صورة الملك فهد ::رحمه الله:: محفورة بجبل صورة حقيقيه

البياع · 07 Jan 2006, 03:46 AM

السلام عليكم ورحمة الله وبركاته

كنا جالسين انا والشباب وواحد منهم يشتغل بمدينة الطائف بالسعودية

منطقة جبلية معروفة

يحكي لي ان واحد من زملائة وجد جبل محفور عليه كلمة لا اله الا الله وتحتها تاريخ 1370 >> مو متأكد من التاريخ

وكان يصور بالكاميرا وفجأه يوم كان يضبط الكاميرا على المكان بالجبل رأى ملامح وجه بقرب المكان في نفس الجبل على الاحجار

ويوم دقق فيها كانت صورة الملك فهد رحمه الله محفورة او منحوته سبحان الله

وصورها

ورجع وخبر زملائة وجائوا اليوم الثاني ووجدوها صورة الملك فيصل رحمه الله

يعني العالم استغربوا فعلاً !!!!!

فخبروا المشايخ والعلماء والخ ويقال ان وراها جن !! والله اعلم

زميلي راح للمكان وصورها بجواله وعرض علي الصورة

ولكن انا يوم شفتها قلت يارجال تمزح علي وشكلها فوتوشوب لكن حلف لي وقالي اذا مو مصدق نطلع سوا الطائف واوريك بعينك

بأترك لكم الصورة تشوفونها وتحكمون عليها ويادوب واضحه !!

اضغط على الصورة للتكبير واحفظوها بالجهاز وكبروها وبالجوال اتوقع توضح اكثر

وانتظر ردود اهل الطائف يخبروننا اكثر عنها اذا سمعوا فيها ....

وبالتوفيق

البياع · 07 Jan 2006, 03:53 AM

بنحاول نصورها بكاميرا ديجيتال حتى توضح الصوره اكثر

لان هذي مصوره بكاميرا جوال ويادوب واضحه

وبالتوفيق للجميع

بنت الرياض · 07 Jan 2006, 03:57 AM

مشكووور اخوي
انا اجربة الطريقة اللي قلتها وطلعة صورة الملك عبد الله

البياع · 07 Jan 2006, 05:00 AM

تسلمي خيتو وتقريباً هنا مثل ملامح الملك عبدالله

ولكن على الطبيعه تختلف اختلاف كلي وصورة الملك فهد رحمه الله

دايـــخ حشيـــش · 07 Jan 2006, 12:19 PM

سبحــــــــــــــــاان اللــــــــــــــهـ

مشكـــوور اخـــووي البيـــــــــــــــاااع

مروان؟؟ · 08 Jan 2006, 02:18 AM

اخوي البياع السلاام عليكم ورحمة الله وبركاته

حقيقة هذة الصورة اللي سمعته انها للملك خالد رحمة الله
وهي توجد بالسيل الكبير الطريق المؤدي للطائف من مكة المكرمة

وان شاء الله عما قريب راح اصورها واجيبها لكم موضحه..
طبعا لها قصة والقصة مختلفة من شخص لشخص..
والحقيقه غامضة

تحياتي

Lonly · 08 Jan 2006, 02:36 AM

سبحاان الله

والله شي غريب فعلا

بس ليش اختلاف جاء في الملوك فقط

يعني الاختلاف بين الملك فيصل وخالد وفهد رحمهم الله
والملك عبدالله على كلام اختي بنت الرياض
والملك خالد على كلام اخوي مروان

يعني انا ابغي افهم ليش جات على الملوك بس
والله موضوع عجيب جدا ونفسي اعرف حقيقته
وانا عندي احساس انه الحقيقه صعبه جدا

مشكور اخوي خالد على الصوره
وياريت لو تصوره اوضح من كذا
يعطيك العافيه