السلام عليكم ورحمه الله وبركاته:باختار قصتى اعانيها من سنين وسبتها ابوى المجرد من الرحمه والشفقه تزوج ابى امى من 27 سنه وكانت حياتهم مليئه بالحب والحنان وانجبت امى اول ولد وكانت فرحه ابى لاتوصف وبعدها انجبت امى بنت وبعدها انا كلنا متقاربين بالعمر فرق سنه وبعد مرور 7سنوات من الزواج قرر الزواج من عراقيه او بالمعنى شاويه وبعد ما تزوج والله يا اخوان عمركم سمعتم عروسه ثانى يوم من عرسها تنزل لضرتها وهى امى وعطتها ثوب هديه وامى لان قلبها طيب اقبلت الهديه من البستها وهى انقلبت فوق تحت والله يا اخوان وبعدها طلقها ابى وعانت امى بتربيتنا عند خوالى وماقصر جدى عسى الله يرحمه بقبره والله يا اخوانى كنت بالحيل صغير وكل ما اقول يمه ابى لعبه تبكى لان ماعندها فلوس والحكومه ماقصرت تعطيها شؤون بس كان الحمل صعبه عليها وحلفت انها ماتزوج لين تكبرنا ضيعت عمرها علينا كان بامكانها من كثره الخواطيب تزوج بس قالت منى يعوض عيالى حنان الام صعبه وكانت عباراتى لها وانا بالابتدائى يمه بس اتزوج اشترى بيت وتعيشين وياى كنت انا المقرب لها واخوى واختى الله يسامحهم قصروا بالحيل تزوج اخى وثانى يوم صار خروف زوجته وزعل على امى لمده 4سنوات واختى هم تزعل سنين على امى الا انا لان الجنه تحت اقدام الامهات تزوج انا وانجبت زوجتى طفلين واشتريت بيت والحمد لله زوجتى طلعت بنت حلال ماترضى على امى باى شى يضايقها وسكنت امى عندى عطيتها الدور الارضى كله وانا سكنت فوق لانى اخف منها وابى مو مقصر بحق اخوانى من زوجته الشاويه اخر دلع واحنا اعياله الكبار ماسوه لنا شى زواجنا وشريه البيت كله منى واخى كذالك وفوق هذا ابوى يحاول يكرهنى انا واخوانى بامى وانا بعد متطوعت والحمد لله بس اسلم عليه وامشى عشان ما اتحاسب عند الله ؟قال الرسول صلى الله عليه وسلم لاتفرقوا بين اولادكم وابوى يمشى بالعكس والله ما اسامحك يا ابوى بس بالاسم الله ياخذ حقى وحق امى منك مارراح اسامحك ؟ادعوا لى يا اخوان وخوات لى بالتوفيق وعسى الله مايغير علينا ويبعد عنى اعيال الحرام تكفون