مساكم الله بالخير .. شالأخبار؟

اليوم وأنا قاعد قدام الجهاز وأهوجس شلون أقدر أوصل لأحد المشائخ بأسأله سؤال في زكاة المال

وإذ بأحد زملاي فجأة يدخل الماسنجر (تنننن) << هذا صوت تسجيل دخوله

المهم وأطب فيه على طول أقوله عطني رقم أي أحد من المشائخ اللي يردون بأسأله بهالخصوص

ماجاوبني الرجال .. بس نسخ لي هالكلام



الخط الساخن...خط هاتفي على مدار العام وطيلة أيام الأسبوع، مخصص للفتاوى والاستشارات، يستضيف فيه موقع (الإسلام اليوم) كل شهر جمعاً من العلماء والقضاة وأساتذة الكليات الشرعية من الساعة 4.00 ـ 11.00 مساءً بتوقيت مكة المكرمة، وذلك على الهاتف رقم:

96612089999+

وأدق على الرقم وألقاه مشغول .. رجعت لزميلي أقوله الخط مشغول شكله بيبتل كذا

قالي لا .. لزّم عليه (يعني على الخط) وبيردون عليك

استمريت أدق بشكل متواصل إلا ويشبك معي الخط ويرد علي الشيخ على طول .. طبعاً سألته 3أسأله وجاوبني الشيخ جزاه الله خير

بصرااحة فللللة .. طبعاً اللي ظهر لي أن الثابت يحوّلونه على جوال الشيخ اللي عليه الفترة يرد على الاتصالات .. لأنهم مخصّصين وقت محدّد لكل شيخ .. وهالشي فهمته من الجدول اللي حاطينه بموقع الإسلام اليوم .. كل شهر وكل ساعة في هالشهر تنزل أسماء للمشائخ اللي يردون على الفتاوى

وهذا رابط الموقع الإسلام اليوم-الخط الساخن للفتاوى والاستشارات

طبعاً الخط فعلاً ساخن .. فأنصح اللي عنده شي بيسأل عنه لا يطوّل الحكي ويقعد يسلّم وكيف الحال وأحبك في الله ياشيخ ومن معي وممكن أكلم الشيخ.. تراه مو بالمقلّط ينتظر أحد يحوّل له الاتصال .. لا هو اللي يرد بنفسه.. يعني اختصر لأجل غيرك يقدر يسأل ويآخذ الشيخ راحته بالرد على اللي يتصلون سواءً كنت أنت أو غيرك

مكــــــــــــــرر