خاص للسحالي فقط ... ممنوع دخول التماسيح واللي يدخل يتحمل اللي بييه ههههههههههه

_ حوله بس مركزه _ · 07 Dec 2007, 10:05 PM

بسم الله الرحمن الرحيم

السلام عليكم ورحمة الله وبركاته
شفت هالموضوع في منتدى وطبعا لاني احبكم وابي مصلحتكم نقلته لكم
ممنوع التماسيح بس للسحالي قلناااا
انزين برايك تحمل اللي بييك تراني حذرتك

اسمعن يا سحالي
اذا طلبتي من اخوج انه يوديج السوق وما طاع لانه يبا يطلع ويا ربعه ولا مواعدهم وما يقدر يتاخر لا تزعلين وقولي له جزاك الله خير ومشكور وما تقصر 00
بس طبعا هاليوم ما بيعدي على خير تعرفين شو تسوين ؟؟ عندج هالنصايح وجربيهن
روحي غرفتج والهي نفسج باي شي واختاري أي وسيله للانتقام من الوسائل اليايه ولو تجربيهن كلهن يكون احسن خخخخخ

1-روحي لموزيل الروائح مال اخوج قبل ما يطلع من الحمام ( عزكم الله ) وهو متسبح وبطلي الغطاة وحطي فيه استون ( مزيل المناكير ) وعصير ليمون ورجعيه مكانه واظمن لج 100 بالميه ان ايده بيتم رافعنها 24 ساعة وفوق هذا حتى المشي ما بيقدر يمشي عدل خخخخخ
2-سيري عند النعال ( عزكم الله ) مالت اخوج اللي دوم يحب يلبسها .. وكلي لبان واحسن لو تاكلين الكرتون كامل وطلعي اللبان ولصقيه في نعاله من تحت وجدام واسمي بيكره حياته من الخاطر خخخخ
3-خذي المشط مال الشعر اللي دوم يستخدمه وغطسيه في ماي ويا بيض ني ..وطبعااا الحبيب بيكون من الحمام وكشته كلها ماي كالعادة و بيسير يمشط شعره وعاد شمي الريحة اللي بتطلع من شعره ههههه الله يعين اللي ساير عندهم خخخ .. وعاد انتي اونج من كثر الطيبه قولي له ما تباني اسشور لك شعرك بس لا تنسين اتسكرين خشمج عشان ما تختنقين خخخخخ
4-شلي التلفون ماله وتمي لعبي كل الالعاب اللي في التليفون بس لاتخلينه يشوفج ويوم يبا يطلع قولي له سمعت تليفونك يسوي صوت جنه مفضي !!! خذ البطاريه مال تليفوني عشان ما يفضى تليفونك ( اونج عاد كريمه ) خخخخخ
5-خذي مفتاح سيارته ودسيه مكان واذا سال عنه قولي له انج شفتيه ويا واحد من اليهال اللي في البيت والاحسن يكون عمره اقل من 3 سنوات لانه ما بيقدر يصفعه وبيسير يذل عمره ذل حق الياهل خخخ بس عجان يخبره وين حط المفتاح وانتي عاد فطسي من الضحك من الخاطر بس لا تخلينه يشوفج ويوم بيياس بيدق ع ربعه بيقولهم تعالوا شلوني ما عنده غير هالحل خخخخ
6-ويوم يبا يطلع ساليه اذا يبي فلوس اونج عاد غنيه خخخ وطبعا هو ماله ويه ياخذ من عندج لانه ما طاع يوديج السوق ( الا اذا كان ويهه لوح هذا شي ثاني ) شين وقوة عين بعد
7-قبل ما يطلع من البيت خذي مفتاح غرفته بعد ما يقفلها ...حاولي تحصلين المفتاح ضروري ...عجان يوم يرجع بيكون مسطل ويبا يرقد وما فيه يدور وبيتحسب عمره انه مضيع المفتاح برا ولا ناسيه عند حد من ربعه وما بيلقى حل غير انه يرقد في الصاله وعلى الكنبه .. وعاد انتي اونج الاخت الطيبه والحنونه قولي له انا بسهر في الصاله اليوم اشوف فيلم سير ارقد في غرفتي .....

وبعدين صدق بيندم وبيقول في خاطره ياليتني وديتها السوق حليلها اختي وااااايد طيبه خخخخ بس بيحاول انه ما يبين هالشي بس في اليوم الثاني بتشوفينه بروحه ياينج ويسالج أي سوق تبين تسيرين ؟؟؟ وعاد فرحي انتي واستانسي وبيوديج ويدلعج بعد ... خخخخخ شو تبين اكثر من جيه ؟؟؟؟؟

شو رايكم ؟؟؟ عجيبه الحركه لا ؟؟؟

انا نصحتكم قلت لكم لا تدخلوا واتحملوا عاد ولا حد يزعل

+_+ لعيون السحاالي +_+

مع حبي لكم

حوله بس مركزه عدل