][ قصة اسلام هاري بوتر ][


اعضاء محشش الاعزاء اليوم منزله لكم موضوع تأليفي جديد وان شاء الله ينال اعجابكم

تراي تعبانه على هالموضوع تحديداً واتمنى منكم التفاعل معه والردود الحلوه اللي تبيض الوجه

فلتبدا الحكايه

في يوم من الايام وكالعاده في نص الليل الكل سهران وجالس ويمكن الساعه كانت حوالي الثالثه والنصف

كنت انا واختي اللي اصغر مني جالسين امام التلفزيون في الدور الارضي والاهل كلهم في الدور الثاني

وكنت اتابع ام بي سي 4 برنامج اسمه 48 ساعه وكانوا جايبين قصة بنت عمرها 13 سنه وكانت تشتغل مربيه اطفال ومتهمينها انها قاتله الطفله اللي كانت تربيها

وقرروا انهم يسجنوها لمدة 8سنوات اي لما يصير عمرها 21سنه

وياحرام قصتها تحززززن شوي وابكي عالبنت لان مالها ذنب في قتل البنت

وحطوها الشرطه تحت الرقابه وحطوا على رجلها جهاز لو تعدت المناطق اللي محدده لها يرن الجهاز ويجون لها الشرطه

المهم وانا مندمجه مع قصتها والدمعه واقفه على عيني تنتظر الشاره عشان تنزل

ام بي سي جابت اعلان خلت دمعتي تطير وقمت اناقز من الفرح ونسيت اني شوي وابكي ع البنت ونسيت البنت وسالفتها من الاساس

الاعلان اللي خلاني انهبل ويجن جنوني ومااعرف من وراي ومن قدامي

كان كالاتي

ام بي سي تو بالتعاون مع العربيه تحقق لك رحلة العمر الى لندن و رؤية هاري بوتر والجلوس معه على نفس المائده والتنقل معه في مقرات التصوير

كل ماعليك هو ان ترسل كلمة "عراف" على الرقم المناسب لبلدك

وان لم تحضى لك الفرصه في الجائزه الاولى فهناك العديد من الجوائز الاخرى

انا ماعلي من الجوائر الاخرى انا طماعه ابي الجائزه الكبرى

اشوف هاري بوتر لامااصدق نيفر مستحيل ايمبيسبول

وتفحيط واخذ جوالات البيت كلهم وارسل الرساله علىىىى طول

المهم مرت عدة ايام وانا اتحلم بهالرحله والاهل يقولون لي احلمي على قدك يابنت

وانا ابداً اتطلع للاعلى ومتفائله جداً جداً

المهم مر شهر على السالفه وانا بعدي احلم

وفجأه ومن غير سابق انذار رن الجوال الا رقم غريب عجيب قلت يابنت ردي

اذا واحد يتلعب عطيه الوالد ومايقصر فيه واذا وحده تعرفني نبارك لها بالجوال

المهم اني رديت وكانت المكالمه كالاتي

انا : الو نعم
المتكلم : السلام عليكم
انا : وعليكم السلام
المتكلم : حنا نكلمك من قناة العربيه
انا : قناة العربيه !!! وش السالفه يابنت <<<قلتها في نفسي
المتكلم : ايه قناة العربيه
انا : لحظه لو سمحت
المتكلم : طيب
انا وفي نفسي وعلامات التعجب واقفه فوق راسي : قناة العربيه تبيني انا وش مسويه وش هالبلوه اللي انا سويتها ووش هالفضيحه اللي بنفضحها والله بروح شوربه لو يدري ابوي عن هالمصيبه بس انا متأكده ماني مسويه شي
المتكلم : الو يااخت وينك
انا : معاك خير ياخوي طمني وش السالفه
المتكلم : لاتخافي ترى مافيه شي السالفه ومافيها انك انتي راسله من هالرقم رساله للعربيه وربحتي جائزه انك راح تروحين رحله للندن وتقابلين هاري بوتر
انا : وشو انا لالالالا مااصدق
المتكلم : ومو هذا رقم جوالك *******053
انا : ايه هذا هو ماغيره
المتكلم : خلاص انتي اللي ربحتي المهم حنا راح نرجع ندق عليك لما تستوعبين السالفه

انا طبعاً ساااكته لاحس ولاحراك وكان مويه بارده نزلت علي

وجلست اعلم الاهل السالفه يااهل يااخوات تعالو سطروني عطوني كفوف عشان استوعب الموضوع

طبعا خواتي خذوها فرصه عشان ينتقمون مني وياخذون حقهم مني اللي ماكانوا يقدرون يحركون شعره وحده من شعر راسي >>>قويه وش اسوي في حالي

المهم وانا اتسطر يمين يسار ولاكان احد يحركني ابد

المهم بعد خمس ساعات وخمس دقايق وخمس ثواني وخمس اجزاء من الثانيه بالضبط رجع ذاك الرقم ودق علي انا وهو يدق جالسه ارقص على النغمه من الفرح
المهم رديت عليه

انا : الو مرحبا << طالعوا تفير الاسلوب دايركت من الو نعم الى الو مرحبا
المتكلم : مرحبتين
انا : حياالله تلفزيون العربيه لاتقولون غيرتوا رايكم وبتاخذون ناس غيري لااا مستحيل
المتكلم : لالالا اكيد لا مافيه غيرك المهم انا حبيت اتفاهم معك على الرحله والحجوزات والطائره وكل شي
انا : وانا مستعده لكل شي اذا تبوني من بكرا اسافر اسافر ماعندي اي مشكله
المتكلم : ههههههههههه ياحليلك يا .... الا وش اسمك
انا : روز
المتكلم: وين جاك عنك؟؟
انا : تستهبل حضرتك
المتكلم: لا استخف دمي
انا وفي خلجات نفسي : وراهم موظفين العربيه مطافيق وبعد برهه قلت له بشخصيه واثقه ومن دون مااعطيه وجهه طيب ياأخ
قاطعني بسرعه
المتكلم : مساعد اسمي مساعد
انا : ماحد سالك وش اسمك طيب متى الرحله ؟؟ لو سمحت خلنا في اطار العمل ؟؟
المتكلم: حاضر الرحله راح تكون يوم الخميس
انا :لاااا والف لااا تحديداً يوم الخميس مااقدر
المتكلم: طيب ليه ؟؟ ممكن اعرف السبب
انا : عندنا عرس ولد خالتي مااقدر
المتكلم : طيب طلباتك اوامر لو وحده غيرك اكيد راح نرفض بس عشانك راح ناجل السفره لليوم اللي تينه
انا وفي نفسي الولد شكله خق مع الصوت هذا وانا اتكلم طبيعي ولاني منعمه صوتي مثل هالبنات اجل لو اني منعمته وش صار فيه والا لو انه شايفني وش صار
طيب انا ابي السفره يوم السبت تفضل كلمني عن ترتيباتكم
والمتكلم : طبعا السفره راح تكون من مطار الرياض الى لندن وراح يكون موجود كادر الام بي سي ون لتصوير جميع الرحله وعرضه على شاشتها
انا : حلو ومن راح يروح من الكادر ياليت يروح معنا جلال شهدا والا حسن عبدالله
المتكلم :راح يروح كثير من الكادر وطبعا انا معهم
انا : طيب من ناحيتي انا
المتكلم : اذا تبين احد يروح معك مو مشكله رغم انه ممنوع لكن راح اتوسط لك
انا : لالالا ماابي احد يروح معي خلاص اتفقنا
المتكلم :اتفقنا ان شاء الله يوم السبت راح تشوفين سياره تتنظرك عند باب بيتكم وبتاخذك للمطار
طبعا انا سكرت الجوال من جهه وعلى طوووووووووووووول صياااح بالبيت
ياااأهل البيت الحقواااااااااااااااااااا
الكل جاني ركض وتفحيط
ياناس بسافر لندن بشوف هاري بوتر بطلع على شاشة الام بي سي
لاااا مستحيل ايمبيسيبول
والله لاصور معه في كل خطوه نمشيها والست مروه ماني مفرجتها ع الصور مسويه تقهرني ذاك اليوم جايبه صوره وحده لهاري بوتر
وولد خالتي بعد مابوريه ذاك اليوم اترجى فيه يعطيني الصور اللي عنده لهاري بوتر خلف الكواليس انا اوريه
والله لاقهر بنات المدرسه اخليهم يركضون علي ركض ومااعطيهم وجهه
المهم عدا اليوم على خير وانا من الفرح مو جايني نوووم ابد واجلس اتخيل حالي وانا اتمشى معاه والكل منقهر مني في البيت




وجاء اليوم المعهود
يوم السبت الساعه التاسعة صباحا
استيقضت بكل نشاط وحيويه
ولبست احلى شي عندي
واخذت شنطتي ونزلت للدور الاول سلمت ع الاهل وطلعت من المنزل والدمعه على عيني مسحتها واتجهت للسياره الكشخه اللي عند الباب
واذا بالسواق يفز ويفتح لي باب السياره
وركبت السياره واتجهنا نحو المطار
وصلت للمطار وبدأ التصوير والقنوات كلها موجوده عشان تصور الحدث الرائع
والله من جد حسيت حالي مهمه
واذا بالاخ مساعد جا


مساعد: اهلين وسهلين
انا : هلا فيك
مساعد : مبروك عليك الرحله وان شاء الله تعجبك
انا : يعني بالعقل احد بيسافر وبيروح لندن وبيشوف هاري بوتر ولاتعجبه الرحله
مساعد : هههههههههههههههههههه دمك عسل
انا : ادري معلومه قديمه
مساعد : طائرتنا الحين بتمشي وبتقلع تفضلي معاي
انا : طيب

توجهت للطائره الخاصه وطاقم الام بي سي معنا وانا اطالع الدول من فووووق ويااااي سفره لا تعوض
وصلنا للندن ووصلنا لافخم فنادقها وفتحوا لي جناح خاص لي ونمت نوووومه عمييييقه <<مسويه تعبانه من الطريييق

وصارت الساعه الحين صار توقيتنا توقيت لندن مو السعوديه
الساعه الواحده ظهرا بتوقيت لندن
باب الغرفه يطرق

مساعد من خلف الباب يللا يا روز بنروح لمكان التصوير
فتحت الباب :حاااااااااضر طيراااان عطني بس خمس دقايق اجهز حالي فيها وجايه لكم
مساعد :اوكي حنا ننتظرك تحت مع المترجم
انا : وشوله مترجم انا بلبل بالانجليزي
مساعد وعليه علامات تعجب : بلبل هااااا
انا : ياأخ للمعلوميه انا بالمدرسه مااجيب بالانجليزي الا 100 من 100واسال عني
مساااعد :اوكي صدقتك ولو
انا : يللا روح تراك عطلتني خل اعرف ازين حالي
مساعد في خلجات نفسه : انتي كذا قمر وشلون لو زينتي حالك وبصوت عالي قااال : ياااويلي قمر والله قمر
انا دخلت الغرفه وعدلت حالي ونزلت لهم تحت
يللا مشينا
مساعد : مشينا
وصلنا لمقر التصوير والا المح هاري بوتر من بعيد جاي
واصرخ واقول : هاااري بوتر دااانيال وووه ياويلي ويل حالي يجننننننن قمر
قرب لعندي وسلم علي

هاري بوتر : قود افترنون
انا وقبل ماينطق المترجم باي كلمه :قود افترنون
هاري : هو ار يو
انا : ام فاااين ام فري قود , هاو ار يون تو
هاري بوتر : فري قود
انا : هاري .. وي لوف يوم فري موتش ان ساوددي اربيا اند ويو واتش يوم اند ريدينق يور ستوري
هاري بوتر : وااااو فري قود
انا يوم شفته اتخربطت كل علومي ماعرفت ارضي من سماي وانا في داخلي اقول ياااقلبي عليك يادانيال تجنن
قلت بصوت عالي :فديتك وفديت نظاراتك ها لدويرات
هاري بوتر : وت ار يو سي ؟؟
انا : نوثيق
هاري بوتر : اوكي ليتس قو تو ذا لوكيشن اند تو سي افري ثينق
انا : اوكي
المهم جلسنا نتمشى انا وهو في مقرات التصوير وكان يعلني كل شي خطوه بخطوه وكنت اصور معاه ومع باقي الممثلين
وكانت رحله من العمر المهم بعدين جلسنا ع المائده الضخمه وجلسنا ناكل
من جد شي عجييييييب
المهم بعدين انا وهاري بوتر جلسنا نتمشى لحالنا
همس هاري بوتر همسه في اذني اللي خلتني اطير من الفرحه ومااعرف ارضي من سمايابتسمت في وجهه وقلت له : مي تو
تدرون وش قال لي هاري بوتر ؟؟!! قال لي : آي لوف يو روز
قال بصوت عال : اي كانت بليف يور ار ذا فريست قير انتير تو ماي هيرت روز اي لوف يو
طبعا انا استحيت ووجهي صار احمر اخضر بنفسجي
واخذني وركض فيني الى المصورين وقال لهم : اي لوف ذيس قير اند اي ونت تو ميرد هير
انا في داخلي : السالفه فيها ميرد انا قلت بس ابي اشوفه مو اتزوجه بعد بس يللا خل يكمل حبنا
اشرت له اني ابي اكلمه بعيد عن المصورين
ورحنا لمكان بعيد وقلت له : اي لوف دانيال فري موتش بوت اي كان ميرد يو
رد علي وهو منصدم صدمه قويه وبحزن واسى :واي ؟؟ واي يو كانوت ميرد مي
قلت له : بيكوز ايم موسليم ويو ار
قاطعني وقال : دونت كومبيلت اي نو ود يو وانت تو سي دونت واري اي وآنت تو بي موسليم جست فور يو ؟؟
انا وبكل فرح وسرور : ريلي
هاري : ريلي
انا : اوكي وي قو ناو تو سااودي اربيا اند اي تيك يو فور ذا ايمان تو بي موسليم هاري : ذيس از قريت ايديا اوكي ايام ابروفير (موافق), اوكي ليتس قو


المهم رحنا انا وهاري للسعوديه واعتنق هاري الديانه الاسلاميه وتزوجت منه
لو تشوفوا اشكال بنات العيله كيف كانوا مبسوطين لي لاني تزوجت الشخص اللي حبيته وحبني
اما اولاد عايلتنا كانوا مقهورين لاني خذيت من بره العيله ولاني ماتزوجت ولا واحد منهم
اما مساعد ياحرام يامساعد كسر خاطري كان يبكي علي <<<<وانتي كل الناس يحبونك ويبون يتزوجونك
وصار هاري بوتر من اشهر الممثلين عربيا وعالميا ودخلت معاه لعالم الفن وقهرت الست مروه قهره مو صاحيه

وتوته توته خلصت الحتوته حلوه والا فتوته

][جالكسي ][