:

:

:

:

:

:

سلآم ..






الشعر هو ذلك الفن الاول في الثقافة العربية ويعتبر تراث العرب الثقافي وفخرهم الابداعي ، وللشعر لغة خاصة يتقنها الشاعر بالبحث والتأني والاختبار وانه كلام مخيل مؤلف من اقوال موزونة متساوية مقفاة واحيانا غير موزونة بشكل نثري ، والشعر لغة الشاعر فهي بالنسبة له الهدف والوسيلة وسيلة الرؤية والتجربة والقابلية على الاستحضار بشكل تتفجر معه المفردات موحية مثيرة مدهشة تحمل تراثا ضخما من الطاقات الشعورية والتعبيرية نتيجةلتفوقها على اللغة العادية بما تمتلك من روابط وعلاقات شعرية متداخلة منحتها له خصوصية الايحاء اذا الشعر قديم في الثقافةو العربية مثلما هومستمر فيهم ومعهم اذ عايش العرب هذا الجنس الادبي وألفوه ،



=-=-=-=-=-=-=-


ومثل مااتفقنا ان كل اسبوع نختار لنا شاعر ..




واخترت هالاسبوع ...





.. < فهــد المســاعد > ..







=-=-=-=-=-=-=-


ولد الشاعر فهد المساعد عام 1398 هـ في مدينة الرياض
وعاش 4 سنوات في مدينة الرياض لينتقل بعدها إلى مدينة الرمحيـة ثم
اكمل فيها دراسته الى المرحله الابتدائيه وانتقل بعدها إلى مدينة رماح
لاكمال دراسته .. وعند بلوغه السادسه من عمره انتقل والده إلى رحمة الله
وبعدها بدأ المساعد رحلته في البحث عن الذات كما يحب ان يسميها
فتنقل مابين جامعة الملك سعود معهد الإدارة العامة
طالبا ً وبين عدد من جهات العمل ليستقر به المطاف أخيرا ً موظف في
شركة الاتصالات السعودية ..

بدأ فهد بكتابة الشعر وهو في سن الـثانيه عشر من عمره
وبدأت دائرة الشهرة تتسع لدى فهدقبل خمس سنوات
عندما كان يقضي أحدى سهراته مع أصدقاءه ..
وفي أحد الليالي أستوقفه أحد الحاضرين وطلب منه تكرار أكثر من قصيدة
ليكتشف فيما بعد أنه الشاعر والصحفي / أحمد الفهيد
والذي كان صحفيا ً في مجلة شعر و فروسية حينها
و أخذ قصائد فهد ليقوم بنشرها ..


أول قصيدة نشرت للشاعر كانت بعنوان " دفتر أوجاعـ ـي "
نشرت باسم فهد السبيعـي

كما تغنت الفنانة الراحلة " .. ذكرى .. " بقصيدته الشهيرة ( المدينة و الغريب )
ويحتوى الألبوم على 18 قصيدة










=-=-=-=-=-=-=-=




يقول فهد المساعد عن بداياته : " في مجلة فروسة وشعر وجدت نفسي أقرأ أسمي لأول مرة على صفحات الجرائد والمجلات .. حدث هذا عام 1999 م عبر قصيدة ( دفتر أوجاعي ) .. شعرت أنني أولد مرةٍ أخرى .. شعرت أكثر بإن نصف أحلامي تحققت .. لا أتذكر بالضبط لماذا أخترت تلك المجلة .. الذي أعرفه فقط أن كبار وعمالقة الشعر كانوا يتواجدون فيها .. أحتفلت بتلك القصيدة كما يحتفل الصغار بالحلوى وهدايا العيد .. فرحت بها كما يفرح الأطفال اليتامى بالأبتسامات الغريبة " .




=-=-=-=-=-=-=-=





من قصايدهـ ..



الاســ ـــرار ..


يا رفيف الماء .. وفجر العيـد .. وأحـزان الموانـي يا أكثر أهل الأرض طيبـة قلـب .. وأسـرار دفينـه

المكـان اللـي هنـا .. مليـان ضحكـات ، وأغانـي والكلام اللـي بغيـت أقـول .. يحتـاج ل سكينـه !

شوفي الركن البعيـد هنـاك .. كنـه صـدر حانـي هـذا هـو اللـي يليـق ب شاعـر وبنـت حزينـه!

أنسـي الشـارع ، وعتمـات الـزوايـا، والمبـانـي هاتـي يدينـك نلـف الغـيـم ونشـكـل مديـنـه !!

عنـدي الليلـة كـلام وصمـت .. وأخـاف الثوانـي تظلمه .. أو تظلـم اللـي فيـه كـم ضاعـت سنينـه

بـس لازم تسمعـيـن الـلـي أبــي ولا تـرانـي لو بـ أعيده لك .. نسيت .. ورحت أقول اللـي تبينـه

شي واحد قبل ما أبـدأ .. مـا أبـي أي شـي ثانـي يخطر فـ بالك .. وأنا أكشف لك شعـور تجهلينـه !

إن أنا .. وبكـل مـا تحملـه "أحبـك" مـن معانـي كنت،وراح أبقى أحبك .. لين .. مدري وش هو لينه !!

بـس والله ماقـدرت أنسـى .. ولا همـي نسـانـي لا ذكـرت إنسـان .. فيـه أسـرار مابينـك وبينـه

كـل مـا تطـري علـي فكـرة هـواك الأولانــي أشعـر إنـي أنطعـن مليـون مـره مــن يديـنـه!

أشعـر إن عيونـك.. الله مـا خلقـهـا إلا عشـانـي كيف كانت تبتسـم لـه؟!.. قولـي إنـك تخدعينـه !!

صورة إنـه كـان يمسـح دمعـك .. تزلـزل كيانـي وكيـف كـان يلـم شعـرك .. ويتبعثـر فـي يمينـه

حتى اسمـك يـوم رحـت أدلـله .. حظـي رمانـي..بنفس الاسم اللي يقـول .. بذمتـك ماهـي غبينـه !؟

وكنـي اللـي .. كـل مـا أناديـك بالاسـم الفلانـي أطلـب النسيـان .. يتـرك منـه شـي تذكرينـه !!

لا تظنينـي أنانـي .. لا .. أنــا مانـيـب أنـانـي لو سلمت من الغرق أموت في ظهـر السفينـه!

يا إني ما أكمل وأعانـي .. أو أكمـل ثـم أعانـي..كل ما اسمع طاري اسمه .. أو تجي عيني في عينـه!

أينا كـان الضحيـه ؟.. وأينـا اللـي كـان جانـي ؟مـدري !.. ولكـن قـراري لازم إنــك تقبليـنـه:

مثـل مـا أكـره فكـرة إنـه واحـدٍ ياخـذ مكانـي ما أقدر أجلس في مكـان إنسـان.. كنتـي تعشقينـه!






=-=-=-=-=-=-=-=-



الطفل والمحارمـ ..



كــــان في وسط المدينه...
طفلٍ أكبر من سنــــينه..



والده مات بحنــــانه..
ولاقعد يندب زمانه...



صادق هموم الشوارع ..
يمسح الدمـــع ويصارع ..
طفل لكن كان بارع ..
مات ابوه وجا مكانه ...



يمسح أطراف القوايل عن جبينه ..
يبعد الشمس ويطاردها بيدينه..




طفل أحزانه معالم..
طيب وسمح ومسالم..



يمشي ويطوح بصوته ..
يبغى قـــوت أمه وقوته ..




المحارم....المحارم....المحارم ..
المحارم....المحارم....المحارم ..




ولا أقبل الليل ..ورحل وجه النهار ..
راح لامه مثل الأطفال الصغار ..



وأرتمى في ...حظنها ..
أرتمى في....جفنها ..
أرتمى في....حزنها..




وقامت امه تبكي لضيعة سنينه ..
وصـــــاح...يمه
ليه يــاعمري حزينه؟ ..
دمعتك يالغاليه والله ثمينه ..




تحسبين أني حزين؟ ..
لا..وراسك ما ألين ..
من لقى هذا الحنين ..
ينسى حزنه..
ينسى همه...
ينسى حتى العمر كله..
دامــــك أنتي تحترينه..




وفي صباح من صباحات الضياع ..
الحزن قدر يقول له الوداع ..




نـــــــــادت أمه...ماسمع ..
صـــــاحت أمه...مانفع ..
طـــــاحت أمه...مارجع ..




الصغير اللي ملى الدنيا صراع...
مـــــــات ....من كثر الوجع


=-=-=-=-=-=-=-=-



سحابهـ ..


جف الكلام ومـدت يدينهـا فـوق : .... أخترت هذي .. وأنت شف لك سحابه

قلت .. ويديني تحتضنها مثل طوق .. :أختـرت هـذي هـذي أكثـر رحابـه

هذي دفا صـوتٍ مـن البـرد مخنـوق هذي سـؤالٍ نصـف عمـري جوابـه

هذي هي اللي عرّفتنـي علـى الشـوق هذي قدر .. ماكنـت حاسـب حسابـه

قطعة حزن في جيـب بالـي ومشقـوق ومضة فرح في عيـون نـاسٍ غلابـه

أن سولفت فـي ثغرهـا لمعـة بـروق وإن سرّحت في عيونها صمـت غابـه

واليا اضحكت نورٍ من الفجر مسـروق واليـا بكـت تحـزن عليهـا الكـآبـه

حبي لهـا لـوأدري ان فيـه مخلـوق قدّ حـبّ مثلـه .. قلـت : "ياللغرابـه"

هالآدمي من وين له قلـب وعـروق؟!والصبر هالمسكيـن مـن ويـن جابـه؟

وأنـا أتكلّـم .. ردّت عيونهـا فــوق ثم تمتمت : من هي هالأكثـر رحابـه؟؟

قلـت ويدينـي تحتضنهـا مثـل طـوق فـي ذمتـي ماشفـت غيـرك سحابـه













هذا بعض من المســـاعـ ـد ..
ولاتحرمونا من اضافاتكم ...



.