\
يمه دخيل الله صارت لي ايام
ما انام لين الصبح يشرق بضوه
يمه دخيل اللي بخفى النفس علام
حتى محيط العين صاير مشوه
كل ما اقول القلب ماعاد ينضام
ينضام .. ويكدر شقا الهم جوه
أغراب جينا وأبتدينا من احلام
وأنهارت الأحلام باسباب قوه ؟؟
ياليت من حُــوكم عن الحر صدام
ولا نشوف الحال يزداد سوه ..
أسلام حنا / وانفطرنا على / اسلام
نعرف حقوق الله وحق النبوه
عشنا الحقيقه ما نفينا للأحكام
عشنا وكتمنا حرقة الروح جوه !!
أجساد حنا وداخل اجسادنا عْــظام
اعظام صرنا ../ وبلوة الوقت توه
يمه صحيح انـّـــا قبايل وأقوام ؟؟
لو تجتمع نسمع للاصوات دوه ..!!
يمه دخيلك لفي الراس بالخام
شدي عليه ولايتجاوز..... هدوه!!
يمه ترى بعدين تاخذنا الاوهام
ونصير حنا وسالم الزير خوه /؟
ويجي ضعيف ٍ يحسب اني أنا غلام
مايدري أن البنت فيها مروه
تكفين يمه ../ دثريني .. وابي انام
قبل ما ثاني صبح يشرق بضوه
,,,
يمه دخيـلك لفي الراس بالخام ...,,
رد: يمه دخيـلك لفي الراس بالخام ...,,
العرض العادي
