السلام عليكم ورحمة الله وبركااااته
حيا الله كل واحد بنكــــه
وشلونكم بشرونا عنكم؟؟
حصلت لي سالفة وهي اني كنت مسافر للـيابان طبعاً رحلة عمل كنت رايح ابشوف مصنع الكامري
لان راعيه عارضه للتقبيل
المهم اول مانزلت باليابان رحت يم راعي المصنع وجلست انا وياه المسكين محتاج ومضطر إنه يبيع المصنع
و انا وياه اكاسره و هه و شوي و تتم الصفقة
وبعده طلعت اتمشى بشوارع جزيرة "هوكايدو"
وانا اشوف ها كالشخص اللي ملامحه ماهيب غريبة علي
لابس سروال بردقاني و الفنيلة خضراء ولابس نظارات شمسية على إنهم ماعندهم شمس بس مادري ليه لابسهن المهم اقرب لمه ياولد منهو هذا مامنهو إلا هو لا ماهوب هو وشوي إلا والله هو ( بل غييتس ) كلكم تعرفونه أغنى رجل في العالم بعد سلطان بروناي
و اناديه بـــــــــــــــــــــــــــــــــل ( حشى والله ما صار اسم صار درس لغة عربية )خ
يا هوه يا غييــــــتس
لا تستغربون أنادي عليه كنا نلعب أنا وياه على رمل الشاطئ اللي في صحراء ربع الخالي ( مطيح الميانه بالحيل )0
ويلتفت لمي ويسحب النظارات على كدام خشمه ويناظرن من فوقهن
ويقول "بريداوي؟" وش تبي و وش جابك؟؟؟؟؟
أفا يا ذا العلم الرجال جحدن صرنا بااليابان ويومنا في ديرتنا دايم أسلفه الريالين حق الفسحة
بس وش نقول الزمن دوار ( ما لها دخل ) ههههه
ثم دار بيننا هذا الحوار
بريداوي : هه يا _بل_ نسيت إننا اصحاب !!
بل : إيه نسيت وابيك انت تنسى بعد
بريداوي : ليش؟
بل : انا خلاص صرت من اصحاب الاعمال و لي مكانتي ولا ابي احد يدري إني اعرف ناس مثلك
بريداوي : وشي اعمالك ؟
بل : مثلاً انا هنا جاي ابعقد صفقة!
بريداوي : منهي بنته ؟!
بل : يابن الحلال ماهيب بنت وبعدين انا ما اروح للسحرة
بريداوي : إييييييييه طيب وشي الصفقة؟
بل : صفقة سياكل "سياكل هنود" "وسياكل بزارين" وغيره
وبينما حنا نتحاور إلا ويطبون علينا الشرطة من كل جهة ويقولون " طنق بنق جنق"
صراحة بغيت اقاوم بس تذكرت إنهم يلعبون كاراتيه ومير اهون
المهم لفعونا وشقلونا بسياراتهم للمخفر ويحطونن بغرفة وبل بغرفة غير واخذو يحققون معنا
طبعاً عبر مترجم يترجم لي
المحقق قالي ليش جاي ؟
وعلمته اني جاي برحلة عمل و وريته جوازي وباقي الاوراق ومير يقتنع
قالي خلاص اطلع رح
قلت طيب ورفيقي " بل " وش صار عليه
قالي إن صديقك مخالف لانظمة البلد
( حاقدين عليه هم وعيوناتهم )
وشلووووووووون؟؟؟؟
قال إقامته مطوفة و لاجدده
طيب وشلون اشوفه يمكن يبي شيء
قال نبي نسفره لبلده وتشوفه هناك
و انا طالع إلا بل يويز من الدريشة
بالدور الثاني يقول بريدااااااااااااااااااااوي
لاتخلين لحاااااااااااااااااااااااااااااااااااالي
( صار الحين يعرفن ) ههههههه
ومير تطلع إيدين المحقق و يمسكه من غالوقته بيد
و باليد الثانية من عند شوشته ويسحبه للداخل
و من يومه ماشفه
إيه نسيت اقولكم إني سألت المحقق متى تبي تسفرونه
قال" طرنق سنك بنغ بنط"
عاد اللي يبي يدري متى يجي عليه الترجمه
لان المترجم راح قبل لايترجم لي هالجملة
"الــــــــــنـــــــــهـــــــــايـــــــــة"
"The End"
نشكركم لحسن الإصغاء و إلى اللقاء في الحلقات القادمة
إنتظروناااااااااااااااااااااااااااااااااااااااا
مغامرات بريدااااوي
اليوم
العرض العادي
