سلا11111م عالشواكيش والشاكوشات -->>الطخوم مالهم مكان عندنا

<<--شاكوشه للنخاع خ خ خ

عاد مع الهدوء الي عم كل حاره ومنطقه وزاويه بسبب الأختبارات في وطننا العزيز (( بتقطعها الوطنيه ))

وانا اتناول قهوتي في البسين (( اقول بركه ما حصلك تشوفين ))

ومتكيه واقشم بذا الفص فص واسمع الاخبار <<--داخله جو مع السياسه

واتصفح الجريده ((يازيني لاصرت مثقفه ))

واقراء موضوع جذبني وايد ((بدت الثقافه تظهر ))

شبـــح الأختبــارت يرهــب ابنائنا :g:

قمزت ونهضت ورجعت اتكيت ورفعت رجلي على الكرس المقابل لي ورجعت ذاكرتي لخمسه سنين ورى

<<--اخص يالشايبه:cool:

وتلف فيني الاياااااام واالليالي والا وانا منسدحه على الزوليه واقلب راسي يمين يسار كمحاولات للنهوض للمذاكره

الاوعلبببببببببببببببة بيبسي مصفوقه على جبهتي

قومي ذاكري يا **************** <<--ماودي اكتب الكلام الحنين الي دايم تغرقني فيه امي

بآآآآآآآآآآآآآآآآآآآآآآآآآآآآآآآو (( اتثاوب من الوجع ))

وارجع انقلب على الزوليه واحك دماغي انا وش مخليني اكمل دراستي لو اني دارسه لسادسه اصرفلي بدل هالكرف

واقوم اقلب بالكتاب واتصفحه بنظرات سريعه ((دافوره محد مقدرها ))

والا والساعه 3 فجراً وانا بعدني ماخلصته بالنيه

عاد تتدب فيني الحماسه شوي وما بديت اذاكر الا واقفله

واقول في نفسي من جدك انتي لو بتذاكرين الحين بينتهي الاختبار وانا بربعه

واجيب مشرط

ومقص

ووورق ابيض

ومفك << ماله دخل بس مسكت معي غلط

ومسطره ومرسمه متبريه على الخامس ((مبوزه تبويز )) <<--دايم يخونها التعبير

وابرششششششششم ابو الكتاب في اربع براشيم كل برشام مقاس 15 *4 كيلو مربع ((واضحه الدفاره )) خ خ خ

واكبر مخدتي واقوم من الفجر واتجهز وارابط عند باب المدرسه حتى الفراش مستغرب

>>مهي من عوايدها تحضر بدري ولا هي ايام الدراسه ثمنيه وهي صاكتها نوم ((مدرسة ابوها ))

وواطلع على الفصصصل بسرعة الضووء

واكتب ماتبقى من الكتاب عالماصه ما انتهيت الا والماصه خرايط من قوة تثبيت المعلومات

واحط يديني ورى راسي واميل عالكرسي (( واثقه من معلوماتي ))
ويدخلون البنات والمراقبات للقاعه ويبدون توزيع الاوراق الا ووحده تتدقني على كتفي

اانا : هاه ترى تغشيش ما اغشش الاعتماد على النفس فضيله^_^

هي : اقول اقلبي وجههك اي فضيله ويالله قومي ترى هالماصه ماصتي

انا : والدنيا مسوده بوجههي وكان ودي اصفقها بالماصه على جبهتها الي كنها مضمار خيل ((واضح اني حاقده ))

اجل انا اكتب من فجر ربي وهي تاخذها برخيص وقبل اقوووم اتفل عالماصه وامسح المعلومات بطرف كومي (( ذابحها الاسلوب والله ))

وروح ماصه ثانيه بس كنت مسويه احتياط في مريولي كاتبه بلون رصاصي على زاوية المريول ((لو الود ودي اكتب بجبهة المدرسه وما افوت ))

وتتوزع الاسئله وتوقف على راسي مراقبه تغطي على سوق الكلاب البوليسيه (( تشم البراشيم عن بعد 20 كيلو )) ؛__؛

وامسك بذا القلم واقعد اتفحص الاسئله الفين مره يعنني ابي اتاكد من اجابتي وانا مادريت عن الاسئله
انتظر هالبلدوزر تضف وجهها عني يوم شفت مافي امل قلت يالله مالي غير هالي قدامي صقيقتي العزيزه

واحاول اخبط كرسيها اكح ارفص سيقانها لكن لاحياة لمن تصارخ وواضح انها شاطرررره ولها مستقبل باهر في تحصيل العلم لابسه نظاره عرض قزازتها 15 سم على قدام ومتمسكه بورقتها بكل يدينها والله ل انك تكتبين خطاب لوزارة الخارجيه يالدافوره (( مايستاهل هذا كله على كم سؤال )) <<--مو محصلك تحلين ربع هالسؤال

وافقد الأمل نهائي فيها بس تصبر الوعد برى القاعه (( اخص يالمهجدتهم ))

عاد واطالع للي وراي قلت يالله يمكن يجي منها شي وتاخذ ثوابي (( صح عليك يا المحسنه )):ma:

وادقها بطرف كوعي الااااااا واسمعهاااااااا تصييييح (( تبي الزله الرهيفه ))

والكم خشمها من الحقد دام الشغله صياح فخلها تصيح اكثر يمكن ترتاح (( مؤازره لخوياتها ))

عاد تتطنقر براسي وهي خاربه خاربه بخرج البرشام وشوف وش براسها هالمراقبه (( بجيحه ))

وما امداني ادخل يدي وانوي بالحل الا وتمسك كتفي المراقبه

انا :قصم بالله اني مااافكيتهااا ولا حليت منها وعمري ما غشيت """

الا وتصفقني خويتي وتقول ترى المراقبه تبي قلم

بس وييييين خلاص واضح اني لو سارقه بنك هالوقت كان اعترفت ((خروج عن النص ))

وتقومني المراقببببه وتفتشني تفتيش جنائي وتخرج البراشيم مكتوب فيها وجهه وقفاا (( حتى الفهرس برشمته ))

وتاخذني من قفااااي وتتدبس البراشيم على يديني وعلى اقرب جريده (( عظه وعبره ))

ومن بكره ينزل مانششششششيت كبر خشمي

(( الا متى تستمر هذه الظاهره ))


<<--مهيب هينه السبق الصحفي


بررررررررررررر# اطبع براشيم لورعان حارتي #رررب