مرحباااااا يالحلوين والحلوات والمملوحين والمملوحات والشينين والشينات <<مراعاه لمشاعر ميمووه

يالله تحيهم وتبيهم في كشتاتي

وهذي احلى دلة قهوه لكم




((صـــــــــــــور ))




هذي صوره لبنت الشيوخ ان اموت واعرف هي تضحك والا تبسي والا وش السالفه والا النكس مخيسها ماتسبح من ريحته
بس كله كووووم واللحيه الغانمه كومن ثاني ليتك محنيها :36_1_5:



اطول شعر في العالم يقولون انها هالطخمه نويس

شوفوا كيف تكد شعرها اذا وصلت للنص تخلي مزركشه تكمل الباقي :ar:

وهذي صوره نادره



هنا نويس تقف بكل براءه وسباكه وسقم وتعرض شعرها

والفتاه ودها تتسلق وتتمرج عليه ياللبراءه :redface:






من احدث واروع التطورات في الضيافه

يعني لو خايف يدك تنلسع من حرارة البريق حطه فوق راسك ماعندك مشكله

في هالدنيا نظام اسمه (اهم شي الاخلاق )




(( رمضــــــــــان ))

كيفكم مع رمزان ( رمضان) ان شاء الله تعبدتوا وجددتوا ايمانكم بذكر الله والصلاة وقراء القران

عارفين كيف الاجر يتضاعف والكل يبي الجنه الله يرزقنا وياكم يارب :redface:

احب اقولكم اني استفدت من برنامج في رمضان

من اروع البرامج اللي مرة علي وغيرت فيني اشياء كثيره

الاستاذ ( احمد الشقير ) في برنامج ((خواطر ))




أحب اشكره من كل قلبي ولو انه موب حولي

لكن مااقول الا الله يوفقه ويسهل له امره في طريقه الي الدعوه :redface:

انصحكم تشترون الـ dvd للي فاته حلقاته

صدقوني راح يعجبكم :s19:

((العـــــــــــــيد ))

عيدكم مبارك <<بدري <<من عمرك طال عمرك

(( كيف سيستمك في العيد :cool: ))<<< احتسي عربي ماحولتس احد


ابيكم تعلموني كيف نظامكم في العيد ؟؟ اي جدولك وترتيبكم وش حطيتوا وش سويتي

وش اطلق:th: عيد مر عليكم ؟؟

تصدقون ان جتني عيديه من ورعان اول اتفشخر وارز جيبي واعطيهم :rolleyes:

ولو ان مافيه الاريال وحلاو مصاص ومستكه بس يحمدون ربهم

لكن هالمره سبحان الله بقدرة قادر صاروا هم اللي صاروا يعطوني

طبعا مسويه مستحيه بالبدايه ولا خذته منهم بس يوم شفت اللي جواا العيديه وهم يقدمونها

خانتني يدي وعلى طول قفطتها منهم حركات هالمبزره مايلعبون :rolleyes:

لقيت حاطين ذاك الحلاوه اللي تدغدغ لسانك كنها ثوم تتفقع في فمك <<عرفتوه والالا يالتنوك

وحاطين لعبه جوال يغني ياطيبه :bi:طبعا خقيت شوي ولقيت قلم

<< مدري وش قصدهم يعني ادرسي وشدي حيلتس <_<والا هي موضة البزران """

مااقول الا يالبي قلوبهم وافدى خشومهم ولي عوده بنظامي

ان شفت منكم تفاعل كبيت سطولي واذا ماحولك احد <<الخامس الله لايعوق بشر

انتظركم حبايبي !!
عذووووووبه ’’’’

_ تمــــــت _