كيف حالكم يامحششين
اليوم ذبحني الطفش والكسل فقعدة أتذكر بعض المواقف الطريفه الي حصلت معاي فلقيت
نفسي أضحك لوحدي قلت أحكيكم عشان تضحكو
علي وتحكوني الي عندكم عشان
أضحك عليكم
لأني بموت طفش
المهم من أطرف المواقف الي مرت علي
لمن كنت أدرس في كليه بجده وكان عندي أختبار
ورحت وأختبرت ورجعت البيت وداومت اليوم التاني
ورجعت واليوم التالث لما صحيت من النوم القيت
ورقة تحتي وانا نايمه قمت فتحتها وهنا
أندهشت بل وطلعت عيوني
من مكانها
أنها ورقت الأختبار حقي
كيف جات قعدت 10 دقايق أحاول
أستوعب الموضوع
وبعدين توصلت لأني يمكن نسيت أسلم الورقه طيب كيف وقعت علي الورقة التوقيع اني سلمت أحترت قلت في نفسي خلاص بكرا أروح أسلم الورقه للأستاذه وأقلها الي حصل بس أول شي أستشير صديقاتي وصباح اليوم التاني روحت لقيت صحباتي في
الكليه يفطرو في الكفتريا ومهيصين قلتلهم بنات ابيكم في موضوع وأعطيتهم الورقه وقلتلهم ماني عارفه كيف
جات معاي المفروض اكون سلمتها صرخو البنات وقالو يالله أيش دا كيف حتتصرفي قلتلهم انا رايحه أسلمها الورقه وأقلها الي حصل قالو لي
أنتي مجنونه ؟ لا أكيد مجنونه
مراح تصدقك وحتسويلك محضر تحقيق في الي حصل
انا خفت قلتلهم طيب أيش أسوي
قالو اسكتي سوي نفسك انك ماتدري وكأنك أختبرتي

قلت طيب يوم جا تسليم الدرجات قلتلها ياأستاذه وين ورقتي قالت أشوفها أمكن عندي في المكتب
واليوم التاني أخذتني وحده من البنات ملقوفه تبي تتفرج وتضحك قالت يالله نسألها عن درجتك قلتلها لا خايفه وسحبتني بيدي وقالت يالله ياخوافه ورحنا عندها وقلتلها أستاذه ها لقيتي ورقتي
تتوقعو أيش قالت قالت ايوا لقيتها انا انبلمت اندهشت صحبتي وقالت وهمست في أذني
أسأليها كم الدرجه خلينا نشوف ايش تقول
قالت والله ماأتذكر بس أنتي جاوبتي قلتلها أيوا جاوبت كويس ومن يومها وانا نفسي اعرف ايش جاب الورقه معاي المفروض اني اسلمها الأستاذه وأوقع وطيب لو فعلا نسيت اسلمها كيف خلتني الأستاذه أوقع ؟!!!!!!
-----------
الموقف الأخر صحبتكم ابتلت بأنها تدرس الأن خارج المملكه ولغتي الأنجليزيه يعني تمام بس مو مرا
وطبعا أدرس في ماليزيا ( أسيا الحقيقيه ) تكملت الأعلان هههههههههههههههه
وتعالو شوفو شكلي مفهيه مو داريه عن الدنيا والطلاب الصينين بنات علي اولاد مفهييين بس أنا أخس وألعن
ويجيك الأستاذ يعمل أختبار طلعو ورق وأكتبو الأسأله
وأكتب الأسأله قام قال أنا بقر قطعه ونتو جاوبو علي الأسأله من القطعه ويقر ويخلص وأنا ماخلصت كتابت الأسأله ويجاوبو ويسلمو وأنا لا جاوبت ولا سلمت الورقه ويسلم بعده اوراق تانيه ويقول حلوها ويحلو
ويسلمو الورق وانا ورقتي تبقا معايه ويحلو أسأله تانيه
وأنا لسه مفهيه ماني داريه وبعد ماخلصت المحاضره أحترت طيب أيش أقول لو أكتشف الأستاذا أني ماسلمت الورقه حيكون وحش والأستاذ من جنسيه أوربيه واجلس وأنا أختكم محتاره قمت قلت يابنت أعطي الأستاذ أوراقه لا تبتلشي معاه بعدين ورحت
للأستاذ وأعطيته أوراق الأختبار الي سواه وقلتله أسفه بس أنا ماكنت فاهمه ولا حاجه ؟!!!!!!
-------------
وهذا موقف أخر وحش يسير كتييير مرا كنت أمشي بحديقه مع وحده والحديقه مليانه ناس
وأتعثر وأطيح علي وجهي
-----------------
انا ماأعرف الأتجاهات الي هيه اليمين واليسار
يعني دايم الواحد لما يقلي اتجهي علي يمينك
تلقاني لا شعوريا أرفع يديني الثنتين وأجرب أيت وحده
الي أكتب فيها لأني أكتب باليسار فلما أتوصل لليد الي أكتب فيها أعرف انها هي اليسار أذا اليد التانيه هي اليمين وماني عارفه ايش السبب في المشكله الغبيه دي
عشان كدا دايم زوجي يتريق علي قدام أهله يقلي
فلانه -- يعني أسمي -- وين يمينك وتلقاني أحتار واقعد ارفع يديني عشان أعرف وأنحرج وهوه يموت ضحك
------------------
من المواقف المضحكه في الغه الأنجليزيه والمحزنه
مرا خرجت مع صحبتي الصينيه السوق فسألتني
تحبي دا المحل ولا دا فبدل مقلها يو تشوز
قلتلها يو شوز وشوز يعني جزمه الله يكرمكم
فكأني قلتلها انتي جزمه
ومرا جايه بقلها بيييتش الي هو الشاطئ قلتلها بتش
وانتو عارفين ايش يعني بتش شوفو الفشله
---------------------
مرا ركبت خيل في وحده من المناطق السياحيه
وقلي زوجي أضربيه بشويش عشان يهرول ويروح زوجي يضربه ويروح الحصان يجري بكل قوته
وأنا قلت بس هاج الحصان رحت فيها
ويروح يجري وأنا متمسككه برقبت الحصان كأني بخنقه
لا واطالع الا القا قدامنا سياج حديدي وهو ماوقف لسه يجري بتجاهه انا قلت بس الحصان حينط كمان من علي السياج وقعدت أصرخ والناس قاعده تصورني وزوجي سار مغطي عيونه مايبغا يشوف الي حيسير
وبس طال عمركم
وصل الحصان الي السياج الحديدي ثم وقف فجأه
حتي بدون مايهدي خخخخخخخخخخخخ
وقف وقفه مفاجأه جعلتني أرتد للوراء خخخخخخخخ
وتنفست بعدها الصعدا وخرجت من المكان
ورجعت بعد شهر للمكان نفسه لقيت صاحب الحصان
قلي تبي تركبي تاني أنا أنحرجت قلت في نفسي
هو مانسي
----------------
وبس سلامتكم
أهم شي أنتو كمان تقولولي موواقفكم الطريفه
والمحرجه أبي أضحك
وشكرا

هههههههههههههههههههههههههههههههههههههه

حلوووووووووووه بس ياقلبي انتي هذا ستوري فكاهي يعني لازم يطس بالهبال ولا انا غلطانه

خخخخخخخخخخخخخخخخخخخخخخخخخ

<< والله يابنت ماسكه الخفاره صح

والله تبي الصراحه كلها حقيقيه حرف حرف
حصلت للأسف لي لا وأكثر من كذ أعطيك موقف تاني
مرا الأستاذ بتاعنا يبغي يهيص أخر محاضره كانت
فجاب معاه بيره له ولكل الطلاب وانا جابلي عصير
برتقال هههه عشاني مسلمه ماأشرب

يؤ يؤ يؤ يؤ
عليك مواقف منحوسه من جد

والله انك مسكينه عليك حظ

تقبلي مروري

مـطـنـشـه

هههههههههههههههههههههههه

عليك مواقف منحوووووووووووسه من جد

مشكوره
وتقبلي مروري

هههههههههههههههههههههه
هههههههههههههههههههههه
هههههههههههههههههههههه

مواقف شي :)

ابي اعرف سالفة الورقه كمـ طلعت نتيجتكـ عساها كامله << متحمسه :)

مشكورهــ ،، والله يع ــطيك العافيه ،،

هههههههههههههههههههههه
الله يعينيك من حظ
لوووووووول
يعطيك العافيه