تدري وش اللي يجرح القلب جرحين
ويمد حبـل الحـزن فيـك ويشـدة

انك تناظر طفل مـن غيـر ابويـن
يمشي ودمعـة سايـل فـوق خـدة

منظر صعيب ويقسم القلـب قسميـن
لا قـام يمسـح دمعـة بكـف يـدة

يمش ولا يدري طريقة علـى ويـن
لين التعب من كثـر مـا تـاه هـدة

اثقل حـروف يشيلهـا فيـة حرفيـن
لا أب يـدريـبـة ولا أم تـــردة

في خطوته رحلـة ودمعـة وسكيـن
وحـظ توسـد بالمراسـي مـخـدة

جيت اسألـة بالله قللـي ولـد ميـن
وبغي يجاوب وختنـق صـوت ردة

أنـا يتيـم ومـا لدربـي عنـاويـن
وجزر الحزن فينـي يسـاوي لمـدة

وطعم الطفولة ما عرفته لهـا لحيـن
وثوب السعادة صـرت مانيـب قـدة

ابكي إلى من شفت غيـري سعيديـن
ليـن البكـا فينـي يوصـل لحـدة

واقفي ورحت امسح دموعي من العين
وعيني تناظـر دمعتـه فـوق خـدة

وهذا اللي يجـرح القلـب جرحيـن
ويمد حبل الحـزن غصـب ويشـدة

منقول ..

نقل رائع أختي ولكنه مكرر ...

تسلمين على مجهوداتك ...


ننتظر جديدك ...

شكراااااااااااااااااااااا

يسلمووووو ع القصيده

..مشكوووووووره..
و تسلم ايديك..
بصراحه كلامها مؤثر..

بالعربي (تخلي اللي مايبكي "يبكي")..

مشكوووووووووره بصراحه كلمات اروع من رائعه ولو دل هذا مايدل الا على ذوقك الرائع يعطيك الف عافيه ما قصرتي

بنوتة الخبر

والله العظيم انها رائعه وحزينه

وشاعرها حرك مشاعرنا

الله يخلي لنا اهلنا ويجبر على من فقد أحد أبويه

أشكرك على النقل

أخوك ،،،