( . . قصة السفير وحبل الغسيل . . )

لكل منا بهذه الدنيا ذكريات جميلة وأخرى حزينة يمر بها أثناء رحلته بهذه الحياة . . وقد تكون بعض هذه الذكريات مؤلمة في بعض الأحيان . . وهذا النوع من الذكريات هو الذي دفعني لكتابة هذه القصة الجميلة والطريفة والمؤلمة نوعاً ما . .
أذكر إني كنت أحب اللعب بالدراجة الهوائية في البيت . . وفي يوم من الأيام جائنا عدد من ظيوف وهم عبارة بعض من الأقارب الأعزاء . . كنا نلعب مع بعضنا البعض بهذه الدراجات . . وبينما نحن نلعب بالحوش كان أمامنا حبل الغسيل . . فمر جميع الأقارب من جنبه . . غيري أنا إللي كنت حابب أسوي فيها ابو الفزعات وحابب اسوي فيها سواق وخطير وما في مني إثنين وأبي أجنب من وسطه . . وفعلاً هذا إللي صار ويجيكم أبو السفير مسرع ماشي 200 يبي يجنب من وسطه . . ويمسك فيني الحبل مع الغسيل مع الملابس مع الدنيا كلها وترفعني هذيك الرفعة إللي عليها العجب وتضرب فيني بذاك البلاط لين ما فصل الحساس عندي . .

. . ( الظاهر حبل الغسيل هذا تخصص مصارعة مبين عليه ) . .

المهم وعينكم ما تشوف إلا النور . . وما دريت إلا والدراجة طايرة فوق ونازلة علي . . طبعاً بالبداية المخ والإحساس والكهرباء والعلوم كلها عندي كانت مفصولة مثل ما قلت لكم . . ! وشوي شوي لين رجعت الحرارة ويوم بديت أستوعب القصة وبدء الدماغ عندي يشتغل . . قمت وما دريت إن في حديده بالدراجة إنغرست بساقي . . ويوم أقوم إلا وهي شاقة رجلي ذاك الشق إللي عليه العجب . . بذاك الوقت من جد طلعت مني الأصوات كلها بوقت واحد . . المعروفة وغير المعروفة . . السمعية وغير السمعية . . خلاصة الهرجة ودوني المستشفى وأخذت لي فيها 19 غرزة لأن عظم الساق طلع . . وكانت قصة لا تنسى . . ومن بعدها إعتزلت ركوب الدراجات الهوائية . . وصرت كل ما أمشي بالحوش واشوف حبل الغسيل هذا وأتذكر الذكريات المؤلمة إللي مرت علي معه أرجع على طول وبدون أي تفكير من الطريق الثاني عشان ادخل البيت . . المرة إللي فاتت مسك فيني وعطاني 19 غرزة المرة الثانية لإن مسك فيني ما أتوقعه راح يوديني المستشفى . . إلا راح يوديني لعزرائيل وجماعته وأنا باقي حابب أعيش حياتي كمحشش بمنتدى المحششين . .

والباقي لكم . .

[grade="8B0000 FF0000 FF7F50"]. . سفير المحششين . .[/grade]