! حَـاشَــا , وكلاّ .. ثم حَـاشـَـا , وكلاّ .. !

محشش كليجا · 11 Dec 2007, 04:29 AM

السلام عليكم ..

أيبات بسيطة حبيت أشارك الأعضاء والقراء فيها وإن شاء الله تحوز على رضاكم ..

يقول :

يا الـزين يا اللي بالمحـبة تسـلّى
أرفـق علي قلب(ن) يحبك وشاريك

أرفق على قلب(ن) خذيتـه محلّى
وعين(ن)غدت بدمعها الوبل تسقيك

يـكفي علـى فرقاك .. دمعي تهلّى
والقلب يسأل : وينـها به أراضيك ؟

يقـول : لـو أرضك بنجم(ن) مُطلاّ
بيـجيك بالطيّب .. بالغصب بيـجيك

ملَ القنص , ومطارد الصيد مـلاّ
من يوم شافك وأنعجب فـ خطاويك

ماعاد به حِس(ن) ولا شعور إلاّ
نبضه.. على تحريك قدك ورجليك

إنعاش خطواتك من الموت ومحلى
من مشيتك .. وقفتك يوم أني أجيك

يكـفي اليا شفتك .. همـومي تولّى
تقفي هـمومي ساعة أفرح وألاقيك

ما قد طرا فـ بـالي عنك .. أتخـلّى
ولا قد طرالي يوم , أمشي وأجافيك!

حَـاشَـا , وكلاّ .. ثم حَـاشَــا وكلاّ
حَـاشـَا , وكلاّ أني على الفرقا حاديك

وش لون أقوى مفارقك وأنت خلا؟
وش لون , وكل الكون وده يراضيك؟

شـعب العـراق أجمع يسميك مُـلاّ
لأنك : آية حُسن و محد(ن) يجاريك

وأهالي صنعاء , وعدن , والمُكلاّ
كل(ن) حمس بُنه .. وناوي يقهويك

ومن هم بوسط لبـنان قالوا: لهـلاّ
أنت الحلا المهزوم .. يا الله عليك

محد(ن) صفالي ولابه أحد(ن)تعلّى
على متون القلب ,, والقلب حاويك

تكفى .. ودخيلك يا الغلا لا تغـلّى!
هذا خفوقي يا الغـلا اللي .. يناديك

ولا .. اللسان من عقدته ما يفلّى
"إلاّ " , إذا ناديتني : صحت (لبيك)

لبيك يا اللي .. بـالمحـبة ، تسلّى
أرفق ترى ذا القلب بالحب شاريك

..

كليـج ـا

..

زحمه جـرۉح · 11 Dec 2007, 06:04 PM

حَـاشَـا , وكلاّ .. ثم حَـاشَــا وكلاّ
حَـاشـَا , وكلاّ أني على الفرقا حاديك

روووووووووووووعهـ ,,

صــح لــســآنــك ولـسـآن قـآيـلـهـآ ,,

لآعـدمـنـآآآآكـ ,,

جبتها عالجرح · 11 Dec 2007, 10:25 PM

اقتباس:

يكـفي اليا شفتك .. همـومي تولّى
تقفي هـمومي ساعة أفرح وألاقيك

احساس اكثر من رااائع

الف شكر لك

يعطيك العافيه

][مجهول الهويه][ · 12 Dec 2007, 02:19 AM

صــح لسانك

محشش كليجا · 12 Dec 2007, 10:48 AM

لآهنتو تسلمون عالمرور الارووع ..

! دحديره ! · 13 Dec 2007, 02:40 AM

يقـول : لـو أرضك بنجم(ن) مُطلاّ
بيـجيك بالطيّب .. بالغصب بيـجيك

تسلم كووليجا,,,

كانت معكم ,, دح دح

ملكة الحب · 13 Dec 2007, 03:12 AM

اقتباس:

ما قد طرا فـ بـالي عنك .. أتخـلّى
ولا قد طرالي يوم , أمشي وأجافيك!

حَـاشَـا , وكلاّ .. ثم حَـاشَــا وكلاّ
حَـاشـَا , وكلاّ أني على الفرقا حاديك

وش لون أقوى مفارقك وأنت خلا؟
وش لون , وكل الكون وده يراضيك؟

ابيات بسيطه ورائعه

يسلمو كليجا على القصيده

يعافيك ربي

محشش كليجا · 13 Dec 2007, 08:52 PM

مشكوووووووريـن عالمرور ,,

! حَـاشَــا , وكلاّ .. ثم حَـاشـَـا , وكلاّ .. !

شعر و خواطر المحششين