق

رحنا عند شبك المطاااااااااااااااااار

طبعا وحنا بالطريق السيد الوالد مابقا محطه ماوقف عندها وهاوش الهنود ياحيل الله.

وحنا عند حدا هالمحطات نزلت ابي الين رجيلاتي ومير المح هكا الدبابات اللي تضحكلي من بعيد ويطير مزبود عقلي..

قلت مابدهاش يارس رس روحي انشبي بحلق ابوتس.

واروح واثر ابيي قاعد يهوشله هندي ليش ماعطاه خمس من الجديدات.

قلت: يبه صح انا بنتك الحبيبه القرمه الزينه اللي تشبه هيفا وهبي الا شوي.

قال:اخلصي ياعايشة المرطه وش تبين..؟

قلت:مأبوله منك يا أميل
يبه الله يخليك ويدزديك ودي ابي ابي ابي

قال:وش تبين يالفاهر وش ودك في ياللي ماتستحين؟؟

قلت:لا..لاتفهمني غلط...ولو انها مب شينه
انا ابي دباب يا ابي الزين..

قال:لا..الدبابات مب زينه للبنات.

قلت:ليش؟؟

قال:بس مب لازم تدرين وراه.

قلت:ابي اعرف ليش طيب..وراك انت مب ديموقراطي

قال:كولي تبن وروحي طسي بالسياره لا امردغتس بذا.

قلت:سم.

ورحت ياعردزي يا انا للسياره وانا اجرجر عباة الخيبه،

والمهم كملنا مسيرتنا للبر الجميل.

وصلنا وقعدنا ندور ندور المكان الامثل..

والدوران استمر نص ساعه في حلقه مفرغه.

واخيرا جازلهم مكان وقفنا عنده ثلاث مرات قبل وماجازلهم،

المهم نزلنا غريضاتنا..

وجاب ابوي الرواق يبي يطقه..

وقام الدحش يساعده..وانا قاعده عالفرشه انقط من العرقان وشدوقي تقل طماط.

ويبدون يواسون بهالروق ربع ساعه كل مازينوه قال الدحش(تستف امي طالع )

وزينوه اخيرا..

ويجي ابوي ويقعد وامي تصبله قهوه بهالفطيس يتقهون..انا مادري وشلون جايزنلهم الوضع..

عاد انا قلت بروح اتمشى شوي..

قال ابوي انتبهي وانا ابوتس لا ينطلتس احد،،قلت ايه يبون ينطلونن خبرك عايشة المرطه تدير عند شبك المطار..

واروح اتمشى والوكاد اني ابعدت شوي..ومير قعدت على الارض وقمت انغبر بجحر ،وادخل العصا..

ومير ينتق بوجهي شي مادري وشو من هالجحر..

واقضب عباتي واركض الى ما انتبهت اني انا بوسط الصحراء القاحله ولا حولي احد..

واقعد ادور واصيح واحاكي روحي:تسيف انتي حماره ماعندتس عقل تسذا تبعدين،،ورا ماقعدتي مع اهلتس الى ماتجمر شدوقتس ويشون عليهم اهلتس...جازلتس الحين يوم ابعدتي وماتدرين وين انتي بوه؟

ويقرب المغرب وماحولي احد ولا احد سأل عني.وابدا اشاهق واناهق...واقول شفتي يارس رس هذا جزات اللي مايسمع كلام امه اذا قالت قومي زيني المثايل للمطازيز..واكنسي الصويله..وتزكرتي للجيران...هذا جزات اللي يتناقر مع ابوه..ويمرط قروش منه طول الوقت.

وعباتي انتلت من التمسيح وغدت ثقيله يالله اجره

المهم ظلمت الدنيا وانا قاعده ومير اشوف نور ويوم دققت واثره جيب ابوي

واروح اررررررررررركض واخم الجيب واقعد احبحبه ..

ويفتح ابوي الدريشه ويقول والله يافاتس السمك والدجاج..تتبيلت امتس تخبص القلب..

وراتس ماجيتي..امتس تقول يمكن انه ماتشتهي اكل

قلت:وانا اناشق لا بس انه جازلي الجو والمناظر الخلابه وقلت اكتبلي قصيدتين عالاطلال

واروح اركب السياره وننكس للدار....

والى يومكم مادرو اهلي اني كنت ضايعه..ياسفاب الصياح والتشكي على روحي.

------------------------

مايستفاد:

-ترا مايضر البنات لو ركبو دبابات ولا خيول.
-اذا طلعتو مع اهلكم اربظو بارضكم ولا تبيزعون مثلي.

----------------

مسرووووووووق ومنهوووووووب

تـ حـ ـدوٍهے آلبشےرٍ · 13 Jan 2008, 12:31 PM

اقتباس:

طبعا وحنا بالطريق السيد الوالد مابقا محطه ماوقف عندها وهاوش الهنود ياحيل الله.

خخخخخخخخخخخخخخخخخخ

حالته من حاله ابوي خخخخخخخخ

اقتباس:

وشدوقي تقل طماط.

انا اشهد خخخخخخخخخخخخخ

اقتباس:

-اذا طلعتو مع اهلكم اربظو بارضكم ولا تبيزعون مثلي.

عاد بهذي صعبه شوي هههههههههههههههه

يصلموو على هيكـ موضوع خطير يالغلا

FatDevil · 13 Jan 2008, 12:51 PM

هههههههههههههههههـ ..... اللهـ يهديـ ابوتسـ ومينتسـ وهلتسـ وانتيـ اولهمـ

مشكودينـ على الموضوعـ اليـ يفدفشـ ومنه مواعضـ <<<< يشيخـ طسـ

9be5h · 13 Jan 2008, 01:10 PM

اقتباس:

والقش كان عباره عن كل ماهو قابل للهنش ..

أممما في هذي صدقتي ,, احس مانروح البر الا عشان نأكل تغديتو تعشيتو يلا مشينا يا اني اتنرررفز

موضوعتس بطل زي صاااحبته :خجلان:

**المــــ ريشة ــــلاك** · 13 Jan 2008, 10:14 PM

تحدوووووووووه

يصلموووووووووو على التعليق ياقدع

لاتحرمنا طلاتك براذر

أنا الحلوه وبس · 14 Jan 2008, 04:06 AM

ههههههههههههههههههههه

يسلموووووووو ولاتحرمينا من جديدك

**المــــ ريشة ــــلاك** · 15 Jan 2008, 04:21 AM

يسلموووووووووو قلبووووووووووووو

لاهنتي على الرد

محششه مطنشه · 15 Jan 2008, 02:07 PM

قلت: يبه صح انا بنتك الحبيبه القرمه الزينه اللي تشبه هيفا وهبي الا شوي.

كخ كخ كخ والله انك واثقه من نفسك الا شوي

واروح اررررررررررركض واخم الجيب واقعد احبحبه ..

لوووووووووووووووووول

-ترا مايضر البنات لو ركبو دبابات ولا خيول.

والله انك صادقه

هع هع هع تحياااتي:مـــطـــنــــشـــه

يوم طلعنا بعز القايله (( قصه مسروقه قسم ))

هبال و صرقعه ( مانبيع الا سوبيا وبربيكان توت )