بسم الله الرحمن الرحيم

السلام عليكم ورحمة الله وبركاته


قصيدة كل الحزن للشاعر محمد العتيبي ... أتمنى أن تنال إعجابكم




جتني وقالت لي بك القلب هيمان
وابشر بحب(ن) وافي(ن) طول الأزمان


عمري بعمر الورد واسمي أنا أفراح
وحان الفرح وإياك ومابيننا حان


قالت هويتك وأعشقك وآتمناك
ومابي أنا غيرك ولا أي إنسان


قلت اقعدي بروي أنا لك حكايه
قلت اسمعي يابنت في كان ماكان


كانت أميره ساكنه وسط قلبي
ومامثلها يابنت في كل الأوطان


كانت حياتي والأمل بين هالناس
وماكنت أشوف بقربها نوف وإيمان


لكن توفّت وارحلت واستراحت
من غربلة هالكون فيها والأحزان


ومن عقبها وأنا بحياتي أعـاني
وقلبي تولّع وأشعلت فيه نيران


القلب يصرخ يشتكي لسعة النار
بغيابها ثارت براكين ولهان


ومحد(ن) يجاوبني ولا يرثي الحال
ومحد(ن) سألني قال لي ليه زعلان ؟


ماغير حزني يزورني كل ليله
يحمل دموع(ن) سايله فوق الأوجان


هويت حزني قد ماكان وافي
وإعداد مااحتجته وجاني ولا خان


وقد ماقضيت الليل حسره وآهات
والنّاس غيري بين عازف وطربان


وقد الفراق ولوعته بين الأحباب
وقد ماحزنت وذقت هم(ن) وحرمان


يابنت أنا كل الحزن وانتي أفراح
روحي تنقّي مثلك إنسان فرحان