سعوودية اكيد لآ ؟؟!!

ريـم آلـ ح ـلآ · 25 Oct 2007, 04:47 AM

بسم الله الرحمن الرحيم
اليوم حبيت انزل مشكلة او قضية من واقع معناتي ويمكن في هنا غيري واجهتهم هالظااهرة الغبية !
اذا احد وجه لك سؤال شخصي اكيد انت رح تجاوب عليه بقدر الي يستوفي اجابته ويرضيك انت بنفس الوقت
لاكن المشكلة لا سالك احد عن جنسيتك ؟؟ وانت اصلا موجود بلدك ؟؟ وشيء وااضح انك سعوودي من غير هالسؤال المستفز اصلا حتى لوكان نيته المعرفة مو لاستفزاز
بس هو سئالك من استغرابة لتصارفتك وطبيعتك ( ولمعلومة هي سعودي وانت سعودي )
اش راح يكون ردك ؟ ترد عليه كيف ؟ من ونبدا ومن وين نتهي ؟
انا عشان اكون صريحة واضحه وعشان يوصل لكم قصدي بشكل مفهوم
بتكلم عني انا شخصيا وعن خواتي واقاربي بشكل عام
دايم ما يترد على هذا السوال سواء هنا بالسعودية او خارجها لاكن ما علينا من خارجها رح اتكلم عن ابناء وطني لان لو بغينا نصلح نظرات الغير فينا لازم نبدا بنفسنا اولا !!
دايم دايم يسالوني انتي سعودية ؟؟ ليه يتوجه لي دايم هالسؤال الغبي انا دون عن غيري ومع ان اوقات يكون معي صدقتي مو سعودية ومحد يدري انها مو سعودية الا انا بس ما يسالونها يسالوني انا ؟؟
ليش هالسؤال ؟ وليش انا بالذات ؟
واكتشفت انو مو بس انا يتوجه لي هالسؤال حتى خواتي وقريباتي
تجرات مرة وسالت الي سالتني هالسؤال وسالت من قبلي خواتي ؟؟؟
ليش تسالينا عن جنسيتا ؟ وشيء واضح انا سعوديات الي وين تبين توصلين
اكتشف من اجابتها واقع مرير وصعب علينا ان نتقبله نحن كسعوديات حتى ولو كان مجرد نظرة ينظرها المجتمع لنا
ليه يعني الي معها اكثر من لغة غير لغتها لام وخاصة لاكانت تتكلم اسباني او فارسي او غيرها !
تكون بنظرة مجتمعنا مو سعودية
ليه يعني الي ابوها يرسلها الى الدراسة خارجا عند اهلها وخوالها ؟؟
تكون بنظرهم مو سعودية
ليه يعني الي عندها طمووح وتسعى له من صغرها ؟؟
تكون بنظرة السعوديات مو سعودية
ليه يعني الي تحمل قدر من الجمال والذوق
تكون بنظرتهم مو سعودية او مهجنه ع قولتهم
ليه يعني لمى يسمعون ان عمتك دكتورة بالجامعة وخالتك تكتب بالجريدة واختك طبيبة وامك فنانة تشكلية
تكونين بنظرهم مو سعودية
ليه يعني لمى يسمعون ان ابوكي له بيوت خارج المملكة وشغله براتها
يفكرون ولو لحظة انك مو سعودية
ليه يعني لمن يدرون ان جدتك من امك مو سعودية
تكونين انتي بعد مو سعودية
ليه يعني لمى تتكلمين بثقافة ووعي وانفتاح ولك معلومات عن شعوب اخرى
تكونين بحكمهم الظالم مو سعودية
ليه دايم نظرت السعودية لسعودية غلط !! يمكن تكونون استغربتوا من طرحي لها المشكلة ويمكن تكون معدومة عند بعضكم وما تدرون عنها اصلا الا انا اعااني منها بشكل فضيع وصار هالسؤال عندي زي كيف الحال ؟
يوجد بمجتمعنا ناس مازلوا على التفكير القديم والسطحي وخاصة بالنظرة الى المراءة يعني عندهم ادرسي وادخلي الكلية وصيري معلمة وعطانا الله الف خير وترا ما قصرنا فيك ابدا وترا علمناكي وماعلينا زود وهذا هو انفتاحهم بنظرتهم السطحية .....
الا واذا رحموكي قالوا سعودية بس مو اصل يعني مو قبيلة وهم ما يدرون انك سعودية اب عن جد وبعد قبيلية وهذا هو الغلط
يعني عشان اصير سعودية بعينهم ويعترفون فيني لازم اتكلم سعودي وما اعرف الا عربي بس وما اكمل دراستي برا و اتزوج من صغري واجلس بالبيت ولا يكون عندي طمووح ولا راي ولا صوت يغير ويرفع من مجتمعنا ويرفع راية بلدي فيني ...
صار الجهل او بمعني اووضح دفن الطموح والمواهب تحت الارض يدل ع انك منهم
صرااحه هذا قمة العار علينا كسعودين عندنا مواهب وعباقرة بنات وشباب وخاصة البنات يدفون
انا صديقتي عمرها 16 سنه وتحل مسائل بالرياضيات حقت رئاسة وكلها صح دون ما تدرس ثالث ثنوي وامها وابوها يقولون كلية احلمي !! ليش مو حرام ؟؟هذي النابغة تدفن وراء الحيطان لا وابشركم زواجها بالغصب
الصيف الجاي عقاب لها ولامثالها لانها بس رفعت راسها وحلمت وطمحت انها توصل عند النجوم قاموا اكسروه لها
وفي مثلها واحسن منها بعد كانت عاقبتهم ادهى وامر ...
القضية اكبر من كذا وتحمل كذا جانب يمكن اكون جمععتها كلها بقصتي انا وصدقتي ويمكن اكون قصرت ببعض النواحي ..لا واكيد اني نسيت شيء
عشان كذا ابي ارائكم عن الموضوع وعن القضية الي طرحتها
((( المقصود بالموضوع مو كل الشعب السعودي اكيد انا اقصد البعض منهم فقط ّ!! ولا احد يجي يقولي مو موجود عندنا هالكلام لا مووجود ونص بعد )))
اختمها بقول امي لي دايم
ريما سوي الي تبينه وتعلمي واي شيء تبغينه بسبيل العلم ورفعة راية السعودية وانا وابوكي ننبي نوقف جمبك وما رح نخليك لاخر يوم في حياتنا ..ربي يوفقك يا بنتي وخلي عنك هالكلام والقافلة تسير و ........ تنبح
^^^
يسلم فمك يا ماما
سلااااام

تكروني ابيض · 25 Oct 2007, 11:51 AM

[img]125م[/img]

بااااااااااااااااااااااااااااااااااااااااااااااااا اااااااااااي

roro sweet · 26 Oct 2007, 10:04 AM

على فكره مره سمعت شيخ ماراح اذكر اسمه ...ممن يسمع لفتاويهم ...
سال عن المراه المتكشفه والسافره على حد قولهم ...
فكانت اجابته انها ليست سعوووديه بالاصل ولكنها سعوديه بالتجنس ......>>>>حزنت على مجتمع يعيش في وسطه امثال هؤلاء ....

كثيرا مااواجه مثل ماتواجهين .....
ولكنني اكتفي بالابتسااام ...........والضحك في داخلي على هذه العقووول الغبيه ...

ريـم آلـ ح ـلآ · 26 Oct 2007, 06:37 PM

اقتباس:

المشاركة الأصلية كتبت بواسطة تكروني ابيض

[img]125م[/img]

بااااااااااااااااااااااااااااااااااااااااااااااااا اااااااااااي

^^^
!!!!!!!!!!!!

26 Oct 2007, 08:58 PM

ريمآ اول شيء اسجل إعجابي بالموضوع

:
:

والله يا ريما مو بس انتي تمرين بالشيء هذا

انا غالبا تمر علي نفس الأسئله بس خلاص الواحد يتعود

لأن فيه بعض المجتمعات آقدر آقول عنها انها متخلفه

اقتباس:

ليه يعني الي معها اكثر من لغة غير لغتها لام وخاصة لاكانت تتكلم اسباني او فارسي او غيرها !
تكون بنظرة مجتمعنا مو سعودية
ليه يعني الي ابوها يرسلها الى الدراسة خارجا عند اهلها وخوالها ؟؟
تكون بنظرهم مو سعودية
ليه يعني الي عندها طمووح وتسعى له من صغرها ؟؟
تكون بنظرة السعوديات مو سعودية
ليه يعني الي تحمل قدر من الجمال والذوق

ريما شوفي ,,

فيه بعضهم وهم اكثر اللي يسألون هذي الاسئله
ماعندهم هالشيء وعندهم نقص فيه

يعني مثلاً اللغة الأنقليزي واجد اللي يعرفونها
وفيه ناس بعد يعرفون الفرنسيه

فا يستغربون انها تعرف انقليزي وفرنسي وشلون وكيف ؟!؟

واسأله كثيره ,,وش سبب هذي التساؤلات ,, سببه شيء واحد

هو التخلف !!

وعلى مسألة اللبس والجمال والذوق ,,
هذي اكثر شيء يركز عليها البنات
يعني يكون ماعندها ذوق وموب حلوه

فا تصير عندها تساؤلات كثيرة ,, من وين لها كل هالزين ؟ وهالذوق ؟

اكيد انها اجنبيه !! ليش يعني بنات السعوديه ماعندهم ذوق ولا جمال

قد قريت في مجله او موقع ماذكر بالضبط ,,

ان بنات السعودية من اجمل بنات العالم :)

انا خرجت شويه برا الموضوع ,,

بس جوابي على تساؤلاتك هي ان اكثر المجتمعات متخلفه للاسف

:
:

مشكوره قلبي ع الموضوع اللي من جد اعجبني

ريمـوو

سحابة صيف · 27 Oct 2007, 01:53 AM

اقتباس:

ريما سوي الي تبينه وتعلمي واي شيء تبغينه بسبيل العلم ورفعة راية السعودية وانا وابوكي ننبي نوقف جمبك وما رح نخليك لاخر يوم في حياتنا ..ربي يوفقك يا بنتي وخلي عنك هالكلام والقافلة تسير و ........ تنبح

ريـــــــــــمـــــــــــا

تكفيك مقولة أمك عن أي كلام آآآآآخر

صحيح في ناس جاهلين كثير بس لا تهتمين

صدقيني إذا انك بتحطين بالك لكلام الناس راح تتعبين

وخلي الامر عندك عادي

$$ مـــسـافــرهـ $$ · 27 Oct 2007, 09:31 AM

بصـــــــــــراحه أول مره أشــــــــــــــــــــــــــوف وحــــــــــده يسألونها الــــــــــــــــــنا س عن جنسيتها السعــــــــوديه
كثــــــــــــــــــيرأعرف بنات من قرايبي ومن صديقاتي في
الجامعه يدرسون دكتوراه وماجستير أو حتى دراسه عاديه بأوروبا وغيرها من الدول وعندهم الكثــــــــــــير من اللغات
ومــــــــــــــــــــــــــــلكات جمــــــــــــــــال
ماأحـــــــــــد يسألهم عن الجنسيه
أصلاالبـــــــنت السعـــوديه معروفه بكل مكان لأنها تتميز بوسع العينين وسواد الشعر والجمـــــــــــــال الطبيعي
بدون عمليات تجمــــــــيل ولا أحد يسألها إذا ســــعوديه وإلا لا ..........
إلا إذاكنتي شقرا وعيونك زرق هاذا عـــــــاد شي ثاني هههههههههههه
مع تحـــــــــياتي

بوح المشاعر · 28 Oct 2007, 08:42 AM

ريومه >> انا قلت انك مبدعه من الاول

وربي موضوعك حقيقه وواقعع 000

تثدقين ذكرتيني بموقف

ايام الثانوي .............

بنت جت تسالني >>>

لو سمحتي انت وش جنسيتك >>

؟؟؟؟؟
قلت لها

تكرونيه 000؟؟

؟؟؟؟؟؟؟؟؟؟؟؟؟؟؟؟؟؟؟؟؟؟

وربي تستهبل

>>>>>>>

بس لما سالتها ليش؟؟؟

قالت لا بس ابغى طريقه اكلمك فيهاااااااا

؟؟؟؟؟؟؟؟

سخااافه من جد

يعطيك العافيه ريوومه

ليدي الخط الساخن>>>>>>>>>> بوح

مفاهيم الخجل · 29 Oct 2007, 01:57 AM

كلام مبالغ فيه

طيب الي عنده لغات والي تدرس ماجستير والي والي

اذا قالوا لها انتي مو سعودية وش يصير يعني بتموت

ماريجونا · 29 Oct 2007, 04:30 AM

بسم الله الرحمن الرحيم

يسلمو ع الموضوع الحلو بختصر وجهه نظري

الموضوع بسيط وش لك فيهم خلي اللي يتكلم يتكلم بكيفه خلك وآثقه من نفسك وماعليكي ومايزيدك كلامهم الا ثقه بنفسك وبـ أصلك

وبعدين يمكن شافوكي حلوه قالوا أجنبيه خخخخخ

الله يحميك من عيونهم يارب

يالله

تشووشوو