الشخصيات :

حصيصه : بطلة السالفه وراعية الرنج R

نوير: راعية بر وقنص ومعها هايلكس 2003

سوير: عربجيه حاره وفزعتهم معها اوبل

هيناس : محل تصوير في الرياض

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ<<<

هذا الموضوع حبيت يكون خاص في سواقة البنات وش يبي يصير اذا ساقو <<

والبنات لهم اشكال في السواقه وعشان كذا بطلة السالفه الانسه (حصيصه)

الي تعتبر احسن طاره (يعني تعرف تسوق ) في الحاره , طبعا حصيصه هذي بعد ما نجحت وتخرجت من

الثنويه طقتلها امها موتر يحبه قلبها من النوع البناتي وعلى طول طارت لمحل الغرابي بتركب انواع

زينه من تظليله موف و جنوط فوشيه وانصدمت بأن كل هذي الأشياء مو عندهم ورجعت بعد ما هاوشها العامل حق الزينه

انت في مزنونه ( انبسطت تحسبه يقول مزيونه)في فكر كولو زينه سيم سيم ميكب يالله روووه مافي تزليل مافي زنط

(جنط) لين بغت تزنطه من القهر , بعدها قررت حصيصه انها تسوي الي ما يتسوى وانها تثبت رجولتهاوتنسف شعرها

وراها وتقلبها سامري وتفحيط في شوارع الرياض راحت أقرب محطه وعبت فول (لو لراحت اقرب بوفيه وعبت فول

ارخص)المهم مرت خوياتها من الحاره وركبتهم وراحت تدور في كل طريق وتشطف اللموزينات وكل لفه لازم تزحف بالموتر

وخوياتها يتراقصون في المرتبه ورا ( بطول بالعرض حصيصه تهز الارض ) << بالطول بالعرض محطات تهز الارض >>

وبعدين شافهم مجموعه شباب واعجبهم الوضع وقامو بالمطاردات من شارع لشارع ليييين حجروهم في سكه ضيقه

بين سيارتين عاد الشباب بيتحرشون فيهم ومادرو الا وحصيصه تنزل ومعها مفك العجل وعصا العفريته وترميهم على

قزازتهم الي انكسرت ويوم شافتهم بينزلون قامت تأشر لسياره جايه وخافو تعلم عليهم وتتتهمهم بالمحارش و علطول

انحاشو ويوم وقفت السياره قالت حصيصه مابي الا سلامتك ياوجه العنز <<هذا جزاه الي يوقفلها >> شف هذولي

يحتكون بي تفاهم معهم وراحت وركبت سيارتها وفحطت وقتها دق جوال حصيصه وصارت خويتها نوير راعية الهايلكس

تقولها انها بتكشت بالثمامه ومعها العده كلها الاخت مركبتلها شنطه في الصندوق حقت بر وحاطه فيها مكياج ومناكير

وسشوار وحاطه دافور (حق الغاز الي ولعون به النار ) لونه زهري وعلمتهم انها تستناهم هناك وحطت الرواق وكل شي

وقالت حصيصه يله نروح وتدق على سويرالعربجيه وقالت لها تجي معها البر وهم بالطريق معهم الرنج روفر سقطت

عليهم كامري تسوقها وحده وشطفتهم وعطتهم غمزتين بالاشاره (يعني بدري عليكم )وتنجن حصيصه وتمعط شوشتها

من القهر وتكتم لام الدعسه ويالله قعدو يتساقطون على الدائري وكل ماوصلو جنب الكامري قامت سوير وطلعت راسها

من القزازه وتقعد تطلع لسانه ومادرو الا وراعية الكامري تحدهم على الرصيف لين قامت تزحف السياره وصدمت في

الكبري (وبعد ماجت الدوريه وحققو بالحادث وحطو الخطاء 99% على الكبري و 1 % على الفرامل )ومدام الدعوه مافيها

اظرار واصابات بليغه قررت حصيصه انها تاخذ حقها حتلى لو طال الزمن المهم جا اجتماع بين حصيصه ونوير وسوير في

احد الكوفي شوبات وبعدما طلعو وركبو سيارة النوري الهايلكس الغمارتين وراحو شارع التحليه بغرض التمشي و

الاستهبال ومشغلين اغنية مايكل جاكسون (مشكلني)ومعلين عليها والافي واحد من الشباب موقف عندهم شكله قاط

معهم بالموتر ويقعد يطالع والتفتت حصيصه عللى نوير وقالت وش يبي ذا هو ويا وجهه التفتت سوير وقالت :هذي سياره

مهيب محل هيناس (محل تصوير)رد عليها وش هيناس انا قاعد اطالع احلى ناس وما كمل كلامه الا وشريط خذاني الشوق

حق نوال ماخذ لفه على خشته وتفتح الاشاره ويشوفون قدامهم كامري مشكوك فيها ويوم قربو جنبها قامت حصيصه

من مكانها وآآآآآآآع هذي هي الحماره الي حدتني لين طبع روجي في سميت الكبري والله انها هي جعلها الموت هي

وجهها نفس اللوحه وتدعس الطبلون وتبدا اللحظات المثيره ويبدا الدم حق جيمس بوند يمشي في عروقهم راحو وراها

بدون ماتدري عشان ما تخاف وتنحاش ويوم وقفت عند محل ونزلت والا هذولي في وجهها حصيصه معها مغرفت الجريش

وسوير معها مغرفت الفول ونوير معها ملقاط الجمر جايبته من الشنطه <<ترى مهيب تشيش ابد<<امزح ما ابي احط في

ذمتي شي >>المهم قالت لهم نعم وش تبون واقفين قدامي؟؟ردو عليها بصوت واحد نعامه ترفسك نبي نحتفل في

وجهك وتبدا الهوشه والطق والطقيق وتمعيط الشوش ونويرمن كثر النذاله تمسك خشمها بالملقاط وتقبصها لين صاراحمر

كنه طماطه طبعا الشباب ماصدقو خبراجتمعو عشان يفكون الهوشه ومنهم من ياخذ الغنايم الي هي عباره عن شباصات
مكسره واساور وكلها بيحتفظون فيها للذكرى جت اللومينا تسوقها الملازمه جهيرمنقطع الحزام حق البنطلون مسكينه حامل بالشهر الثامن يحلفون ان حزام الامان متلثم به الجنين منزود التكه ,وبعد التحقيقات واخذ الرخص ودتهم للحجز وهناك طلعو بكفاله وتعهدو انهم مايتحرشون في احد ـــــــــــــــــــــــــــــــــــــــــ
وبعد هذا كله وبعد ماسيطر وضع البنات في شوارع الرياض المليانه بالالوان المزركشه اكتشفت ان الوضع له ايجابيات وسلبيات الايجابيات هي :
$ماعاد نشوف سيارات توصيل وطلبات كل وحده تخلص اشغلها بنفسعا<<
$نلغي شي اسمه سواق ونوفر غرفته مستودع لاغراض السياره الا اذا كانت عجوز كبيره يمكن تجيب اندونيسيه سواقه تخيلو العجوز تركب ورا في الفان والسواقه (ميري)معها كيسة اندومي في يد والدركسون في يد وتقول وييين ماما؟؟العجوز:روحي من طريق الامير عبدالله ابي اخذ مقاضي من مملكة الطفل <<محلمه انها والده >>السواقه:ماما كيف رووه مافي معلوم طريق انا فوق كبري خليج العجوز:وجع يوجعس بتودينا البحرين وقفي خلي نسأل انت يا الاخو وين طريق الامير عبدالله وصف للسواقه الولد:شوفي صديقه روه سيده بعدين كبري فوق بعدين تحت السواقه :معلووم ثنكيوو وتفحط ويشوفونها شباب فان وسواقه وحركات اكيد بيقولون هالي وراها بنت دلع وكشخه وفلوس مهيب متنزله حتى للسواقه وتبدا الملاحقات والتميلح لين وقفت وكلهم عيونهم طايره يبون هالحلوه القمر تنزل دقيقه وتطلع عليهم عصا منعفطه طلت عليهم القموره واحد منهم شهق والثاني قال يمكن وراها بنتها يوم شاف الباب انصك عض ثوبه وانحاش$بتتحول المشاغل الى محلات زينه للسياره ويحطون بدل مكينه الخياطه حفره زي حفرت الزيت ماتطلع السياره الا وهي بكامل اناقتها تخيلو عاد بنت طلعت من المحل حق الزينه وملصقه في القزازه صورة شكيرا والا برتني سبيرز
عاد بعض البنات مايعرفون يسكرون مساحات السياره يروحون يمسكونها بشباصه<<امزح $معظم الشباب الحين عاطلين ماعندهم شغل ويقعدون يشتغلون في البنشر والورشه وبعدها اقطع يدي اذا ماتهاوشو الشباب الجامعيين على وظيقة بنشري بمرتبت سوبر شل او كهربائي سيارات لف دينمو$بتزين حالات الشباب وكل واحد بيكون كاشخ 24 ساعه يعني بيقولون مع السلامه يابجامه ـــــــــــــــــــــــــــــــــــــــــــ اما السلبيات هي :
$مضايقت الشباب <الحين يضايقونهم مع اهلهم كيف اذا صرارو لحالهم في شارع العليا والا التحليه الله يعين <<وحده مأمله انها بتسوق في السعوديه>>$بيكون هناك ازمه على كماليات الميكب لان كل وحده بتقعد تكتب على سيارتها $بتكثر الحوادث لان في شباب مشغولييين في المناظر والتمقل والتأمل والتتنيح وفي النهايه اي بنت بتصدم والا يصيرلها حادث بتنزل وتصرخ بقوه : ابي امي ابي ابووي ابي زووجي لا مستحييييييل ـــــــــــــــــــــــــــــــــــــــــــــــ

ملاحظه :::: البنات الي ما يعرفون يسوقون وودهم يتعلمون << يجون عندي اعلمهم امزح >>خخخخخخخخخخخخخ