شاب خليجي شاهدته يرقم علنا

ماربورو · 31 Jan 2006, 05:08 PM

السلام عليكم ورحمة الله وبركاته ..

شاب سعودي وسيم قابلته على طريق الملك عبدالله بالرياض جالس يرقم وبصراحة

انبسطـــــــــــــــــــــــــــــــــــت

على اللي قاعد يسويه حتى تعرف الناس اللي قاعد يرقمها وش تكون ..

قابلته وسلمت عليه ودار بيننا الحديث التالي :

* بصراحة أنا إنبسطت من اللي قاعد تسويه ؟

- الله يخليك كلنا شباب وقاعدين لا شغل ولا مشغلة خلينا نرقم أحسن .

* الاسم الكريم ؟

بدون خجل أعطاني إياه ..

* دايم أنت كذا على هالطريقة ؟

- على حسب ، يوم عن يوم ..

* بس ما شاء الله باين عليك العز وولد ناس ؟

- عادي وش المشكلة ..

* يعني ما تستحي أحد يعرفك ويشوفك وأنت تسوي كذا ؟

- سؤال وش المشكلة فيها ... الشغلة عادية وأكثر من عادية كمان أهلي يعرفون وليش أخاف .

* طيب قولي بصراحة فيه تجاوب معك ولا ... لأ ؟

- بشكل ما تتخيله على طول وبسرعة أتحدى أي واحد فيها .

* فيه أحد يشجعك على الترقيم وأنك تستمر فيه ؟

- كثير .. ولا وأزيدك من الشعر بيت جالس أعلم الشباب على الأسلوب وأقنعهم وأخليهم

يتعلمون مني ويا بخت من نفع واستنفع ..

* بصراحة أه+++++++++++++++ على هالجرئة الكبيره ..

- الله يسلمك عادي الواحد يتسلى ويكتسب خبره أكثر بالحياة ..

* طولت معك معليش بس عندي سؤال واحد وأخير ، ممكن ؟

- تفضل خذ راحتك اعتبرني أخوك .

* الله يسلمك لو طلبت أستضيفك في برنامج أو لقاء صحفي أو غيره كأشهر مرقم توافق ؟

- والله العظيم مستعد وخل العالم تعرفني .

* مشكور حبيبي ، هذا معروف ما أنساه لك .

- ما طلبت شئ .. أهوه يعني نطلع لو مره في الحياة وأكون مشهور يوم أمشي في الشارع

وبين الناس وهم يقولون هذا اللي يرقم وأرفع راسي ، وهذا رقم جوالي للي يبغى يتعلم

( ...... 05555 ) .

* مشكور حبيبي وانتظر مني اتصال قريب مع السلامة وشد حيلك ما أأخرك .

- مع السلامة واعتبره وعد منك تحقق لي هذا الطلب ومع السلامة مرة ثانية .

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

^

شفتوا وين راح تفكيركم !!

راح بعيد عن أرض الواقع وكلكم حقدتم علي وعليه علشانه يرقم وأنا أشجعه

صح ؟؟؟؟ !!!!!

^

^

^

^

^

^

^

بس الرجال قاعد يرقم العماير حتى الناس تعرفها بالرقم أفضل من اللوحات على المحلات التجارية

مع إنه من عائلة كبيرة ومو ناقصها شئ بس كان حبه للعمل دافع قوي له بأن يشتغل الشغلة

هذي وكان بنظري شاب فريد من نوعه ومثله كثير لكن ودنا الباقيين يقتدون فيه وننتهي من مشكلة العطاله.

فهمتوني غلط الله يسامحكم ولا تعودونها مرة ثانية المرة هذي بأعديها والمرة الجاية

ماراح أسامحكم ...

م ن ق و ل

اخوكم ماربورو

سوسو المدينة · 31 Jan 2006, 06:32 PM

هههههههههههههههههههههههههههههههههههههههههه قوووووووووويه بس في النهاية كحلتهااا الله يعطيك الف عافية ع الموضوع اخووي ولا تحرمنا من الجديد

سوسو المدينة