ياربّ .. يا عالـم ٍ بالسـر والنيّـه

يا كاشفن ما ورا قلبي ومـا iiدونـه


ياكاتب الحسنـه وياكاتـب iiالسيّـه

ويا مودع العبد مع ملايـك أمتونـه


لطفك وعطفك في وقت ٍ دارت إرحيّه

متغيّرن ظرفـه وعرفـه iiوقانونـه


أدرج بهجسي مثل .. ما تدرج iiالفيّه

وأطير في رحلة ٍ ماهيـب iiميمونـه


وأقول يا علّها .. روحه بـلا iiجيّـه

واستغفر اللي طلبته مـدّه iiوعونـه


والناس من حولي ونيرانهـا iiحيّـه

كلّن قبس جمرته في راس iiغليونـه


للفرد والمجتمـع ... سـلام iiرديّـه

ياللي سمعتوا سلامـي لا iiتردونـه


لو نسبة أهل الوفا عشرين فالميّـه

تبقا الثمانين .. محفوظه ومصيونه


شبابنا .. شبّ بين الـداب iiوالحيّـه

يزحف على طرقها ويكوسر iiألحونه


ومسلسـلات القنـوات iiالفضائيّـه

كلّن على بثّها .. برمـج iiتلفزونـه


أكثرهم اللي غوا واستسلـم iiلغيّـه

ياقلّ من يعجبك في شكلـه iiولونـه


يتعب على زيّه ويقـول مـن iiزيّـه

أمخصرن ثوبه ويمشي على iiهونـه


واقف على السكّه وعينـه شقاويّـه

واليا ركز عظم ساقه عـدّ iiطبلونـه


سبعات وكموم .. مربوعه iiومثنيّـه

كشخه وموديل مدري وش iiيسموّنه


الطيب ما تجلبه .. غتـره iiوطاقيّـه

يا بدو ثوب المراجل .. لا iiتوطوّنـه


دايم في الأسواق خيّالـه iiورجليّـه

مفتون ما جـرّه الا سلـك مفتونـه


الله يكافـي البـلا مبلـي iiومبليّـه

يسرحوّن الخزاا مـدري iiيضوّونـه


يانعنبو حيّها .. ويا نعنبـو iiحيّـه

لاشاف من وافقت له جنّت iiجنونـه


لبّق على جنبها .. وشويّه iiشويّـه

حتى يقدّم لهـا .. نمـرة iiتلفوونـه


ثم عاد تبـدا الحكايـات الرمنسيّـه

والظاهر الزيـن والنيّـات iiمدفونـه


وميعادهم بالخفـا مثـل iiالحراميّـه

وأرقص على العاقله وتصير iiمجنونه


واليا قضوا من بعض مافيه iiحنيّـه

كلّن يعوّد .. ب مغرافـه iiوماعونـه


أما عطى قسمهـا روس iiالهواويّـه

ولا غدت سمعته ماهيب iiمضمونـه


ترا المحبّه ليـا صـارت iiحقيقيّـه

يجي لها طعم .. غير اللي iiتذوقونه

حنوشتوا الحبّ .. ياجيل iiالحونشيّه

والحبّ منكم بري شكله iiومضمونـه


ف الرجل لولا المراجل عدّه iiابنيّـه

والبنت لولا الحيا .. ماهيب iiمزيونه


وجهة نظر بيـن هاذيّـه iiوهاذيّـه

يا طيب رجلن يظّن ويحسن iiظنونه



وســـلـــمـــتــــوا ... لشاعرها المبدع ( سداح )


اتمنى ان تحوز على رضاكم ...

لكم تحياتي .....


الشــــــــايب