وفاة مواطن في مركز شرطه.. وصمـت دعاةالفساد اعـداء الهيئه هنا وفي الصحف

صاروخ مشدود · 09 Aug 2007, 06:08 AM

بريدة - عبد الرحمن التويجري

توفي صباح أمس الأول بمدينة بريدة شخص سعودي في العقد الرابع من عمره بعد أن ألقت الجهات الأمنية القبض عليه.

وتتخلص الحادثة في أن هذا الشخص دخل لأحد محلات التموينات الغذائية وسط بريدة وهو بحالة غير طبيعية مما حدا بالعامل الاتصال على الجهات الأمنية التي حضرت للموقع مباشرة وفور مشاهدته للدوريات سارع بالهرب وسقط على الأرض ومن ثم ألقت دوريات الأمن ببريدة القبض على الشخص الهارب وسلمته لمركز شرطة بريدة الجنوبي، وعند وصوله المركز بدأ معه غثيان وتدهور في حالته الصحية مما استدعى نقله للمستشفى بواسطة الهلال الأحمر وقد فارق الحياة (رحمه الله هناك.

وبالاتصال على الناطق الإعلامي بشرطة منطقة القصيم المقدم فهد بن علي الهبدان أكَّد هذه الحادثة وبيَّن أن الإجراءات ما زالت جارية.

"

رحمه الله رحمة واسعه واسكنه فسيح جناته

اولاً لا نقول انهم قتلوه كما قالها اهل الفساد والحاضنين له كما قالها اهل الفساد واتهموا الهيئه ورجالها الافاضل عندما توفي مروج مخدرات مقبوض عليه من قبل الهيئه

سواء كتاب الصحف الذي عرف عنهم عدائهم للهيئه

او كتاب المنتديات

هي وفاة طبيعيه والانسان يموت في اي لحظه والاسباب كثيره

ونؤمن بان الانسان لايعلم اين ومتى وكيف سيموت

لكن سؤالنا هو اين هؤلاء الذين شنوا حملة على الهيئه عندما توفي فيها شخص في الرياض؟

لماذا لايحضرون الا للتزوير والادعاء على الهيئه؟

لماذا صموا وعموا عن وفاة هذا المواطن؟

اذا كانوا اتهموا الهيئه بقتل رجل توفي في الهيئه

لماذا لم يدينوا مركز الشرطه ويتهموه بقتل هذا الرجل؟

ام ان قضيتهم مع الهيئه لانها حاربتهم وحاربت افكارهم الفاسده؟

لا نلوم مركز الشرطه فالوفاة بامر الله

ولكن عجباً لاصوات النابحين التي تخرج فقط في مواضيع الهيئه بل وتتهم الهيئه حتى لو لم يكن هناك اي قضيه

وتصمت اذا كان الامر لا يخص الهيئه

لـعً ـيـوِنًـهِـآ · 09 Aug 2007, 07:03 AM

مشكوور اخوووي

ولي بااااااتس

قيصـــر الـروش · 09 Aug 2007, 08:08 AM

بلا مايهايطوووون على الهيئة واخطــــــــائها...

وهم بشر,,,لا نعصمهم من الخطـــــأ...

يشوفووون الأخطاء اللي بكل مكان....

والموووت ماعنه....والله لا يعاقبنا بما فعله السفهــــاء فينا..
مشكوووووووووور صاررروخ

صاروخ مشدود · 12 Aug 2007, 12:56 PM

مشكورين على المرور

مرسيدس هذول كل همهم خبر ضد الهيئه وبس حتى ول كان كذب

دلوعة البنات · 12 Aug 2007, 03:09 PM

الموت شي مو بيد البشر
بيد رب العالمين

اخوي صااروخ مشكور على الموضوع

الله يعطيك الف عافيه

صاروخ مشدود · 13 Aug 2007, 01:47 AM

دلوعه

شاكر لك ردك

اكليلة الورد · 30 Aug 2007, 08:55 AM

بسم الله الرحمن الرحيم
السلام عليكم ورحمة الله وبركاته اخويه صاروخ
موضوع جيد جداً الله يعطيك العافيه لكن
لكل موقع مهم بدوله اعداء وبذات الهيئه لانه سر امانناااا وامنن........
وهذااا........ الذي بيحربوا من اجل ان يفقدوا الدوله امانهااااا واستقرارها فا لينظرو ماذا فعل الله بشعب شرق آسيااااا وهذا لقلت الامرر بالمعروف والنهي بالمنكر في بلادهم قال تعالى(((كنتم خير امة اخرجت للناس تامرون بالمعروف وتنهون عن المنكر وتؤمنون بالله ولو امن اهل الكتاب لكان خيرا لهم منهم المؤمنون واكثرهم الفاسقون ))) وبعد الاعصار الي صار اخر مره ذهبو ا الدعوه لتلك البلاد وذهبوا الى تلك القريه التي ولم ينجو منها الا المسجد بطرف الاخير من القريه والناس لجات له لكن عندما بداو الدوعاه بدعوتهم الى دين الاسلام انظرو ماذا قالو ؟؟ لماذ لم تاتو من قبل لماذا تركتو الحملات التبشيريه التنصريه تعمل ذالك قبلكم والله لورايتم المنظر لتفطرت قلوبكم منه يروي احد سكان القريه وهو يعمل بجبل عالي يطل على القريه انه راى البحر يتغيررر في مده وجزره وذهب يلقي نظره على ابنائه وهو متزوج من امرأتين ووجدهم نا ئمين وكانها النظره الاخيره له وبعده ذهب الى اعلى الجبل مكان عمله وجلس ينظر للبحر واذا بالاعصار يبدأ وكل شيء تغيررر من حوله من قوة الاعصار وبعد نهيتهي نزل ليرا ابنائه ولم يجد احدن منهم الكل فارق الحياه وهم ليسو على دين الاسلام ...... اعتبروا يامن تعادون الهئيه نحنو خير امتن اخرجت للناس نامر بالمعروف وننهى عن المنكررر وهذا كلام الله تعالى وموقف صريح لا يحتاج لتفسير منااااا ......... جزية خيراً اخ صاروخ
اختكم اكليلة الورد

مطحس الفنزولي · 30 Aug 2007, 10:13 AM

موضوع موفق وذكي واستفسار في محله >>>>>> لاعدمناك يا رجل .

الاخت اكليلة الورد جزاك الله خيرا على غيرتك ونصحك >>>>

ملاحظة : اوردتي الآية بشكل خطأ فيرجى الانتباه و تصحيح للآية :

(كنتم خير امة اخرجت للناس تامرون بالمعروف وتنهون عن المنكر وتؤمنون بالله ولو امن اهل الكتاب لكان خيرا لهم منهم المؤمنون واكثرهم الفاسقون )

ميشيل · 30 Aug 2007, 03:12 PM

مهمآ حصل يبقى رجآل الهيئه اعلامُ يستنآر بهآ في الظلمآت ..

والموت حق .. وماهوب أحد معصوم من الخطأ ...

يعآفيك ربي خيوٍ ..

صحيفة سوابق · 30 Aug 2007, 07:11 PM

لالا رجال الهيئه لاهم يستنار بهم ولايحزنون !!

انا لو كنت ماشي في حال سبيلي وصادف مروري من شارع صار فيه تجمهر مثلاً وجات الهيئه وقتها والله اني انضف مع المتجمهرين سلام سلام !!

ولو اكتشفوا خطأهم في سحبي قالوا معليش الشر يعم والخير يخص !!

طيب كلنا عارفين ان رجال الهيئه في وقتنا الحاضر سلبياتهم بدت تفوق ايجابياتهم !!

والحين انا ارد عليهم واقولهم معليش الشر يعم والخير يخص !!

الحمد لله بتوفيق من الله ورحمتاً فيني كانسان ضعيف الله ماوضعني بين ايديهم وبطشهم في نصيحتهم حسب زعمهم !!

ولكن مشاهد الحياة اللي صارت امامي واللي سمعت عنها والموقف الوحيد اللي حصل معاي ومعهم كفيل بأني أواجه أي رئيس مركز للهيئه وأقوله ان ثلاث ارباعكم ماعندكم سالفه !!

الرجال اللي مات في مركز الشرطه هو اللي ينقال عنه انه بالفعل موته طبيعيه وماتسببت فيه الشرطه !!

خبرك يقول انهم ودوه المستشفى وقضيته كانت فقدان الوعي يعني مستحيل ان الشرطه استلمته تعذيب حتى وفاته !!
وخبرك يقول انهم ودوه المستشفى يعني ماقصرو !!

لكن اللي يموت في مركز الهيئه او مع رجال الهيئه تأكد أن أول شي بتشوف ملامحه متغيره من مكانها بسبب تعاملهم معهم .. ثاني حاجه بتجد انهم تأخروا كل التأخير الين ودوه المستشفى !!

صاروخ مشدود

اللي يده في المويه البارده مب مثل اللي ايده في المويه الحاره !!

انت اكيد ولله الحمد ماجاتك لسعات من الهيئه ورجالها وانت ماشي فوق الرصيف !! واسال الله انه لايوقعك بين ايديهم علشان لايجي يوم وتسب اللحظه اللي انت كتبت فيها هذا الموضوع !!

البعض من رجال الهيئه لو حققت في آخر عملية فاحشة لواط سواها بتحصل انها ماتزود عن الخمس سنوات !!

والبعض منهم لو حققت في آخر مره شرب فيها مسكر او استخدم منكر بتحصل انه ماتزود عن الخمس سنوات !!

.... الخ

مو معقول انه يربي لحيته ويقصر ثوبه وبعدها وبمقدار مدة سنه من الزمن تشوف يده تطول اول شي وجه الانسان البشر اللي الله كرمه وكرم وجهه !!

عمر بن الخطاب رضي الله عنه اللي اهو اكرم عند الله من رجال الهيئه اللي في العالم كله في وقت خلافته جاله خبر ان فلان يشرب الخمر .. وبدا رضي الله عنه يراقب فلان اللي يشرب الخمر وبالفعل تأكد ان فلان جالس يشرب الخمر في بيته جاء عمر رضي الله عنه ودخل على فلان وهو جالس يشرب الخمر دخل عليه من شباك البيت ...
فرد عليه الرجل وقاله ياعمر آت البيوت من ابوابها !!

فعفا عنه عمر رضي الله عنه وهو كله خجل من مافعل
وخرج من منزل فلان !! ( الله اعلم )

طيب قد سمعت ان رجال الهيئه دخلوا على بيت من بابه او بعد مادقوا بابه !!؟ طبعاً انا على عدد سنواتي اللي عشتها اكثر منك ياصاروخ وعلى عدد روحاتي وجياتي واختلاطي وسكناي في أكبر ثلاث مدن بالمملكه وبفترات طويله اني اقولك ماقد سمعت ان الهيئه دقت باب احد واستأذنته !!!

ولو منت مصدق كلامي .. اسأل نفسك ليش نزل قرار يمنع رجال الهيئه مداهمة البيوت بطريقة نقز الجدار !!

لو هذي مو عادتهم كان ماينزل قرار مثل هذا يثير البلبله على رجال الهيئه !!

انا ولد عمتي موظف بالخطوط ومتزوج من دولة مصر وعنده بنت عمرها 10 سنوات وحسب الحياة اللي كانت عليها امها عايشتها في مصر .. كانت البنت تروح للسوبر ماركت اللي هو مجاور وملتصق في مسكنهم بدون اي شي على راسها لاحجاب ولا غطى ولاي اي شي .. وفي مره من المراريت طلعت السوبر ماركت واهلها جلسوا ينتظرونها نص ساعه ماجت طلعوا يدورونها يبحثون عنها مالقوها !!!
وبعد ساعه الاربع جرس المنزل يرن خرج ولد عمتي ( والد الفتاة ) لقى بنته ومعها واحد بدقن مطوع ماسكها بيدها ..
دخلت البنت تبكي بسرعه وتوجهت لامها في قسم النساء في البيت .. وطبعاً الاب رحب اولاً بالرجال وضيفه وقاله وين لقيت البنت ( طبعاً بعد ماشكر المطوع بجميع انواع الشكر والدعوات ) ..
المهم اتضح ان هذا الرجال هو من رجال الهيئه ولما شاف البنت ومن وقت خروجها للسوبر ماركت اخذها وطلعها في الجمس وهو لحاله وجلس يحقق معاها امك تتغطى ؟ عندكم دش ؟ ابوك يدخل رجال في قسم النساء ؟ خالاتك يروحون سوق لحالهم ؟ ... الخ !!!

لمدة ساعه الا ربع مختلي مع البنت في سياره بلحاله وجالس يحقق ويستفسر عن اوضاع العائله والام وش تلبس ومادري وشو !!!

هذا دين في رايك والا تين !!!!

الله ماقال كذا !!! ولا قال اول ماتشوف المذنب امسكه ترفيع وركب وبقوس وبعدين روح حقق معه !!

كثير راحوا ضحية سوء فهم رجال الهيئه !!
منهم مات ومنهم جاته عاهه مستديمه ومنهم سمعته ساءت !!

تخيل انت تكون متزوج وماشي مع زوجتك وفي شهر العسل يعني كلك حب وشوق لها ونفسك طول اليوم عيونك ماتنزلها عن زوجتك .. وتكون على الكورنيش لحالكم ماجنبك احد وتكونون جالسين في امان الله وبجلسه مثل اي انسان يجلسها في مكان عام !!
ويجي جمس الهيئه ويوقف عندك وسين جيم .. ويسحبك على جنب يحقق معك .. ويسحب زوجتك ويسالها عن لون فراش السرير واي درفه هي خاصه لزوجك في دولاب غرفة نومكم !!؟ ولو زوجتك ومع ثقتها في نفسها وانها صح رفعت صوتها عليهم وقالتلهم من القهر انتم وش تبون منا ؟ روحوا اصلحوا انفسكم اول !!
كان بأذنك سمعت وهم يقولون لها اسكتي يا ( ..... ) !!!

وبعد مايتأكدون من انكم متزوجين قالولكم معليش احنا اسفين !!!!

ذيك الساعه ابي اشوف صاروخ مشدود وش بيسوي !!؟

صاروخ مشدود

انا اول واحد اطالب بوجود هيئة الامر بالمعروف والنهي عن المنكر ولكن حسب مانشأت من اهداف وغايات ..
وبتعامل يرضي الله ثم رسوله والمسلمين ..
نبي ناس يكون تفكيرها الاول وشغلها الشاغل انها تصلح وتنصح مب تسيطر وتتحكم !!!

الهيئه الان وبوضعها الحالي انا اشوف ان عدم وجودها أفضل وان البلد بتمشي بخير ونعمه حسب فطرتها ..

الف شكر لك صاروخ مشدود على موضوعك يابعدي

يسلمووووو

تشاااااو

وفاة مواطن في مركز شرطه.. وصمـت دعاةالفساد اعـداء الهيئه هنا وفي الصحف

التحشيش العام