• نكس و المصرقع • في حفل زواج •• توم كروز ••

المصرقع · 29 Jun 2007, 11:53 PM

الـسـلام عـلـيـكـم ورحـمـة الله وبـركـاتـه

مساء الخـيـر يـا قـاري مـقـالـي
مساءك شوق مع عطر الـورود

مساءك فـل مـع كـادي وجـوري
مساءك مسك مع عنـبـر وعـود

أخبارك كيف وعلومك يا غالـي
عسـاك بخير يـا أحلى الـوجـود

وبعد كذا ..

كيف حالك وش أخباركم وشلون نتايجكم

أكيد جايبين العيد زي غيركم من المحششين بالعالم ..

طبعا أنا صارت لي سالفه زي ما تشوفون من الموضوع وهي سالفة قديمة لكن توي أكتبها ..

الأشخاص اللي بالسالفة هم ::

المصرقع : حضرت فخامتي

نكس : بتــــــــــاع كلهـ

توم كروز : ممثل فرنجي أحمر مرتزق

نجي للسالفة ..

في فجأة من الأيام وأنا جالس بالبيت أصورةمع الجدران << كالعادة

جتني فكرة (جهنمية)

قلت يا ولد ورا ما أروح أشوف البريد وش فيه من رسايل << والله من زين الفكرة كل يوم يشوف البريد هو وخشته

المهم وأنقز على الهوتميل .. هاه ياصديق وش في رساله جديد << بريدي ملخبط وصاير باللغة الهندية

قال : والله يا صرقوع وصلتك بطاقة دعوة لحضور حفل زواج بإيطاليا

وشوووو إيطاليا !! تستهبل (أبو هتمل) << دلع البريد حقي

لا ما أستهبل شف البطاقة وتعرف ..

اخس يا صرقوع يالخطير بطاقة دعوة لحضور حفل زواج (توم كروز) !؟!؟

وقتها ولعت لمبه في مخيلتي << لا يكثر

قلت يا ولد والله فكرة نروح نوسع الصدر ونستانس بدل القعدة بهالبيت ..

طيب يا صرقوع يلزم تشوف لك خوي أزين من تروح لحالك تدربي هالدميجه !!

من غيره خويي (النكس) .. مثقف ويعرف انجليزي خله يترجم لنا ..

وعلى طول شغل الجاكوار وعلى بيت النكس << أشوى إنها هايلكس ....

وصلنا بيت النكس نزلت من الموتر (( عفوا الجرس خربان)) << ما تغير شيء هذا جرس بيت النكس من عشر سنين

يعني ما لك إلا حصاة وترميها على دريشة النكس اللي تطل على الكورنيش << امحق أشوى أنه شارع عشرين

طق الحصاة .. ويفتح الدريشة النكس : صرقوع هلا والله وين الناس ..

أنـــا : هذاي قدامك انزل بسرعة بنروح مشوار ..

النكس : طيب هذاي جيتك ..

يطلع النكس هاه صرقوع وش عندك ؟

أنـــا : النكس تعرف واحد اسمه توم كروز ؟؟

النكس : إيه اللي يلعب مع النصر !!!! << ثقافته ما تتعدى

عيسى الاحســائي

أنـــا : والله ما تدري وين الله حاطك المهم أنا بروح لإيطاليا معزوم على حفل زواج (توم كروز) تسان ودك تخاوين ..

النكس : قداااام يالسنايدي والله إني ودي أشوف هالتوم ذا اللي أزعجونا فيه العالم ..

المهم ونركب الهلي وعلى طريق البطحاء العام !؟

النكس : خل بدق على أهلي أعلمهم ..

أنـــأ : وش تبي تقولهم ؟؟

النكس : بقولهم بروح آخذ عمرة << التصريفة المعتادة للسفر برا

طلع الجوال بيدق ..

أنــا : هيييه وقف دقيقة الحين نبي نروح إيطاليا بجوالك الكسره هذا !؟!

النكس : وش رايك وش أسوي ؟؟

أنــــــا : وش رايك يعني بنروح محل اتصالات نشري لك جوال زي الناس .. إلا وش اسم جوالك هذا ؟؟

النكس : العنيد المطور << امحق .. عنيد ومطور بعد

أنــــا : لا خابر لك جوال جديد يقولون توه نازل نبي نشريه يسمونه (الكتيل)

أقرب محل اتصالات على شارع البطحاء العام ..

سلام عليكم صديق .. وش نزل عندك آخر شيء ؟

العامل : والله فيه عشان برد هذا فروة سوري مية مية وفيه يجي جديد فنايل علاق دفه

الصورة تتكلم !!

طلعنا من المحل بلا جوال بلا خرابيط وعلى طول على مطار البطحاء العام ونقلع لـ(روما) ..

نزلنا من المطار وعلى طول التكسي عند الباب ..

راعي التكسي : وين تبون أوديكم .؟

النكس : لو سمحت نبي قصر ألف ليلة وليلة

أنــــا : اسكت لا تفضحنا هذا مب هنا هذا بديرتنا .. بالله يالأخو ودنا للفندق اللي بالكروكي هذا ..

دخلنا الفندق وهذا توم كروز حاط يده بيد زوجته وجالسين

ويجيك صرقوع طاير ويغطي عيون توم بايدينه ..

أنـــا : هاه يا توم من تتوقع أنا ..

توم : امممممممم ديفيد بيكهام !!

أنــا : لا

توم : نيكول كيدمان !!

أنـــا : لا

توم : اممممم برتني سبيرز << أروح كنافه

على قول الشاعر :

فيه البنات يسابقن الرجاجيل .:. اللي عليهن ضيقات البناطيل .:. فوق الخيول يجاذبن المواويل
مهار لكن فوق غبات المهار
غازلت لي وحده ولا عبرتني .:. حلوه وفيها من ملامح برتني .:. وأقفيت أشيل الهم من فوق متني
عقب ما قالت لي حيوان وحمار

المهم يوم قال برتني قالت أنــــــا : لا

وأنا أنقز بوجهه هاااااااااااااااي

توم : صرقوع الله يرجك هذا أنت !!

أنــــا : إيه هذا أنا المهم هاو آر يو << أقوى شيء

توم : (كلينكس) ثانكيو << ينكت هو ووجهه

أنــــا : وش رايك بي عاد يومني شرفت الحفل << مصدق عمره

توم : والله يو آر كريزي ؟؟؟؟؟

نكس تعال بالله وش يقول هالفرنجي ..

النكس : يقول والله ماقصرت تعبت روحك .. << امحق مترجم

أنـــا : الله يسلمك طيب بهالمناسبة السعيدة وفرصة إنك شفتني وش رايك ناخذ صورة ؟؟

توم : ما في مشكل << صار هندي

قبل لا نكمل السالفة ناخذ فاصل !؟!

فاصل إعلاني

--------------------------------------------------------------------------------------

يا جماعة وش رايكم بهالوجه المزيون
7
7
7
7
7
7
7
7
7
7
7
7
>>>>>>>>>>>>>>>>>>>>>>>

<<<<<<<<<<<<<<<<<<<<<<<
8
8
8
8
8
8
8
8
8
8
8
8

والله ياهو رهيب أحس إنه عربجي وزاااحف وشكله كذا ذهين ويحب الحركات النص كم ؟؟

------------------------------------------------------------------------------------

عدنا

بعد ما أخذنا صورة ..

نكس : أقول صرقوع الحين هذا وراه مطلع زوجته كذا عند الله وخلقه ما يستحي على وجهه

أنـــــا : والله ياخي هم كذا هالشقر عندهم عادي ..

النكس : لا مب عادي وأنا أوريك فيه << عز الله اللي فشلنا أنا الغلطان اللي جبت هالقروي معي

ويروح النكس ويجلس بين توم وزوجته وسواليف حول نص ساعة ولا يحتاج أجيب لكم السواليف أدبل تسبودكم يبي لها موضوع ثاني

المهم وهو يسولف وتوم يلمح يبيه يقوم يبي زوجته تقعد معه ما فيه فايدة <<< بجيح بقوه

توم : أقول يالأخو ما تلاحظ إنك طولتها ؟؟؟

نكس : أفا وش دعوى ..

توم : الدعوى عامة ياخي غثيتني !! تراي مسوي حفل عشان (المعزبة) مب عشانك أنت وخشتك

النكس : اخس والله هذي آخرتها .. شف صرقوع وش يقول ذا !! لكن الشرهه مب عليك الشرهه على اللي يحضر عرسك مره ثانية << يحسبه كل يوم يعرس

وبعدين أنا قايلك يا صرقوع لا تمشي مع هالعلوج الأمريكان بس ما طعت شوري << متأثر بالصحّاف

أنــــا : أبد ما لك إلا اللي يرضيك اللي يزعل خويي يزعلني يالله مشينا والله إنك صاز أنا الغلطان يومني مشيت مع هالمرتزق قليل الخاتمة << بعد هو متأثر

والتفت على توم وسمعته من الكلام اللي ما ينبغي ذكره ( آنفا ) وصار العرس هواش << الكلمة اللي بين الأقواس جلس الكاتب أسبوعين ضاغط على عمره لين طلعت

ونطلع ونشغل الهلي وعلى القصيم ...

(وفي طريق العودة) << متعوب عليها

أنــــا : وش رايك أبو مســـاعد وش أزين البطحاء ولا إيطاليا << والله من زين المقارنة

النكس : والله شف الشوراع أحس إن شوارع إيطاليا أزين لكن المحلات أتحداهم يا شيخ يجيبون محل يبيع ملابس واللوحة اتصالات !! << كلام سليم

أنـــا : نكس يابعدي .. أنت غريب الأطوار !!

نكس : أفا وش دعوى ياخوي قالوا لك أنا جراده !!

أنــــا : لا بس قصدي إني دايم أشوفك موسع صدرك وسواليف وحتى وأنت توك متهاوش أنت وهالزلابه اللي تو !؟

النكس : إييييييييييه يا صرقوع لو تدري ؟؟

أنــــا : وشلون ؟؟

النكس :

أضحك وأسولف مع هذا وهـذاك .:. والناس ترقب ضحكتي وتحسدني
قالوا سعيد وعايش أحلام دنياك .:. وأنا سجـيـن وهمي اللي حبـسـني

أنــــأ : صح لسانك يالنكس

لكن :

حلـي دنـيـاك وتـعـيـش بـحـلا
وخـل غـيـرك فـيـهـا يـضـيـق

وإن شفـتـه يـزود فـيـه الـبـلا
تعال شق لك وسطـه طـريـق

مـن طـاع ربـه وكــتـابـه تـلا
يلقى السعـادة يـغـلـى رفـيـق

ويومه يشـوف الـهـم انـجـلا
وغيره يولع بصـدره حـريـق

هـذي وصـاتـي لـكـل الــمــلا
وأصل الصداقة حب الصديق

النكس : صح لسانك يا صرقوع والله لا يحرمنا منك

وضحك الجميع وكانت ليلة سعيدة << خابر هذي بكتاب القراءة يقولونها إذا خلصت القصة

هـــنا وصلنا نهاية القصة اللي (ما فيها فايدة) <<

وأشوفكم إن شاء الله في مواضيع جاية والجاي أحلى من اللي رايح << صارت مسابقة ملكات جمال

يالله توصون على شيء لا سمح الله

أشوى ما بوه أحد يبي شيء

يالله مع ألف سلامه

وهاي بوسه لأحلى نكــــــــس

.

Nks · 30 Jun 2007, 12:48 AM

مردوده ياااكل الغلا,,,,,,,,

يعنى اصفقت فيني ورجعتهاااا لك ,,,,,

تعاااال يالدب نعلق على اللى صااير ياهوووووووه

اقتباس:

من غيره خويي (النكس) .. مثقف ويعرف انجليزي خله يترجم لنا ..

وعلى طول شغل الجاكوار وعلى بيت النكس << أشوى إنها هايلكس ....

وصلنا بيت النكس نزلت من الموتر (( عفوا الجرس خربان)) << ما تغير شيء هذا جرس بيت النكس من عشر سنين

يعني ما لك إلا حصاة وترميها على دريشة النكس اللي تطل على الكورنيش << امحق أشوى أنه شارع عشرين

ههههههههههههههههههههههههههههههههه,,,,

هذاك بيت أخوى يااادب ههههههههههه,,,,

اقتباس:

فيه البنات يسابقن الرجاجيل .:. اللي عليهن ضيقات البناطيل .:. فوق الخيول يجاذبن المواويل
مهار لكن فوق غبات المهار
غازلت لي وحده ولا عبرتني .:. حلوه وفيها من ملامح برتني .:. وأقفيت أشيل الهم من فوق متني
عقب ما قالت لي حيوان وحمار

تستاااهل هذا علشانك شبهتهاا برلنتي هههههههههه

اقتباس:

بعد ما أخذنا صورة ..

نكس : أقول صرقوع الحين هذا وراه مطلع زوجته كذا عند الله وخلقه ما يستحي على وجهه

أنـــــا : والله ياخي هم كذا هالشقر عندهم عادي ..

النكس : لا مب عادي وأنا أوريك فيه << عز الله اللي فشلنا أنا الغلطان اللي جبت هالقروي معي

ويروح النكس ويجلس بين توم وزوجته وسواليف حول نص ساعة ولا يحتاج أجيب لكم السواليف أدبل تسبودكم يبي لها موضوع ثاني

المهم وهو يسولف وتوم يلمح يبيه يقوم يبي زوجته تقعد معه ما فيه فايدة <<< بجيح بقوه

توم : أقول يالأخو ما تلاحظ إنك طولتها ؟؟؟

نكس : أفا وش دعوى ..

لقيت الدفـــأ يااخووووك ,,,, ماشفنا خير هههههههههه

اقتباس:

النكس :

أضحك وأسولف مع هذا وهـذاك .:. والناس ترقب ضحكتي وتحسدني
قالوا سعيد وعايش أحلام دنياك .:. وأنا سجـيـن وهمي اللي حبـسـني

أنــــأ : صح لسانك يالنكس

لكن :

حلـي دنـيـاك وتـعـيـش بـحـلا
وخـل غـيـرك فـيـهـا يـضـيـق

وإن شفـتـه يـزود فـيـه الـبـلا
تعال شق لك وسطـه طـريـق

مـن طـاع ربـه وكــتـابـه تـلا
يلقى السعـادة يـغـلـى رفـيـق

ويومه يشـوف الـهـم انـجـلا
وغيره يولع بصـدره حـريـق

هـذي وصـاتـي لـكـل الــمــلا
وأصل الصداقة حب الصديق

صح اللســـــااانك يالدب الداشـــر ,,,, أقوول ليت أهلك

يخلونك دايم الحاالك ههههههههههههههه,,,

والله أنك حفلــــه بدون كيك يالدب,,,

تسلم يمينك ,,,, ومميز زى خشة راعيــــه,,,

• نكس و المصرقع • في حفل زواج •• توم كروز ••

صدق او لاتصدق مواضيع مميزة من المنتدى