["خواتي انا زهره العلا نقلت لكم طريقة خواتي في الكويت تمدحها وحدة من البنات وتقول انها مجربتها وهاذي معكم تحكي قصتها لكم وهي كمان ناقلة الموضوع في منتدى ثاني.............................................. ..............
]]منقووووووووووول للعضوه مزيونه وشقره من منتدى كويتي الله يجزيها كل خير بس انا مجررررربه الخلطه وطلعت فظيييييييييييييعه وتستاهل اني اكتبها وانقلها لكم مثل مااستفدت من الخلطه ابغي افيد خوااااااتي وحبيباااتي

الموضوع /// خلطتي الصابونية:والله بيـــاض على بياض فضيع للجسم ولون واحد وبدقايق _بالصــور

تحية طيبه وبعد,,,

عندي لكم خلطه صابونية خاااصه فيني من تأليفي عاااد أبي عليها براءة اختراع منكم اوكي

بنات ما كتبتها لكم الا و انا مجربتها وضامنتها لكم والله يشهد علي

بنات هالخلطة تعطيج بياض على بياض ونظافة حلوه ولون الجسم يصير منور وعجيب وبياض بتشوفينه فوري والله العظيم في دقيقتين بس

وطريقتها سهله وتونس وممتعه
والأشياء اللي نحتاجها مع فوايدها


1-صابونه الكركم ------------------------- ( تبييض+ نظافة+ تشيل الحبوب الدهنيه بالجسم )
2-صابونه الغار--------------------------- ( تبييض + نظافة وتشيل الحبوب وتصفي)3-صابونه البابايا --------------------------( تبييض + تشيل الحبوب وتوحد اللون)
4-ماي ورد غرشه كامله------------------- ( ترطيب نعومه تبييض)
5-ربع ملعقه كبيره كركم جسم ------------------------( تبييض)
6-ملعقة كبيره ملح خشن -------------------( تطهر الخلطة + نظافة)
7 -صابونة الجلسرين من نتروجينا اواي نوع من الجلسرين ( مرطب ومبيض + منظف)
8-ملعقة وسط نشا-------------------------- ( تبييض + لتماسك الخلطة)

والحين نبشر صابونه الكركم وصابون الغار وصابونه البابايا والجلسرين

نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون
نبشرهم ونحطهم في صحن بروحهم راح تصير عندج كميه من الصابون المبشور


نخليهم ونروح نأخذ جدر ضيج اشوي ما يكون كبير ونحط فيه ماي ورد كله و4ملاعق كبار مبشور صابونة الجلسرين وبعدين الكركم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه جنها عصيدة <<< طاااع التشبيه المهم


أي والله صج بيذوب وتتكون عندج الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي قفشه االنشا على طول واهيا حارة على الخلطة وحركيها عدل

وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله

طريقة استخدامها:
مع كل استحمام استخدميها اخذي كميه في ايدج وفركي فيها جسمج كااامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو

وبعد الحمام بعد ما تنشفين جسمج دهني جسمج في أي كريم مرطب للجسم عشان تزيد النعومه وترطبين الجسم بعد الصابون



يتبع,,,,,,,,,,,,,,

أنا زهره العلا خواتي قلتلكم الموضوع لأني شفت أقبال علية في منتدى ثاني واتمنى اني أفدتكم ياغالين
بنات منقوله وانا بعدى ماجربتها بس ناويه انشاءالله وحبيت افيدكم يلا ادعولى بالصحه والستر

:36_1_35::36_1_35: