هل تشعر بأنّك (مافي معلوم)..؟! :sa:


أحياناً أشعر بأنّي فعلاً مافي معلوم..
:sa:
وهذه الحالة تفسير لـ كوني حينها لا أعلم ماذا أريد.. :frown:

أسأل نفسي.. وش اللي عكّر مزاجك؟؟ وش فيك متنكد.؟؟ الجواب يكون مافي معلوم.. :frown:

أحد مزعلك ؟؟ أحد مضايقك؟؟ تبي تسوي شي معيّن ؟؟

مافي معلوم.. :frown:

يلعن أبو شكل الحالة المافي معلوميّة ذي كانت تجيني بس يوم الجمعة.. والحين صارت تطمر لي حتى بوسط الأسبوع.. :frown:

ذاك اليوم كنت طالع مع واحد من الأصدقاء وكنت مافي معلوم.. واكتشفت بعد شوي إنه حتى هو مافي معلوم..

قلت ياليل الليل الحين أنا أبي أطلع لأني مافي معلوم يقوم يطلع حتى هو مافي معلوم.. خفت تمسكنا الجوازات وقتها.. اثنين مافي معلوم يتجولون في شوارع الرياض وهم مافي معلوم.. :frown:

عاد جينا نبي نسولف .. مافي معلوم وش نقول لأن كل واحد فينا كان مافي معلوم وش يبي.. :frown:

كنا مافي معلوم وين نروح.. :frown:

وكنا مافي معلوم وش نبي.. :frown:

وكنا مافي معلوم هو حنا متضايقين ولا لا.. :frown:

وكنا مافي معلوم حنا جوعانين ولا لا..

وكنا مافي معلوم هو السبب إن الحساب في البنك مافيه إلا 500 ريال ولا لا.. :frown:

وكنا مافي معلوم هو السبب إن تحويشة العمر طارت في الأسهم ولا لا؟ :frown:

ولا كان السبب إننا مابعد سافرنا ؟؟ :frown:

لكن توصّلنا أخيراً للإجابة اللي انتظرناها طول الثلاث ساعات اللي كنّا نفكّر فيها..

الإجابة كانت بكل بساطة.. مافي معلوم.. :frown:

عادي ياجماعة وش فيكم انتم؟؟ تناظروني كذا؟؟ ولا أنتم بعد مافي معلوم؟؟ :frown:

إلا باسألكم.. أنتم تجيكم حالة المافي معلوم هذي؟؟ :frown:

ووش تسوون إذا جتكم؟؟ :frown:

لحد يقول لي مافي معلوم.. لاتصيرون قلّوديّين.. :frown:

مع تحيات شنتر المافي معلوم.. :frown: