تحشيش x تحشيش

أصلع وحاط بكلة · 30 Dec 2007, 12:23 PM

اول شي وأهم شي الموضوع ذا هو سبب دخولي في عالم الحشيش حسيت انهم عالم ثاني وعايشين غيرنا ومبسوطين فا بالتأكيد هذا ثاني موضوع لي

لكن أوعدكم انه اخر موضوع

والباقي من عيال أفكاري إن شاء الله

فا أنا والعياذ بالله من كلمة أنا ..

حبيت أخليكم تعيشون عالم المحششين وتنبسطون

والي معة زقارة يولعها

نقول بسم الله

الموضوع هادف ولا منه فاايده ..!!

يعني الي عنده شغل لا يقرأ الموضوع والي ماعنده شي انصحه لا يقرأ الموضوع

وأعيد واكرر هذا الموضوع لا يعبر عن رأي صاحبه .. بل يعبر عن رأي متصفحه أنتم تتحملون مسؤولية قراءة الموضوع لو صاار شي ..!! ( اسحبوا عليه دام ذا أولها )

هذي قصة صارت بمشاركة بعض من الأبطااال المفلسعين ..!!

الفلسعه : هي نهاية كل متعاطي ( ضاربه فيوزه )

الشخصيات والمميزات ..!!

الصُل : سمي بالصل لإنه فعلاً مثل الصل طويل وخااال عبيط راعي مشااااكل قبل التحشيش .. بعد التحشيش ينكمش..

الكابئنة : انا صراحه شفت ناس ماتعرف تنطق حرف الراء .. ولا حرف السين .. و و الخ .. لكن حرف الياء ماعمري شفت.. فهو التغ بالياء يقولها ئا..!!

مرجان : هذا كومبارس في القصة ..

وطبعاً أنا : بتعرفوني زين في القصة ..!!

"البداية"

صحيت من النووم على صوت الجووال اطالع القى الصل يتصل بك .. رديت قااال هاه يا كاسبروف ماتبي تطلع اليوم اربعاء فله قلت خلاص بقوم البس واطلع .. قااال طيب كم يبيلك وتوصل لي .. قلت عطيني ربع ساعه وقفلت ..
( معلومه : الصل هذا راعي لطعاااات لازم أواعده قبل اجيه ب يووم اقول له انا عند بيتكم عشان ثاني يوم اطلع وأوصل القاه طاالع .. بس برضه لازم أنلطع )
)..طلعت من البيت الساعه 11 وصلت عند بيته 11 .. أتصل عليه رد قلت انا برى اطلع .. قال طيب انا طالع ( خلال هالفترة أتصل يعطيني مشغول يعني أنه على الباب ) 3 ، 3 ونص .. طلع من الباب لابس ثووب وفاك الازراير كلهاوقااعد يقفل الازارير وهو يمشي للسيارة ركب قال السلام عليكم ،، قلت ياخي ماتبطل حركاتك راح اليوم كله وانا برى .. قاااااال ياخي زي مانت شاااايف حتى الازرار قفلتها وانا جااااايك على السيارة عشان ماأأخرك ..!!! قلت كل كبر راسك وخلك ساكت ..مشينا قالي خلاص والله اخر مرة الطعك خلنا ننبسط لا تصير فكك .. قلت له ياصل لين متى واحنااااا كذااا نبي بنااات يطلعون معنا وفله لنا 7 سنوات نفرفر ماعمرنا رقمنااا ..!!
قاال أنا من اول اقول لك ترى لاززم نطيح في الخراب عشاااااان نتعرف على بناااات هاه كاسبروف ودك نسوي بروفا للخراب اليوم ..!! قلت من وين نجيب ووين ؟ قاال ارجع البيت..!!

رجعنا ودخلناا قلت بتتصل على احد قااال .. لااا انا عندي .. قلت يانذل انت راعي خراب ولا تعلمني ..!! توهق وقال .. لااااا لااا فهمتني غلط ، انا كنت عاررف من امس انك اليوم تبي تمرني ونطلع ونجيب طاري خراب وتقول تبي تجرب وقلت اشتريه من امس قلت زين عرفت تتصررف ..!! ( مشت علي )

لف الحشيش وعطاني ولعت وقعدنا نحشش نحشش نحشش .. قااالي سمعت بالبوف ؟

قعدت اضحك اضحك وهو متسغرب .. وانا اضحك قاااالي وش فيك .؟ قلت الله يلعنك انسطلت ماتعرف تقول كاسبروف تقول بوووف ؟ بعدين كيف ماسمع بنفسي اكيد سمعت فيني .. والله يمدحووني ويقولون إني شخص ملتزم و ( انت الي انسطلت والله ) و و دخل بالسالفه وقاااال لا البوووف هو هو ولا اقولك خلني اسوي لك اياه .. يخليك فووق فووق..!! قلت يالله سوي .. قال قرب .. ويلف الزقارة بفمه تصير الجمرة بالداخل .. وقعدت اضحك قلت وش فيك يالأحول تدخن الزقارة بالعكس وهو يأشر بيده يعني قرب انا قمت اجرري ورحت المطبخ جبت كااااس مووية عطيته يشررب احسبه غص فيهااااا ..!! يوووم شاافني كذا نسى سالفة البووف ويحسب نفسه غاص .. ويشرب الموية بسررعه ويبلع الزقااارة..!!

" آثار الفلسعة"

قعدنا ساكتين مسطولين .. أنا اقول بيني وبين نفسي .. هذا شكله مباحث ويبي يكفشني ..!! وله 10 سنووات يخطط ويمشي معي لين احشش ويمسكني ..!! وقلت يا صل بلحظة كانت هادئه مارد علي .. قلت صل انحاش ترررراك مبااااحث..!!
وانحاااش اجري وهو وراااي يقووول الله يلعنه كنت حاس من اوووول إنه يراقبني .. وطلعت شغلت السياااارة وركب معاااي قلت قفل الأبوواب وفك الطيق عشان ماننمسك..!!

ودعسناااااا والشووارع فاضيه لين وصلنا خط سريع وطايرين ماشين 80 90 100 .. قاال مال امها داعي اوول يوم نحشش تطاردنا المبااحث .. وانا ساااكت مركز بالسووواقه..!!
قاااالي انتبه في شرطه قدام على اليسار واقفه .. كانت مشغله السفتي الأصفر وانا ماشي حدود 90 قالي هدي لا ننمسك..!!
نا اقوول شكله مباااحث ويبيني اوقف عشان ننمسك ..! ( للآآآآن موسوس ) لين صار بيني وبين الشرطه 20 متر واحس إني مسرع .. واضغط فررررامل بقوة مع البرريك واطفي السيارة وصوت التفحيط حححححححححححححححححححححححححح حححححححححححححححححححححححححححححححححححححح

لييييييييين وقفت وقوف تام السيارة بلخط السريع وصار بينا وبين الشرطه 2 متر .. قلت اربط حزااامك .. وربط حزامه وربطت الحززام .. ومشيت مهدي من كثر مانيب مهدي قطعت مسافة مترين بثلث ساااعه ..!!
ومرينا من جنب الشرطه وهو يطااااالع مستغرررب ..!!!! قلت سلم ورفعنا يدنا نسلم عليه ومشينااااا .. والعسكري مستغررب ..!! وش السااالفه..!!
قلت اشوى مامسكناااا على الحزززام ،، قااال الصل الحمدلله قلت يرحمك الله .. قال والله لو إني ميت .. قعدت اضحك وهو يضحك واسمعه يقولي وقف على جنب .. قلت ليه تبي ادفنك ؟ واضحك وهو يضحك .. قاااال وش تبي توقف على جنب ؟
قلت يا محشش انت الي تقول لي وقف .. وقفت ووطالعت فيه قلت بطل حركااااتك تحط كل شي فيني انت الي قااايل وقف ..!!(اثاريه الشرطه يتكلم بالمكرفون يقول وقف على جنب) فجئه اشوف القزاز يدق .. قالي لا تفك سوي نفسك ناااايم ..!!

قلت طيب خليني افك قفل الباب ونناام عشان يفك الباب يلقانا نايمين ويمشي .. وفكيته .. واحنا نايمين .. العسكري يدقني قووم قووم .. قلت خلااص الحين بقوووم بس طفي اللمبه .. شووي صرخ وقال قووووم انت وياااه ....

قام الصل وبعينه غمص ( من قوة التأثر بالدور طلع له غمص بعيونه ) رفع جواله وطالع لقاها الساااعه 6.30 الفجر .. قاال للعسكري خمس دقايق طيب طابور الصباح يدق الساعه 9 بالليل ..!! قاااام العسكري مسكني وجرني وطيحني باالارض ووقعدت اقرص نفسي وانا ناااايم واقرررص وشبيت زقارة وطفيتها بيدي قاال العسكري وش فيك يا مجنون ..!! قلت بقوم من الحلم ياكابووس ..!!

وبعد ساعتين من سواقة دور النايمين رضخنا للآمر الواقع وقمناااا ..!! قلت ليه موقفني عشان حزااام صح ؟ ( على بالي ذكي بنفي شبهة التحشيش ) سكت العسكري وقاال ايه بسجنك ستة شهور عشانك رابط الحزاااام ..!! قاااال الصل .. اجل لو مضلل ؟ تحكم علينا قصاااص ..؟؟ .. رديت انا وقلت لاااا فيها تعزيرر .. والعسكري قاال هات الرخصه والاستمارة وعطيته قلت ترى الرخصه منتهية .. طالع فيها لقاها مانتهت قاال وش فيك تلف وتدور تقول حزااام ورخصه منتهية ؟ !!

تحسبني حماار تضحك علي عشان مافتش السيارة .. والصل واقف عند الباب الثاااني يغسل وجهه بالموية ويقول لي وين المنشفه ..!!؟؟ ( للآن هذا متأثر بالدور ) قلت له في الحماام .. قاال طيب .. وراح لين سيارة الشرطة وفك الباب قااااله العسكري وقف عندك لااااا تفك السيارة لا ترركب .. قال الصل اسف مادري انه في احد جوى .. ودق الباب وقااال بسرعه يالي بالحماام تراني حشران .. وانا اضحك والعسكري يضحك ..!!

والصل يضحك ويقوول الله يلعنكم شكلي بسويها على نفسي وقلت للصل خلااص تعال خليه يخلص اجرائاته عشان نكمل نومه لا تنسى ورانا قومه بكرة من بدرري .. ركب العسكري السيارة وقعد يفتش والصل معاه وصلة حشيش بجيبه وتذكر انها معه .. وطلعهااااا بيرميها في فتحات التصريف .. بس كنسل

وانا مادري واقف مع العسكري واشوف الصل رايح جاااااي شووي رماها قدااام صدام سيارة الشرطه .. وقعد يطالع فيهاااا وناداني قال كاسبروف تعااااال .. رحت عنده قال كيف واضحه من هنااااا ؟؟ قلت الله يلعن ابو شكلك شيلهاااااا لا تورطناااااااا .. ورجعت عند العسكري عشان الصل يتصررف ..!!
العسكري طفش ونزززل قااال خذ الرخصه والاستمارة .. ولا تربط الحززاااام مرة ثانيه فهمت .!! قلت ابشر وركبنااا .....اول ماركبنااااا مشيناااا وماربطناااا الحزززااام ،، اول ماعديناااااه ربطنا الاحزمه قال الصل فك الحزززااام لا ننمسك مرة ثانيه ..!!

قلت يارجال ماعليك .. الا وش صار على الحشيش ؟ رميته ..!! قااال لا لا معاااااي دورت مكااااااان ارميه مالقيت خليته بجيبي لإني خفت ارميه في فتحات التصريف .. وتزعل انت تقول ليه ترميهااااا ونحتاجها بكرة ..!! قلت لو انسجنااا عادي مابزعل ..!!؟؟ قالي كلك نظر .. وفكت الي بروسنا ورحنا بيوتنا ونمناااا .. !!

صحيت من النوم بعد اسبوعين نووووم متواصله .. تعرفون جديد على صنعة التحشيش ..!!

اتصلت على الصل قلت هاه كيف نسوي زي قبل اسبوعين ..؟؟ قاال ودي بس مافي حشيش .. قلت والي معنااااا ذاك اليوم ؟ قال اول مانزلتني البيت تذكرت اني مباحث واراقب نفسي ورميتهااااا عشان مامسك نفسي .. !! ( مافكت معاه ذاااا ) قلت لاحوول طيب والحل تعرف احد ؟؟ قااالي ايوووة تعرف خوينا الي كنا مانعرفه بس نشوفه دايم في الحارة الي مرة جااااااك وقاااالك عطيني جوالك لإن الكابئنة مقفله ؟ الي ضحكنا عليه مايعرف يقوووول يااااء ؟ قلت ايه ايه ..قاااااال هذااااااك يعرف ناس خلنا نروح له قلت طيب انا برى اطلع لي ( عشان مايلطعني ) عطااني بيزي رجعت اتصل عليه يعطيني بيزي ( يعني انه عند الباب طالع ) ولبست وخلصت اشغااال وطلعت بعد 4 ساعات ومريته .. واتصلت يعطيني بيزي ارسلت له رساله قلت انا بمشي والله مابنتظرك .. ارسلي رساله مكتوب فيها

BUSY .. بعد ساعتين طلع مفصخ ويلبس سروال والفنيله والثوب لين وصل لي قااال شفت لبستها بالطريق عشان مالطعك .. قلت خلصنااااا ماعاد فيه وقت اتصل على الكابئنة..!!

اتصلنا عليه قلنااا هلا الكابئنة احنا الي أوول جيت.......... الكبائنة رد يقاااطعه .. خلاص خلاص مرني مرني انتظرك تحت ماصدق احد يتصل عليه عشان يمره .. ورحنا له ركب معناااااا قاال الكابئنة وش تبغوون ؟ قلنااا نبي حشيش قااال بكم ؟ قلت جيب ربع كيلووو .. قاال الصل والله لو اننا نبي نشتري لحم .. قاله الصل جيب مترين .. قال الكابئنة والله انكم غشم شكلكم جدئدئن في عالم المخدرات خلاص بجئب لكم شئ مضبووط وراح جاب وجاء وقاال بخااويكم ..!!

قلناااا عندك مكاااان ..؟ شوي يمد لي زقارة حشيش ويمد للصل ويقول خش ..!! قلت للصل الخبرة تلعب دور في هاللحظات الرجال على السريع ..!! طلعناااا وحششناااا واحنا قاعدين نحشش وخلصناااا قلت شباب مانبي آثاار في السياارة ارموووا كل شي معاكم من الحين .. قال الكابئنة خلاص خلصنااااا ماعاد فئه شئ ..قااال الصل ياكاسبروف .. قلت لك لو نطيح بالخرااب نعرف بنات ..!! قلت له ايه والله انك صادق والدليل الكابئنة .. قااال الكبائنة انا من السنة ولا القرآن ؟

قلت استغفر الله وش سنة وقران ...!! حششت وبتقعد تتكلم في الدين ..!! فكنااا بالله .. قاال الكابئنة انت الي فكنا من الدين ، تقوول إني دليل .. قاام الصل ومد يده بيني وبين الكابئنه وقال شباب طالعين ننبسط مانبي مشاااااكل ..!! قلت طيب معاااكم فلوس قااالوا لأ قام الصل قاااال اسحب من الصراف طيب ..!! قلت ادري اني بسحب من الصراف ووقت العشاء بسحب عليكم السيفون قاال الكابئنة على طارئ السئفون .. بالله وقف بقاله ميت عطش .. وسكتنا ووقفت في السرى حق الصراف قدامي 10 سيارات ..قاال الصل اليوم رواتب السفر عشان كذا زحمة .. ووقفنا نص ساعه ننتظر .. قال الصل وش عنده الصراف مسوي الصل .. قلت ليه ؟؟ قال ملاحظ يلطعنااا .. اخاف تدخل البطاااقه يطلع لك بيزي

قعدت اضحك وهو يضحك والكابئنة ساكت .. وفك الباب الكابئنة ونززل عند الي قدامنا واقف .. قااله ئاخئ بسرعه تراك عطلتنااا ونزل الرجال قاااله وش فيك ؟ ماتشوف قدامي ناس واقفين ؟ طااالع الكابئنة قاال لا أشوف سئارات واقفه ..!! قلت للصل انززل ياخي جيبه هالمحشش لا ينكبناااا ..!! نزل الصل وراح قااال للرجال الله يهديك انت بعد واقف ورى السيارات وتعرف انه بيجون ثلاثه محششين يوقفون وراك وبتعطلهم .!! قال الرجال وش هالكلام ..!! والله لا أبلغ عليكم ..!!قااال الصل وعليكم ابلغ ورحمة الله وبركاته !! خلاص دخلنا بمعروف نطلع بمعروف ويطلع محفظته الصل يطلع كرت محل ذهب قال اذا بغيت اي شيء من التشليح تحت امرك ..!! وانزل لهم واجرررهم اثنينهم واجيبهم اركبهم السيارة وقلت وش فيكم ورطتونا ..!! قاال الكابئنة انا تأخررت رغم إنه ماعندئ شئ .. قلت له بالله اسكت انت .. تراك من طلعت معاااي 4 ساعات وانا مادري وش تقوول ..!! بس ارد عليك ردود روتينيه ..!!

قااام الصل قال لحظه لحظه .. يا الكابئنة قووول روتينيه ؟؟..!! قال الكبائنة .. روتئنئه .. والصل يضحك وشوي فك البااااااااب الكابئنة وقعد يطررش .. قلت وش فيك تعبان .!! قااال لاا بس الكلمه صعبه علئ حسئت احد حط اصبعه في حلقئ ..!!

ومشى الدور لين وصلنا عند الصررافه .. وادخل يدي بجيبي واطلع المحفظه واطلع بطاقة الصراف وافك الطاقه واطلع البطاقه بدخلها بالصراف الا اشووف هندي في وجهي مستغرب ؟؟ قلت بسم الله وش هذاااااا الصراف البدائي احنا في إي عصر يا شباب ؟

قااال الكابئنة .. هذاااا صندوق برئد شكله موب صراف .. قاااال الصل هذاااا يمكن تدخل حصاة ويطلع لك حزمة دنانير ..

وقعدنا نضحك .. والهندي مايدري وش السالفه .. شوي قال الصل الله يلعنك يا ياكاسبروف يا محشش هذاااا كشك كوفي

يوم شفته عرفت إننا كلنا مضيعين .. واعشق وارجع ريوووس واصدم السيارة الي وراي .. نزل صاحب السيارة للصل قااله : يعني صدمتني عشان تمشي سلعتك الي بالتشليح ؟ قاال له الصل .. بسم الله كيف جيت ورانا ؟ قااال انا من اول وراك ..!! ( اثاريهم نازلين يهاوشون الي واااقف وراهم ) .. وقااال الصل انحاش ياخي وعشقت وانحشت .. وبعد سواليف محششين داامت ساعتين قلت للصل تبي تضحك ؟

قاااال لا والله تعبت وانا اضحك خلناااا نحزن شوي قال الكابئنة .. والله عندي لكم اشعااار كتبتها وانا كنت مسجوون في التوقيف .. قاااال الصل سمعنا طيب ؟؟

قااال اسم القصيده تبطئ عظم ..!!

تعال ورنئ وشلون من عقبئ تبئ تختال بخلئك بزحام الركض اشوف شلون مركاضك

واذا هرجك بقئس جبال انا فعلئ ئهد جبال وربئ يا قسا براسك لحطه وسط مرحاضك

قاطعته وقلت صلح لساانك .. قال الصل على طاااري المرحاض .. اسحب عليه يا كاسبروف مرحاااض

وقعدنا نضحك وهو يكمل القصيده..!!

قلت للصل خلنا نروح لمرجان .. قاااال من مرجاان قلت ماتذكررر مرجان أحول السواليف ..!! الي تسولف معاه بسالفه يرد بسالفه غير

قاااال ايه ايه خلناااااااا نروح ،، قاااال الكابئنة وسلامتكم ..!!

( مايفهم ذااا ساحبين عليه من اول ومكمل ) قلت للصل تدري نتعشى اوول بعدين نروح .. قاال والله مشتهي مأكولات بحرية

قلت قداام .. والكابئنة قاعد يقول قصيده ثانية واحنا ساحبين عليه .. فجئة انتبهناااا لشطر قاااله

قلت ياصل سمعت إلي انا سامعه .؟ قال الصل يا كابئنة عيد اخر شطر .. قال الكابئنة

مائهمونئ رعاة الراح راح وجئت جئت ماحسبت حساب حاسد دام باب القاف فنئ

وقعدنا نضحك نقول وين الحساد ..!! قال انتم حساد .. قال الصل أنت قبل تصير شاعر فكر في هم الالقاء لإنه الياء عندك معطوب .. !!

"المطعم"

ووقلت لهم خلاص فكونا وصلنا المطعم .. ونزلنااااا جاء المصري : اي طلبااات يابشوات .. قلت في سمك قال آه طالعت بالصل قلت له بطل حركاتك تراه مطعم محترم قال الصل ليه وش سويت ..!! قلت حركاتك تدعس رجله من تحت الطاولة ماتشوفه يقول آه خلاص فكناا .. قلت جيب لي سمك زبّال البحر الي عند الحصى دايم قال الصل انا جيب لي قنفذ البحر .. قاال الكابئنة .. جئب لي ابو مقص .. طالعت في المصري قلت كابوريا يبي قال من عنيّا قال اي خدمات تانية ..؟ قلت لا دنا في عرضك ..!! ( يحسبها زي سلامتك ) جاء الأكل قال الصل انا بنقز البقاله .. قلت شوي شوي علينا يالجراده وش تنقز للبقاله ؟ تبي دخان فيه ؟ قااال لا ابي اشتري موية .. قال الكابئنة جئب لئ معاك موئة

قلت ياحمير اطلبوا من هناا .. قال الصل ياخي تراه مطعم مأكولات بحرية الموية اكيد مالحه .. !! قلت ايه صح اجل جيب 3 موية اشوف واحد ورانا طلع ريال من جيبه قال جيب لي معاك موية بعد ..!! ( وش هالمحششين الي بالمطعم ؟ )

راح جاب المووية وجاااء .. وجاب المصري الطلبات قال ليه التعب دا كوله فيه ميّة .. قاام الصل فك محفظته وطلع مية ريال قال خذ قااال المصري لا دنا بئصد ميه وأشر على علبة الموية طالعت بالمصري قلت تسلم يا بااش سباك خلاص ازا عزتك بنده عليك قاال من عنيا .. وراح قعدنا ناكل والكابئنة ماياكل يلعب في الصحن قلت وش بك ماتاكل .. قاال ماجبت معئ كفر .!! قلت وش تبي بالكفر قاااال نسئت انه مأكولات بحرية اخاف اغررق ..!! قال الصل شوف شوف يا الكبائنة .. ولف الكرسي الصل وقام ياكل ومعطي الصحن ظهره ( على باله يسبح على ظهره ) قلت شوف حركه القنبلة .. ووقمت فوق الكرسي ونطيت على الصحن وانا ضاام نفسي عشان يطلع صوت القنبلة جاء المصري ولعن ابو خامسناااااا وطررردناااااا ..

"خط النهاية"

طلعناااااااا واتصلنا على مرجان .. طبعاً مرجان هذا له سبعه شهور يتصل علي في اليوم 9 مرات مارد عليه ساحب عليه واتصلت عليه اول مارد علي طرت فيه قلت وش فيك كل يوم اتصل عليك ماترد علي ..!! قاااال والله معليش مانتبهت لك يمكن قلت له انت وينك بالبيت ؟ قال يوم الولادات قرب..!!( مجنون يقول اي سالفه مالها هدف ولا معنى ) قلت له كم باقي على يوم الولادات .!! قاااال انا في البيت تمرني ..!! قلت طيب وصكيت عشان مادخل معاه في كلاااام ومتاهات وصلنا اول ماركب معنااااا سلم علي وقاااال ابيك بعدين في كلمة راس .. بخصوص موضوع السفرة على مصر ..!! قلت اي موضوع ..!! قال بنسافر انا وياك مصرر بس لا احد يدري ..!! قلت طيب مامعي فلوس قال افااااااااا كم تبي .. قلت ابي 100 الف دولار قاال مرجان خلاص بكرة 9 بالليل بتجيك خمسين مليون دولار .. قلت الله يسلمك ماتقصر..!! ( الكابئنة والصل مستغربين وش ذا المجنون ) .. قلت بس اسمع مرجان ووطيت صوتي قلت من جد انا محتاج الحين معاك عشرة ريال ؟ قااال لا والله معي 3 ريال تبيها ..!! الكابئنة قاال ثلاثه رئال ؟؟ والله لو اننا طالعين المدرسه ماخذ معاك مصروف 3 ريال ..!!قال مرجان .. انا مثل الضوء اذا اختفيت أظهر..!! وداااااار حدييييث جنوني طووويل بينا الأربعه .. مافيه اي فاااايده.!!

وطلعنااااا على الخط السريع ،، أبي ارجع الكابئنة بيته ،،

واحنا ماشين ونشوف تفتيش قال الصل لا تربط الحزززام فكه ..!! فكينااااه ووقفنا بالتفتيش قالي العسكري الرخصه والاستمارة ..!! عطيته قال ليه مانت رابط الحزااام .. قلت له واحد عسكري مسكني قبل اسبوعين يقول لو تربط بسجنك والصل شااهد دخل الكابئنة بالموضوع وقااال .. كاسبروف شفت انك انت تدخل بالدئن موب انا ؟؟ أول تقول دلئل الحئن شاااهد .؟ قال مرجان للعسكري .. خلاص فكنا الله يفك اسرك .. قاله العسكري ليه أطلب منك رخصه واستمارة وانا خلف زنزانة ؟ قال الصل .. ياشين الدوائر الحكومية لا بدت تستخف دمها .. قال العسكري وقف على جنب علومكم زينة .. وفك الباب الكابئنة ونزل من السيارة قاال انا بوقف معاه لئن تجون( الغبي مايدري اننا كنا نبي ننحاش ) وقفنا ونزلناااااا قال العسكري وضعكم مشكوك فيه .. قال مرجاان ان بعض الشك اثم .. قلت له ياليت تصك افمك انت ..!! قال مرجان كاسبروف خلني اتكلم براحتي .. ياحظرة العسكري تخاويني مصر .. ؟؟ مسكني الصل على جنب وقال بيجيبون فينا العيد ..!! قلت له والله انت الي جبت لنا العيد أنت وكابئنتك والحشيش والخرراب .. حتى وصلة لدرجة إني اقاابل مرجان وانا ماعمري فكرت اني افكر اقابله وانا صاحي وبعدين تقول الخراب يطيحينا في البنات هذانا طحنا في الخراب وطحنا في علل وبنمسسك وننسجن ولا طحنا بالبنات ..!!

سمعنا مرجان من بعيد وقال ،، افااا كاسبروف انت محشش .؟ قال العسكري اوه راعين حشيش .. وجااب 4 عساكر كلبشونا وركبونااا .. وودونا التوقيف .. وبعد ستة شهور في التوقيف .. انحكم علينااااا بالسجن 3 سنوات لإنه مرجااان كان معاه في جيبه 90 كيلو حشيش وأحنا في السجن كابئنة انشغل في كتاابة ثاني ديوان له شعري .. ومرجان .. كل يوم ماسك واحد من المساجين يبيه يخاويه مصر ..!! والصل .. لا تفقد الامل نطلع من السجن والله نرقم بناااااات ..!! بس احنا مشكلتنااااا ماكنا نرقم أوول عشان ماعندناااا قلم ..!! وانا قاعد ارسم على الجدار صورة شجرة وشمس وبيت ونهر رمزاً للحرية .. !!

وهذي هي نهاية الابطال الاربعة .. الي أول ماطاحوووا بالمخدرات .. تقفلت عليهم الزنزاانات

القصة مقتبسه من خيال واقعي يميل إلى الكذب والتحشيش .. والنصب

**المــــ ريشة ــــلاك** · 30 Dec 2007, 12:49 PM

اقتباس:

لف الحشيش وعطاني ولعت وقعدنا نحشش نحشش نحشش .. قااالي سمعت بالبوف ؟ قعدت اضحك اضحك وهو متسغرب .. وانا اضحك قاااالي وش فيك .؟ قلت الله يلعنك انسطلت

اجال انسطلت خخخخخخخخخخخخخخخخخخخخخخخ

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههه

الله يقطع سواليف عدوك ضحتسني

اقتباس:

طلعناااااااا واتصلنا على مرجان .. طبعاً مرجان هذا له سبعه شهور يتصل علي في اليوم 9 مرات مارد عليه ساحب عليه واتصلت عليه اول مارد علي طرت فيه قلت وش فيك كل يوم اتصل عليك ماترد علي

العن ام التسحيب والبكاشه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه

يصلموووووووووووووووووووووو لاهنت

أصلع وحاط بكلة · 31 Dec 2007, 08:28 AM

اقتباس:

المشاركة الأصلية كتبت بواسطة ريشة الملاك

اجال انسطلت خخخخخخخخخخخخخخخخخخخخخخخ

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههه

الله يقطع سواليف عدوك ضحتسني

العن ام التسحيب والبكاشه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه

يصلموووووووووووووووووووووو لاهنت

ريشة ملاك .. مشكلة الي توة حايط بالحشيش تتعب الين تعلمة علوم الرجال

<-- وين علوم الرجال واسمك الخكري المحشش

انت اصمل وخلنا نحشش مع بعض <<-- خربها

بس ترا الصل راعي كيف لا يهمك شكلة

ومقيلوة ترا الرجال مظاهر مهوب مخابر <<-- أقترح انكم تفتحون قصم خاص للردود الماصلة

تحياتي ،،،

شيطون · 31 Dec 2007, 10:41 AM

هههههههههههههههههههههههههههههههههههههه
بس على فكرة طويييييييييييييلة كثيييييييييييييييييييييييير وما كملتها

انسان متواضع · 31 Dec 2007, 11:07 AM

والله تعبة وانا اقرا لكن مشكور وعسى عمك طووووووويل

أصلع وحاط بكلة · 31 Dec 2007, 12:13 PM

شيطون
انسان متواضع

نصيحة محشش

أقروها كاملة .. ومالكم إلا تطيحون بالحشيش عقبها

<<-- مثال حي يرزق :)

بعدين خلو عنكم المزولة وروقو واقروها

.. رمـآد انـسـآن .. · 31 Dec 2007, 07:27 PM

خخخخخخخخخخخخخخخخخخخخخخخ

من قلب تحشيش

لي باك ..

أصلع وحاط بكلة · 02 Jan 2008, 09:53 AM

رمـآد انـسـآن ..

وكلم حبيب ألبي منور وبإنتظار عودتك

أكبر محششة وداجة · 02 Jan 2008, 02:18 PM

ههههههههههههههه

مرة طويلة القصة

بس حلوة

تسلم

تووتا · 06 Jan 2008, 02:17 AM

هههههههههههههههههههههههههههههههههههههههههههههههههه ههههههههههههههههههه
القصه مره حلووووووه ولواني مو.....
ما تحملتها وقرتها بس والله اكثر من ها المواضيع تصير
مشكور اخوي ويعطيك العافيه

تحشيش x تحشيش

هبال و صرقعه ( مانبيع الا سوبيا وبربيكان توت )