بسم الله الرحمن الرحيم

مقدمة :
هذه القصة التالية من نسج خيالي وإبداع أفكاري أقدمها لكم كمشاركة مني في مسابقة جزيرة الكنز ,, وكم أتمنى ان تنال على إعجابكم ورضاكم .
>>>>>>>>>>>>>>>>>>

كنت في رحلة العام الماضي مع أصدقائي على متن سفينتي (سفينة القراصنة) وكانت رحلتنا إلى جزيرة قبرص في (المحيط الهادي؟؟!!!!) اللي بوسط البحر الأبيض المتوسط .


طبعاً رحلتنا مثل ماخططنا لها نبحر من شمال مدينة جده ثم نتجه عبر قناة السويس (تقريباً نصف ميزانية الرحلة راحت في قناة السويس , ومايحتاج أقلكم ليه , أعتقد إنكم تعرفون)


المهم وصلنا إلى جزيرة قبرص وايش احكي وايش اسولف على اللي شفناه , اشي طبيعه , جبال , وديان , غابات , أمطار (سلملي على الربع الخالي ونفود الوسيع والدهناء)...


كنا مخططين نقضي في قبرص إسبوعين لكن صار شيء غريب ماخلانا نكمِّل الاسبوعين في قبرص ..
وبالتحديد في اليوم العاشر ,,,(وأنا أدري إنكم الآن متلهفين تريدون تعرفون أيش اللي حصل ).

صبركم عليَّ شوي ..


خليني أول أعلمكم إيش كنا نسوي في قبرص أو خليني أسرد لكم القصه كامله(بيقول قصة حياته اسمعوا ياحراااااام).

إحنا عشرة أشخاص وكان كل شخص منا له إهتمامه المختلف عن الثاني , أول ماوصلنا لقينا أحلى إستقبال وضع تحت أحلى إستقبال خطين , الوجه الحسن كان بإنتظارنا (مرحباً بكم في قبرص) واللي ساعد أكثر نزول المطر ياعيني ياعيني (على المطر مو على الوجه الحسن) .

بعد ذلك أستأجرنا جناح كامل في فندق(ليه كل هالفشخره)ما أدري هو أبو نجمه ولا نجمتين وإلا يمكن أبو خمس(وأنا أقول الفشخره ذي وراها سالفه طلع الفندق نص كم) الموضوع هذا ماكان يهمنا كل اللي كان يهمنا إنا نلقى مكان مريح ننام فيه .


نرجع لسالفة إختلاف أذواقنا وإهتماماتنا المختلفه إحنا يالعشرة أشخاص ,إهتماماتنا كانت متوزعه بين اللي يهتم بالتسوق , واللي يهتم بالمناظر الطبيعيه , واللي يبحث عن الوجه الحسن ,واللي يبحث عن الوناسه وين ماتكون وكيف ماتكون, واللي يهتم بالمواقع الأثريه والتاريخيه(والتاريخي والاثري هذا سلملي عليه كثير السلام).


بعد مالفِّينا قبرص طول بعرض وعرض بطول كان صاحبنا اللي يحب الأماكن الآثريه يحِّن علينا إلا نروح نشوف ونشاهد القلاع(مفرد قلعة) التاريخيه اللي تشتهر بها قبرص.


وعشان نرضي بخاطر صاحبنا (المعتوه في نظر الجميع قبل نغير أرآنا فيه بعد اللي صارفي اليوم العاشر)حددنا اليوم العاشر نروح ونشوف اللي يبغاه .


اليوم العاشر :
[COLOR="Purple"]في الصباح تناولنا فطورنا [/COLOR](مربى وعسل وجبنه وحلاوه وزيتون وطرشي لا لا طرشي ماكان فيه أمزح عليكم وقشطه وخبز).
وبعد ذلك رحنا لقلعة آثريه كانت في قمة جبل وهذا رسم تقريبي لتصميمها :



القلعه لها باب واحد من جهة الغرب , وكان من وسط الجبل الذي تعتليه القلعة فيه ماء يخرج من بين صخرتين تشوفها من بعيد مايخطر في بالك أي شيء سوى أنها صخرتين .
المهم دخلنا القلعة من الباب الغربي وتجولنا فيها غرفه غرفه لكن أكتشف صاحبنا التاريخي إن فيه غرفه مالها باب ولا أي منفذ تستطيع إنك تدخل من خلاله لتلك الغرفه !!!,

والغريب كيف إكتشف صاحبنا إن فيه غرفه مالها أي مدخل؟؟؟؟ ,(صاحبنا هذا شاهد قلاع كثيره في أنحاء العالم ويجزم انه ماعمره شاهد مثل هاذي القلعه العجيبه ).
أنا الموضوع بدأ يدخل مزاجي خاصة وإن صاحبنا مشغول يفكر ويبحث كيف يلقى سبيل يتمكن من خلاله يدخل الغرفه .الموضوع يازعيم مهم وخطييييير ولازم تشوف لك حل , مالها إلا زعيمها ...
فجأه جاء على بالي الماء اللي يصب من بين الصخرتين اللي شفناه قبل ماندخل القلعه ,,


وخبرت الشباب إنا لازم نروح نشوف أيش سالفة الماء والصخرتين , وبالفعل الشباب أقتنعوا إن الماء هذا وراه قصة.

وصلنا عند مصب الماء شفنا اللي بحياتنا ماشفناه!!!
الماء اللي يخرج في البدايه فيه لمعان عجيب كأنه مخلوط بالذهب .
والصخرتين أيضاً على أطرافها لمعان ,الوضع جداً غريب .

أهتدينا لفكره إنا نوسع الصخرتين من مكانها ,شدو الهمه يالربع , وبعد مانهد حيلنا ياليت ياليت قدرنا نوسعها شوي عن مكانها.

صاحبنا التاريخي بدأ يحفر مكان ماكانت إحدى الصخرتين موجوده مثل المجنون , وبالفعل شوي ومطلع لنا صندوق مربع الشكل حجمه تقريباً 15سم في 15سم
(والشاطر هنا يعلمني كم مساحته ههههههههه) ,

الكل صابته الدهشه!! , وفتحنا الصندوق ونبضات قلوبنا (ضاربه الطبلون) , وآخرتها اش تتوقعون إنا لقينا ,
ورقه قديمه مرسوم عليها شوية رسومات!! ,لا ياحبايبيالورقه مرسوم عليها رسومات مهمة تدلنا كيف ندخل الغرفه اللي تخبرونها مالها باب الموجوده داخل القلعه .
وبعد ثلاث ساعات من التحليل والتفكيرالعميق إستطعنا أن نفك تلك الرموز والعلامات المرسومه على الورقه ,التي تفيد أن القلعه لها بابين جميعها من جهة الغرب , الباب الاول هو المدخل الرئيسي للقلعه , والباب الثاني يوجد تحت الباب الأول مباشره , وماعليك إلا أن تحفر حفره بعمق متر لكي ترى الباب الثاني ولكي تستطيع الدخول عليك بحفرمترين حيث ان الباب السري طوله متر واحد فقط ويؤدي إلى غرفه سريه( لحظه واللي يرحم والديك يازعيم أفتر راسي عيد مره ثانيه) .

وبالفعل قمنا بمهمة الحفر على أكمل وجه , ودخلت أنا وصديقي التاريخي عبر الباب السري وطلبنا من اصدقائنا بإنتظارنا.وبعد أن وصلنا إلى داخل الغرفه كان الظلام والسكون يعم ارجاء المكان , ولكن بفضل ولاعة صديقي المدخن إستطعنا أن نرى مالم يراه أحد من قبلنا صندوق مصنوع من الذهب الخالص ولاكنا لم نرى مابداخله وكان تفكيرنا الوحيد أن نُخرِّج الصندوق إلى الخارج بأسرع وقت.
وأستطعنا أن نفعل ذلك حيث كان البقيه ينتظروننا( الله ستر علينا لو شافونا القبارصه عز الله إنا رحنا فيها) ,
حملنا الصندوق على عجل إلى السفينه بعد أن غطيناه بقماش أسود , وأنهينا أمورنا كامله في جزيرة الكنز (قبرص) وغادرنها محملين بالخير الكثير .
وجينا عند طير ياللي قناة السويس وتعدينها مثل ماتعديناها اول مره(باقي الميزانيه كله صرفناه على قناة السويس يعني مثل مايقولون دهن السير يمشي) .

وصلنا بفضل من الله ورعايته الى شمال جده وإتفقنا إنا نروح لبيتي ونشوف إيش اللي في الصندوق , وبالتحديد في غرفتي.
لمن وصلنا للغرفه ووضعنا الصندوق بالنص وكسرنا الاقفال
يعني ماباقي إلا نشوف اللي بداخله ,
حدث شيء غريب ,

صوت يناديني !!!!!!!!!زعيم , زعيم , زعيم ,,



هذا صوت أمي الحبيبه الله يطول في عمرها !!:

لكن أش تتوقعون كانت تريد مني ؟!!!!!!!!!!!
















































































































اصحى من النوم ياولد , الساعه ستة ونص يالله اصحى عشان تروح للمدرسه.

يا إلهي ماكان باقي إلا نفتح الصندوق ونعرف اش اللي فيه, بس حسافه إنقطع الحلم وصحيت من النوم.
(يالله مو مكتوب لنا نعرف ايه اللي كان بالصندوق .)

وهذا العلم وسلامتكم , وأتمنى أن ينال هذا (الحلم) على إستحسانكم وإعجابكم ..

وكل عام وأنتم بخير بمناسبة السنه الجديده, وتعيشون وتسمعون قصص أحلى وأحلى .وأحلام سعيدة ...


أخوكم : زعيم القراصنه .

هذه المشاركة برعاية :