إجتماع المدرسين

المدير: شوفوا لكم حل بثالث جيم, فشلونا سمعتهم واصله اخر الدنيـا وجانا كم إنذار من وزارة التربية والتعليم كله بسبتهم.وبكرة بيجينا مـوجة مخصوص علشانهم.
الاستاذ فاروق الفستئاني (الفستقاني): (بلهجة سورية) شوووف استااااز تالت جييم مابيجي من ورا راسون إلا المشاكيــل ,انا بأتريـح (اقترح) توزعون على المداريـس التانية, كل مدرسه ارمي عليها شي اتنين تلاتي وريح راساك أخـــي.
رائد الفصل (حسـنى شـمعة) ( لا شعوريا): نفصلهم !!!!وأبطل دروس خصوصية يعني وإلا إيـه!!!..أصـدي أنا عندي فكرة هايلة حتحسن صورتهوم أودام الموقـه (موجة) وحخليه يئول إن كل الكلام اللي سمعه عنهم إشاعات
المدير: بس شوف ياحسني هذي اخر مرة لك انت وياهم والا فصلتهم كلهم واولهم انت. بشوف وش تسوي فيهم, وإلا هم وش بيسوون فيك


طابـور الصبـاح
:36_1_10:

مشهد طابور المدرسة الصباحي الطلاب صافين(( باسل ومروان ودايخ ولونلي وراعيها)) والبقيه والمدرسين والمديرمع الموجة .
حسني شمعه ماسك ميكرفون الاذاعة المدرسية : والان الإزاعة المدرسيه لهزا اليوم مع ...تالت قيــــم.
المدير مستغرب للاستاذ فاروق: والله اللي فشلنا
فاروق فسـئاني باستغراب:" تالت جيــــم, العمــي" ويروح للاذاعة بسرعة
طلاب الطابورضحك واستغراب يلتفتون على بعض وهم يقولون ثالث جيم... ثالث جيم. !!بيجيبون العيد
حسني الشمعة يعطي الميكرفون راعيها الدب . ويقول لهم ياولاد زي مااتفقنا, وروهم انكو أد المسئولية
.


الإذاعـة المـدرسـية :36_1_25:


راعيها الدب يجرب الميكرفون: الو الو ..صديقه مروانو المعصقل من وراه "حول حول"

راعيها الدب :" مدير المدرسة الفاضل, أبائي المدرسين, إخواني العيال مراونو ابوعصاقيل ودايخ حشيش, وباسل العربجي ولونلي أبو رأس ..

الاستاذ فاروق يضرب راعيها الدب على قفاه طااااخ ,إحكي ولاه

راعيها الدب: السلام عليكم ورحمة الله وبركاته , أسـعد الله صباحكم باليـمن والبركات, خير ما نستهل به اذاعتنا لهذا اليوم ايات عطرة من القران الكريم يتلوها على مسامعكم الطالب : دايخ حشيش
يجى دايخ حشيش. (ثوب قصير) ويقرا سورة قصيرة بصوت رخيم.

راعيها الدب: اما الان مع فقرة هل تعلم للطالب.. مروان..

مروان بصوت عالي: هل تدري.

هل تدري إن للذبابة ستة أعين
.
هل تدري وإلا ماتدري إن الفار يصيب بمرض الطاعون.

هل تدري وإلا ماتدري أن اذا قطعت شوارب الصرصور يقعد يخبط في الجدران

هل تدري وإلا ماتدري أن لكل قطو برميل زبالة مخصص يسكن فيه وشكـرا.


أما الان مع حكمة اليوم والطالب لونلي ..

لونلي يقرب.. يمسك الميكرفون بيد واليد الثانية في مخباه تحوس يدور الورقة اللي فيها حكمة اليوم. يطلع الورقه
ويقول: "حكمة اليوم " ويفتح الورقة ويقرا بصوت عالي " البضاعة المباعة لاترد ولاتسبدل" يسكت شوي ويناظر الورقة ويكمل " شماغ , طاقيتين, شراب العايلة , ثلاث فنايل علاق, , سروال سنة .." وهو جالس يقرا ألا وذاك الكف على قفاه من الاستاذ فاروق

وهو يقول" العمى شو حمااار...ولاه طلع الورأه (الورقه) ياللي فيها حكمة اليوم مو فاتورة ملابســاك" لونلي, طيب طيب يدخل فاتورة ملابسة بمخباه



راعيها الدب :"الاَن مع موضوع الصباح للطالب:" مع صديقي مروان أبوعصاقيل"

مروان يفتح ملف أخضر علاق ويقرا..

"اعزائي المشاهدين , موضوع حلقة اليوم العطلة الصيفية (مـدمن فضائيات)خخخخخ

"لقد رحنا في العطلة الصيفية أنا وأهلي إلي بلدي الثاني لبنان"

راعيها الدب: تراه تسـذوب, بالعـطلة راح لخـواله بشـقراء.

مروانو يلتفت إلى راعيها الدب بزعل ويكمل" ولكن راعيها الدب لم يكن معنا" ويطلع لسانه راعيها الدب

رحنا بالطيارة و كانت امي خايفه جدا جدا لانها اول مرة تركب طيارة , بس انا اصلا دايما
اركبها, وفي الطيارة جت شغالة الطيارة وجابت لنا اقلطوا على القهوه والشاي ثم جت وقالت
العشاء , وقلطنا في المقلط مع العفش, وكان الطيار واقف على روسنا ماسك اللبن وقال سموا على عشاكم,يالله إن تحييكم, وكان مفطحا شهيا. وخلصنا وغسلنا, وكان ومساعد الطيار ماسكن الفوطة والطيب وأعواد الاسنان.
وعندما وصلنا لمـطار المـلك خـالد حقهم, ذهبت انا لتختيم الجوازات والرخصة والاستمارة وذهبت امي للتطبيق , وكنت اتحدث لغتهم بطفاقة لاني امي وابي مامعهم لغة. وقال لي العسكري : جواز مين هيدا ؟.. فقلت له" بييَ (ابوي باللبناني) , وقال: "وهيدا؟" قلت: مييَ (أمي) . وهيدا ؟ قلت" خييَ (أخوي ")وقال " وهيدا؟" قلت : نييَ (أنا) " وكان جوازي
وقال لي ابوي ماشاالله عليك ياوليدي إنك بلبل سداح في اللغة اللبنانية الفصحى, التفت عليه وقلته, أي لا كــان , ثم التفت للبـنـانـي وقلت له تـرى أنا سـعودي مانيب زيكم, . وشكله كان مستغرب يحسبني لبناني.
وفي لبنان سكننا في مدينة بيروت مشيط وكانت مدينة جميله فيها مـزارع بكل مكان, ولم اشوف عندهم تـراب, علشان كـذا مافيهم الاشـهب, تمشينا في مناطقها السياحية واسـواقها, ذهبـنا الي اللبنانيـة,والحـريرية (المملكة والفيصلية). وركبنا كـورة الحـريرية وناظرنا جميع حـدود لبنان, ورأينا دولة إسـرائيل الملعونة, وكانت دولة صغيرة جـدا, ونـظرت للدول العربية والأسـلامية وجـدتها اكبر منها بألف مرة, ومدري كيف ناشبتن بحلوقنا. وإنني أقترح على امين الدول العربية والإسـلامية سبـأ بـاهبـري, مادامها أقـوى منكم وعجـزتوا عنها وماعندكم إلا الدجـة بالاسـلحة, اسـتخـدموا السـلاح الخـلفي لـتوفرة عنـدنا بكثرة, فإني اقـترح, نـوصل جميع انابيـب الصرف الصحـي لدولنا ونـمـده لإسـرائيل, واضمن لـكم بـتغرق كلها بيوم واحـد. خـلونا نتجمع بس, والسلاح امره هين.

ثم ذهبنا الي الاهرامات وكل واحد مننا ركب له على واحد, انا ركبت على الخنـصر , وأخـواني واحـد ركـب على البنصـر, وعلي الدب ركب على الوسـطى, يلتفت لراعيها اجل ا رحنا لخوالي هـا ااااااااااااااااااااااااااااااا
" اما ابوي فركب على أبو الـهول لأنه يشبهه". وكانت رحلة سعيدة, ورجعنا بالسيارة ومررنا على تونس الخضراء, والسودان السوداء في الـطريق عبينا بنزين بعشرة لاننا فلسنا, وكملنا الـطريق الي أن وصلنا بالرفـاء والبنيـن.
وإلي اللقـاء في حـلقـة القـادمـة.

راعيها الدب " أما الان .." وصوت جوال يدق من مخبا راعيها الدب ويطلع الجوال والميكرفون بيده وطبعا صوت المتصل واضح لان قريب من الميكرفون وكل الطابور يسمعونه
صوت حرمه: " ألو .."
راعيها الدب: " هـلا بهـالصـوت , ممكن نتعرف
الحرمة: " وجع يمصع ضلوعك .. أنا أمك حصيصة!!"
راعيها: الدب بصوت مرتبك " يمــه"
طلاب ثالث جيم اللي وراه" اسم امه حصيصة ...اسم امه حصيصه ( بما فيهم صديقه مروانو ابوعصاقيل)
راعيها الدب: يمـه شغلى الرادو, بتشوفينا انا وابوعصاقيل على قناة المدرسة إف إم.
حصيصة: الرادو مايشتغل, إنت ناسي إن دشنا خربان,علي, وراك سارقن جوال ابوووك, أنا زاهمتن عليه وطلعت لي إنت"
راعيها الدب: "مهوب أنا, أنا أصلا صار لي اسبوع ماشفت جوال ابوي"
حصيصة: اجل اللي تكلم منه وشو ؟؟!!" هـذا مهوب أنا, أنا صديقي مروانو,
حصيصة: اشـوى احسبه إنت.
راعيها الدب يلتفت على مروانوابو عصاقيل : " إنت معلم خالتك أن الجـوال مـعي يالحروش"
مروانو يحاول يكلم خالته في الجوال:" خالتي خالتي, حنا الحين في الاذاعة وإنتي على الهوا ..عندك مداخلة والا طبخة؟"
راعيها الدب, والان مع الشيـفة (الطباخة) أمي.
حصـيصـة: ماشيفة الا إنت وابوك , وتسـكر الخـط"
الاستاذ فاروق يسمك راس راعيها الدب ومروانو ويصكهم ببعض . طرااخ وياخذ الجوال.كمـل ولاه فورت لي دمـي.
راعيها الدب:" اما االان مع نشيدة الصباح لباسل العربجي بعنوان "عصـفوري الصغير"
راعيها الدب :باسل وش عندك لابس بدلـة حمرا.
باسل: لأني أول مرة بمسك ميكرفون قدام الجماهير أحس أني بيتحقق حلمي ,اغني قدام الجمهور على(( المونصه)) خخخخخخخخخخ.
باسل ياخذ المكرفون ويقول " أحـلي تحية لشباب ثالث جيم , و أحلـى تحيـة للموجه والمدير وأحلى تحية للوكيل بغيابـه, وياشباب اللي يبغى إغنية يكتبها على منديل ويعطيها المدرسين يوصلونها لي.. ثقه المدرسين يوصولونهاهههههههه
باسل العربجي:"أويــــــــلي, أويلـي , أويـلي أويـللللي "
" سـود العيــووووووون إكبـــــــــار ....,والشــامــة حـلــوووووة
" شـــــــايل جـمــال الكـووووون ...وباليــني بــلـوى "
يحط الميكرفون تحت ابـطة :36_13_2: , ويقول" يلا كلنا سـوى صفقه.. ياثالث جيم"
هالعيون شلون املــــها سحر ذوبني بغزلهــا (يلتفت لصف أول) بوسه من عندك حبيبي تسوى عندي الدنيا كلها "
طلاب المدرسـة كلهم يرددون وراه ويغنون وتنقلب المدرسة مرقص وهيصة. :36_3_15:

ويمسك يد راعيها ودايخ ولونلي ومروان ويرقصون مع بعض واللي شوي ويجي ولد من أولى باء ويعطي باسل منديل واللي شوي باسل يغير الأغنيه ويصفون الشباب ويبدأ باسل بصوته السداح بأغنيه الحلم العربي

دا حلمنا طوووووووول عمرنا

نوقف كلنا نغني مع بعضناااااا :36_3_15:

ودا حلمنا
:36_1_39:
ودا حلمنا

ومنتدى يضمنا كلنا كلنــــــــــــــــــــــــا

وتهتز الطوابير والطلاب رافعين أيديهم منسجمين مع الأغنيه
ومايصحون إلا وذيك المسطره الخشبيه اللي على رؤوسهم من المدير
إنقلع أنت ولاه على طابوركم الله يفشلكم
باسل مبسوط يناظر أصدقاءه بالله صوتي مو حلووووو دايخ يقوله والله شئ
ومروانو إبدعت والله وأما راعيها بدت غيرته لأن صوته تعبان وده يصير فنان بس ظروفه الصوتيه ماتسمح ولونلي يصفق طول ماهو ماشي معهم ههههههههههه
ويجي ولد صغيرون يقول لباسل ممكن ياالعربجي توقعلي
على الثوب ههههههههههههههههههههههههههههههه



--------------------------

وبعد الفسحه .. :36_1_47:
المدير بعصبية:" ماني قايلكم.. فشلتونا كله منك يا حصني (يقصد حسني) خلاص ضف وجهك انت وطلابك, مالقيت تحطهم في الاذاعة الا يوم جا الموجة, والله مايندرا وش بيصيرفينا
ويدخل عليهم شاب سعودي(( البياع)) في مقتبل العمر تظهر عليه علامات النشاط والحيوية (جنتلمان) "أنا المشرف الطلابي الجديد" جايكم من ادراة التعليم لحل مشاكل بعض الطلاب اللي عندكم"
المدير: "بس وهذي هي ,اقصد.. مدير المنطقه التعليمية ماأصدر معك قرار ..يعني نقل ..فصل ..سجن..تعزير"
المشرف بإبتسامة: "لا ..وليه كل هذا, المسألة ومافيها ان الطلاب عندكم عندهم امكانيات وطاقة مهدره ماعرفنا كيف نستغلها في صالحهم, انا متابع موضوع ثالث جيم عندكم من بداية السنة واعرف ان عندهم طاقات جباره بس يبغي لها تتوجة التوجيه الصحيح, بس يحتاجون بعض الاهتمام والوقت, ماعندهم مواهب أو هوايات معينة؟
الاستاذ فاروق: " أيه بلا, عندن مواهب في اللعانة والاجرام"
المشرف: "لا, انا ابغى الاشياء المميزه فيهم ماحاولتوا تستغلونها في صالحهم وصالح المدرسة ومجتمعهم ووطنهم"

ياهوووووووووووووووو ياالبياع يامشرفنا أنت

حسني شمعة: دول أبالسة
لمشرف البياع: "كل أنسان فينا لازم يكون مبدع في شي مهما كان,بس يبغي مين يكتشف هالعملاق اللي في داخله ويصقله, حتى لو ماكان ماهو مميز اكيد بيكون عنده هوايه لشي بتفيده وتفيد مجتمعه وتشغل وقته اذا عرفنا نستغلها"
المدير يرد وشكله تأثر بكلام المشرف:" كلامك منطقي

..الهروب الكبير.. :36_6_8:

المشرف مع الاستاذ حسني يراقبون طلاب ثالث جيم وهم يهربون من المدرسة , راعيها الدب, ياخذ الشناط والكتب , ويحذفها من الدريشة ويوصلها لبرى المدرسة من قوة الحذفة. مراون ابو عصاقيل يركض وينط على السور المرتفع ويجمع الكتب, ويقرب السيارة لهم. لونلي أبو رأس, هرب وجلس يرسم على الجدران صوركاريكاتيرية للمدير والمدرسين وعياراتهم.
حسني للموجة: زي مانت شايف سعادتك...حئولك إيه وإلا ايـه دول مجرمين محترفين.
المشرف البياع: ماشاءالله ابـداع, قمة في المهارات.

طبعا المشرف البياع ماتركهم على هالحال بالعكس أهتم فيهم ونما مواهبهم

..شباب المستـقبل..


وبـعـد كـم سنة وبعـد أن اصبح المشرف السـعودي مسـئولا عنهم. . صارمروان ابوعصاقيل اللي ينط السـور بـطل المملكة في الوثب العالي راعيها الدب اللي يحذف الكتب من الدرايش بطـل اسيا في رمي الجلة, ولونلي اللي يرسم على الجدران اخذ جائزة المركز الأول في الفن التشكيلي على مستوى الخليج.وباسل الفنان . صار سوبر ستار ودايخ صار معيد في الجامعه


ههههههههههههههههههههههههههههههههههههههههههههههه
بالله وش رأيكم بالموضوع مو يهبل
صراحه هو منقول بس مضاف عليه أشياء كثيره وتعديلات مني
تعبت والله معاه
شكرا شكرا لي على هالموضوع الفناااااااااااان بس أحلى من فن باسل هههههههههههههه



-------------------------