السلام عليكم ورحمة الله وبركاته

فيه أبيات تتردد على لساني كثير

بعضها من كتاباتي وبعضها لشعراء اخرين

منها


للشاعر سعود بن بندر

ياليتني بينك وبين المضره
من غزة الشوكه الى سكرة الموت

طبعا هذي انا احب دائما اهديها لأمي الله يحفظها



وللشاعر منصور الرمالي

أقولها وينك وانا اعرف وين انت
لاشك من زود القهر قلت وينك

وهذا البيت احب اردده اذا طرى علي جدي الله يرحمه ويغفر ه



ومن كلماتي

لاواهني القبر باللي سكن فيه
أكبر فخر له يحضن عظام جدي

يوم رحت ازور قبره الله يرحمه



ومن كلماتي ايضا

من يعشقك كثر عشقي يامهبوله
ومنهو اللي يعشق بقلبه طعونك


منهو اللي شاف بك طهر الطفولـه
ومنهو اللي حـالــف انه مايخونـك


منهو اللي يعشق العشق بأصوله
ومنهـو اللـي ذوقـك لـذة جنونــك

اهديها الى ملهمتي




من كلماتي

قالت أحبك حركت فيني احساس
يصعب على كل البشر يفهمونه


حب قديم مشيدينه على سـاس
لـو حاولــو العــذال مايهـدمـونــه


أنـا احبـه عــدّ شهقـات الأنفــاس
وأموت وأحيـا عـد رمشة عيونـه

الى من نطق بمشاعري





ومن كلماتي

ياأجمل من أجمـل ماخلـق باري الكـون
وأعذب من أعذب ما احتوته العذوبه


وأغنج من أغنج من تمخطر على هون
وغصــنٍ مـن الرقه ينومـس هبوبــه

شفت العسل من شفتك يطلب العون
ويـرجــي حيــاة ثانيــه بـك يـذوبـــه

وهي ايضا الى من كتبتها بوصفه




ومن كلماتي

ياللعجب وشلون دمعي عشقته
حتى مع الضحكه تباشر دموعيد


كاس الألم بيدين خلـي شربتــه
وانـا عطيتــه ماتخفــي ضلوعـي

اهديه لنفسي


ومن كلماتي

خلاص ابحرق صورتك والرسايل
وأغيـر الهاتـف اذا كـان يرضيـك


أبا اقطع لحبـك جميع الوسايـل
وأذبح قليب بالهوى كان يرجيك

الى من تعمد ازعاجي




ومن كلماتي ايضاً

أبسـأل اللـي بالخيـانــه خبيـريـن
هم جربوا حرة فراق الولايف ؟؟؟


وأجاوب اللي من وفاهم شقيين
وأفهق لهم عوج الضلوع النحايف

طبعا هذا اهديه لكل من قرأ موضوعي




ومن كلماتي


وش حيلــة اللي صايــرٍ بيـن مريــن
أحلاهن اللي يحرمــه لــذة الـروح


يصبّح الحسره ويمسي على البين
ولاعــاد له بأيامه السـود مصلــوح


ماعاد يرجي غيـر مدعوجــة العيــن
ذيك العنود اللي بها الزين مفضوح

وهذا سؤال موجه لكل من (يمرق من هون)




أرجوا من الله ان يحوز موضوعي على رضاكم وان ارى اهدائاتكم

أخوكم /طارق البراهيم العنزي