][ أحــــــــــــــــــــراجاااااااااات للنعـــــــــــــــــله ][

عـــــذاب · 18 Jul 2007, 11:35 AM

اموره وحلوه وكتكوته ياحبيبتي اقمل بنوته

بتحب باباه ومامتها ولا مره تخاصم صحبتها

وعشان غلاوتها ورئتها بسهر وبحكي لها الحتوته

كان في زمان وزمان يامكان زي بنت جميله زمان <<<تراها ماحرفت في الاغنيه

بالله ماتخقق هالاغنيه

<<<<<الزلايب على جنب

تراني كنت بحط رابط الاغنيه بس على شحم ناقصه ذنوب

هههههههههههههههههههههههههههههههههههههههه

هالبنوته تعرضت للاحراج للنعله

<<<اووما اللي علمتس الاسلوب

تمر علينا في حياتنا العلميه والعمليه مواقف محرجه للنعله احراج ولا اروع

ولا تهون مدرسيتي اللي في الابتدائبه <<<مانست من هالخباثه اللي فيها

يااني تفجرت ضحك يوم اني في 2\ب

اذكر مره كانت مدرسة الرياضيات تنافخ علينا لاننا مسوين ازعاج وقروشه

المهم تجيب ذيك المسطر الخشبيه <<<حشا عجره اوب مسطره سطروها العبيد

وتخبط فيها ع طاولتي لا ني قدام في الاول لان طولي ساعتها شبر واصبعين

اقسم بالله حسيت انها يهوديه وانا فلسطينه

<<<من علمتس التشبيه

المهم قمت ادق السامري من الروعه طبعا مع هبوب هوا المسطره خلاني تسذا

المهم وهي معصبه الله يصلحها تجلس بقوه على الكرسي والكرسي من النوع اللي يتصف

المهم ينصفط عليها ذاك اليوم وهي تخبط على الارض وانا مدري اصيح من روعة المسطره والا افطس ضحك

على شكل المدرسه هي وشوشتها اللي تلاصقت في خشتها <<<الزبده تفجرت ضحك عليها

بس والله رحمتها احراج وبقوه لو اني في مكانها ماعاد ادرس بتقاعد <<<برا واللي يرحم امتس

وفيه بعد موقف ثاني

<<<اخلصي ع المسلمين

مرتن من المراريت كنت اسولف عند مامي واهذر عليه وهي تعفط خشتها

انا على بالي مستانسه اني اسولف عليها اثاريها ياخلفهم حايمتن تسبدها وتبي تزحلقني ؟

قالت روحي اسئلي اخوانتس يبون الغداء الحين والا لا؟وانقز تسني غزال

فاصل

غزال ومايصيدونه مالاحه سهم صياد
يصيد بنظره عيونه هيهات وحلم ينصاد

ترى هالاغنيه مكتوبه علشاني

عدنا

المووووووهم

واجي وادورهم بالملحق حق الدشره مالقيتهم ؟

غرفتهم بعد مالقيتهم؟

قلت هاااااااااو

وينهم هالتيوس ذالفين فيه

اكيد في المجلس

دخلت وانا اتميلح واقول وجع وش تسون فيذا

وكل واحد طييير عيونه فيني واحدمنهم مناخره وصلت اذنيه

قلت هيييه ماتسمعون تقول امي تبون غدا

واحد منهم قام وجاء عندي وسمعت احد تنحنح ويوم قزيت زين واشوف هالقمر حاط رجل على رجل ومشخص تدرون من صار؟

صديق اخوي ياويلي ويلااااااااااااااااااااه (وجه عيونه حولا من الروعه)

واحط رجلي موب من الحياء لاوالله بصراحه فله

بس قمطت من عيون اخوي فهد ويلحقني ولا ردني الا حظن مامي وينادي ماحوله احد

بس احس اني ذاك اليوم مابغيت الغداء خقيت معه العن ابو بليسه يجنن لا واسمه خالد

ياويل قلبتس يا لنوري

انا افدى خشمه

هههههههههههههههههههههههههههههههههههههههههههههههههه ه

بس الحمد لله اخواني ماعاد جابوا سيره للموضوع مايبون يحرجوني

<<<<<<<<هذي البنت مابه احد ماشاف خشتها

تدرون ليش لاني حريصه على الستر بس الايام خانتني <<<احلفي

<<<والله <<ماتعوق

ومره من المرات اللي توها قبل شوي مخلصه

اذكر كنت اسبح في المسبح وكانت بنت خالتي تقول بعلمتس وشلون تطبين صاروخ

وأنـا كـل شـوي أقـول لـها عديهـا آخـر مـرهـ

< قـامطه للنعلـه

المهـم يوم جـاء فـي الخـامسـه وجـت بتسـويهـا وهـي اللـي تنزلــق وتطيـح علـى خشتها

مسكينه انحرجت من اللي الجمهور اللي يتفرجون عليها

وبس ,,

هذا من المواقف المحرجه للنعله واذكر فيه مواقف لي وبنت الشيوخ المفهيه لبي قلبها ماتنسى

ان شفت تفاعلكم سدحت مواقف اكثر واكثر <<<<<تسمع بالتشويق

يالله عاد ابي اشوف مواقفكم او مواقف احد مر عليكم في حياتكم ياحياتي

اسدحوها هنا نبي نضحك وكذا

لكم كل التقدير والاحترام \

عذااااااااااااااااااب’’’’

عذوووووووبه

ملكة الحب · 18 Jul 2007, 11:41 AM

ماااافهمت شي يعني إيش النعله ..

عـــــذاب · 18 Jul 2007, 11:47 AM

هههههههههههههههههههههههههههههههههههههههههههههههههه هههههههههههههههههه

اقري الموضوع طال عمرتس وتفهمين

المقصد للنعله <<<لاخر درجه

ههههههههههههههههههههههههههههههههههههههه
ههههههههههههههههههههههههههههههههه

سحووووبه · 18 Jul 2007, 12:14 PM

ياسلالالالالالالالالالالام هههههههههههههههه

اما احراجااااااااات فله مراااااااااااااااااا

والله فلهـ

وبعدين وش معني للنعلهـ << حرام لازم في كل موضوع اسئلك عن معنى راعي شعوووري ههههههههه

يسلموووووووووووو قلبووووووووووووو والله لك وحشه قووويهـ

لاعدمتك

عـاشـقـهـا · 18 Jul 2007, 01:30 PM

ههههههههههههههههههههه ..

اووومااا حقت المسبح ياني تفقعت ضحك

<<< عجبته مرتن من المراريت

المهم آقوولك سالفتي اللي هي من جد إحراج للنعله

مره ابوي الله يطول بعمرووه يناديني وانا منلطع "جالس" فووق بغرفتي

وجالسن ينادي ابوي مدري وش به معلق

طبعاً يعصب لو ينادي وماجيت بسرعه

اثاريه يمزح وبالصاله اهلي كلللللهم

وانا جاي مااشي مدرعم ونازل من الدرج وتتصافق رجوولي

وتروح اووم الوزززنيه خخخخخخخخخخخخخخ

وآطيح من الدرج وماتشوفون الا سيقاااني فوووووق

واخوي البجيح " صيدلية حشيش "

تراك طحت من الدرج تدري ؟

<<<< يفقع المراااره

وهذي السااالفه خخخخخخخخخ

يسلموووو خيتووو ع الموضووووع الروعه

سيوووو

~{ ﺎلمًلٍڪْيً ..! · 18 Jul 2007, 02:07 PM

صراحه موضوع كلام ثاني روقــاان ..

واحلى موقف الي ضحكت عليه ..

حق المسبح اجل دبست على خشته المسيكينه خخخ ..

وانا بقولكم موقف صار لي محرج ..

=========================

هـذا يا طويلين العمر والسلامه .. << ماتعرف تسوق ؟

كنت في مباراة مع المدرسه رايحين لمدرسة ثانيه ..
الكلام هذا بصف ثاني متوسط

وانا داخل حماسي واللعب والمهارات الي قاعد اسويها ..
<< ارحمنا يا ياسر القحطاني ..

المهم صار بوه فــاول..وتخبرون بما اني انا صاحب
الضربات الثابته بالفريق << لا يا بكهام ..

المهم وانا واقف وقفتي السحريه وقاعد اشوف للمرمى ..
وقاعد اوزن لي الزوايه .. ناوي احطها بالثمنيات ..

المهم صفر الحكم .. وانا متحمس جاي بشوت الكوره ..
الا وانا زالق على ظهري .. اقولكم عصعصي رااح
<< المسكين قعد يصرف يقول وشرايكم بالحركه

المهم ما سلمت من التعليقات والضحك .. عاد قمت وشتت الفاول ..
بس ما جبته هدف
<< مهو منك من عصعصك خخخ

=========================

هــذا هو الموقف اللي من جد إحرااااااااااج ..

صحيفة سوابق · 18 Jul 2007, 04:22 PM

خخخخخخخخخخخخخخخخخخ

الله يرجك رجاً مبرحاً خخخخخخخخخخخخ

انا ضحكت على اسلوبك اكثر من المواقف خخخخخ

بسالك انتي دايم كذا تدربين درماحك وتدخلين الغرف والمجالس بدون ماتنتبهين من فيه ؟ :(

********

انا بقولك موقف صار معي له رابط بالنعله

كنت مواعد واحد من الشباب انا بجيه في الرياض هو ساكن في حي الملك فهد
او المصيف المهم انه جنب سوق الخضار وبنده :)
والكلام هذا قبل 10 سنوات تقريبا يعني الحي توه جديد ومافيه عمار غير قليل ..
المهم كلمته وقلتله جايك الليله لكن تاخرت على الرحله وحجزت من ثانيه <<< عنده واسطه

لكن قلت بخليها مفاجعه ومابقوله متى رحلتي

المهم وصلت تقريبا 3 الفجر والرياض برد بجد برد
واخوكم في الله لابس بس ثوب وغتره بيضاء
بدون جاكيت ولا شي
وقفت اللموزين عند البيت حاسبته ومشى
دقيت باب خوينا مارد ادق ادق مارد
ادق جوال ماهناش

قلت بس الرجال اكيد نام مالي الا اروح لبيت عمي
وطبعا بيت الرجال ماعنده لموزين اصلاً شمال الرياض
انسى لموزينات او سيارات من بعد 1 الليل

مشيت على رجلي مسافه يمكن تقريباً 5 كيلوا
علشان اوصل للشارع العام ..
ويوم وصلت انتظر انتظر مافي ولا حتى قطو مر من الشارع

قلت ياولد ارجع لخويك ودق مره ثانيه يمكن يصحى على صوت الجرس اقوى من صوت نغمة الجوال

واجي راجع واشوف طريق مختصر من بين اسكان نص بناء وظلام وتراب وحاله شي
قلت ادعم ياولد مافيك حيل 5 كيلو
واجي مدرعم وبردان وانا في نص الطريق المختصر الا اسمع صوت 2 كلاب الله يكرمكم
جايه ناصيتني كني انا اللي خليتها كلاب

شاورت عقلي في لمح البصر ياولد اثبت وخلك راكد يقولون لو ثبت تروح عنك الكلاب
والا انحاش ونص الشجاعه النحشه !!
والا وش اسوي قلت ياولد مالك غير النحشه وخلك من علوم القبايل
واحط رجلي على اقرب منفذ وشايل نعالي تحت باطي
وماسك غترتي في ثمي خخخخخخ
وبعد 50 متر لقيت الكلاب الله يكرمكم جابتني في السرعه
عاد صحيفوووه ابو الافكار قال انطل نعالك يمكن يخف وزنك

ومنها استفيد اني ارجمهم بالنعال خخخخخخ
وبالفعل ذبيت عليهم نعالي

لكن فيه شي غريب صار الين الحين مالقيتله تفسير !!

ليش لما ذبيت نعالي للكلاب الله يعزكم وقفوا وتركوني
واكتفوا بالنعال !!!

ومالكم بالطواله

طبعاً رجعت لخويي ومن قوة الحقد على الكلاب والنحشه وعلى خويي اللي صفني ومن قوة قهري على نعولي :(
ايه وش اقوله ؟ تعال جب نعولي انا انحشت من الكلاب !!
طبعاً لاء <<< مسوي قوي عند اخوياه

قلتله وقفت عند مصلى بصلي العشاء لانه طافني وانسرقت نعولي

بس خلص موقفي <<< احلف

تشاااااو

روعـــة الكون · 18 Jul 2007, 04:52 PM

ههههههههههههههههههههههههه

والله تنكتووووووووووووون اسلوبكم شييييييييي

لـعً ـيـوِنًـهِـآ · 18 Jul 2007, 05:01 PM

احراااجااااااااااات فلـــه روووعه

ولي

باآآآآكـ

والنعله تعبيرر روووعهـ

خخخخخخخخخخخخ

^الدلع له لون^ · 18 Jul 2007, 05:49 PM

ههههههههههههههه
عذاااب الله يرج اباليسك

اجل دخلتي عند خالد
والله انتي اهون مني

شوفي الاحراج اللي من جد

انا واختي متحمسين جايين من برا البيت

وندخل المجلس والا فيه واحد يشبه عمي
وانا وياها نشاور بعض هذا عمي ولا لا

والرجال منزل راسه واخواني يطالعون باستغراب

والا استوعبنا بعد عشر طعش ساعه ان هذا الرجال غريب

خخخخخخخخ

لا والفشله الصدق انه طلع شيخ المسجد
يلعن ابو الفضيحه

يسلموووو عذاب بانتظار جديد الفشلات

وانتي بعد انتظري فشلاتي
<<دايم تتفشل

][ أحــــــــــــــــــــراجاااااااااات للنعـــــــــــــــــله ][

صدق او لاتصدق مواضيع مميزة من المنتدى