؟؟ التسـول ؟؟ الـــى متــى ؟؟

موية نــــار · 29 May 2007, 12:54 AM

السلام عليكم ورحمة الله

قبل فتره رحت لمكه

وللاسف شوي وتجيني حاله نفسيه من المناظر اللي فيها

هذولا المتسولين شي يجييب المرض

وانا ماشيه الصبح مع امي جت بنت عمرها تقريبا 9 سنين ويدها مقطوعه

وتعلق يدها على يدي شوي ويغمى علي

منظر ما يوصف ابدا كل ما تذكرته حسيت روحي بتطلع

وناس محروقه وناس ما ادري ايش مسووين بانفسهم

والا اللي على الاشارات

اللي ابي اشوف رايكم فيه

ليه ما يروحون لمكاتب الضمان الاجتماعي ؟؟

ليه الناس تعطيهم خاصه اللي عند الاشارات ؟؟

ما تشكون في وضعهم خاصه مع الارهابيين كيف تجيهم هالفلوس ؟؟

ما تشك انك ممول من غير ما تدري ؟؟

لا تبخلون علي بردودكم

لا عدمتكم

الغلا والمحبه · 29 May 2007, 02:55 AM

الواحد يدفع ويقول لوجه الله
مع انه اهو سبب المشكله بقوله لو ما احتاجو مامد احد يديه
بس نص الي في مكه يتسولون من افريقيا يعني بلاد الفقر

بس غصب عليك تعطيهم من ملابسهم واشكالهم
ووقفتهم في الشمس من جد نرحمهم

بس الحمد لله على النعمه الي احنا فيها

لازم الكل يتعاونون

مشكوره
موضوع مهم ولازم نعالجه

تقبلوا تحياتي
الغلا و المحبه

صحيفة سوابق · 29 May 2007, 11:38 AM

احنا مانقدر نحكم وين الصادق من الكذاب ..

لما نعطي بندور على الاجر من الله ..

ولو عطينا وكان مب محتاج أجرنا بأذن الله مابينقص ولا بيتأثر ..

ومشكلة التسول حلولها يبليها دعم مادي لا اقل ولا اكثر ..
يبيلها دعم من الجمعيات الخيريه فقط
ماعتقد ان فيه حلول غير كذا !!

ممكن الجمعيات او من يختص في هذي النقاط أنه يأمنلهم وظائف حسب امكانيتهم ويشترط عليهم أنه لو بعد كذا يقفطونه يتسول .. يتسفر على طول بدون ماتفكر الدولة في بلده عندها حروب عندها صروب مالنا دخل ..
طالما انه ما احترم قوانين دولتنا ولا احترم الله ودينه اللي كرم وجهه ..
والناس اللي بتكون فيها اعاقه مستديمه تمنعه من مزاولة اي عمل .. يعطى مصروف شهري أو يفتح له كشك أو بسطة خضار او اي شي يدخله مبلغ يقتات هو وابنائه ..
توجد حلول كثير ياموية نار

ولكن يبيلها دعم ودراسه من الحكومه هذا اذا تبي تمنع
وتخفي شي اسمه تسول !!

لأننا مانقدر نمنع أحد من دخول الحرمين الشريفين

الف شكر لك موية نار

يسلموووو

تشاااو

موية نــــار · 30 May 2007, 12:33 AM

مشكوووره يا قلبي الغلا عل ردك

بس هذولا اعاقاتهم مو طبيعيه

اعاقات مفتعله وواضحه عليهم

الله لا يبلانا

اخوي صحيفه الف شكر على ردك اخوي الحكومه ما قصرت الجمعيات الخيريه والضمان الاجتماعي يعني تحاول مساعدتهم بكل طريقه ممكنه

بس فيه ناس تستغل عطف غيرها وتبي اكثر واكثر

وهي اللي تجيب هالمناظر وبعدين ما يتجرأوه يقربون من الحرم هذا كله خارج الحرم لانه ممنوع يدخلونه من مشاكلهم اللي تصير

يعطيك العافيه على تواجدك

شنترٍ بــن عــداّد · 30 May 2007, 02:33 PM

ما في احد يقدر يمنع شخص من التسول

لانه بحد ذاته اصبح تجارة وشركات تدير هالشيء خصوصا في الحرم المكي

اغلب من يتسولون ليسو بحاجه ....

ونحن عندما نعطيهم لا نعلم هل هو محاتج او لا
ولا يضرنا ان نعطيهم ريالين او ثلاثه فهي لا تعتبر شيء عندنا

لكن الواجب على جهة حكووميه التعامل مع الوضع

والقبض على من يتسولون وهم في غنىى عن التسول

والي محتاج بدل ما يوقف بالاشارة ويزعج الناس المارة ويخلي شكل المدينه غير حضاري

يروح لمسجد ويعرض مشكلته على الي يصلوون وما راح يقصرون معه
وفي جمعيات خيريه

وفي فاعلين خير كثار

لكن الظاهره هذي متفشيه في اغلب دول العالم ليس هنا فقط لكنها تتفشىى في المناطق المقدسه بشكل كبير ومقززٍ ...

يعطيك العافيه خيتوٍ ع الموضوع

لا ذع بس على خفيف · 30 May 2007, 02:38 PM

والله موضوع رائع بس من المسئول عن منعهم؟؟
مكافحة التسول ولا مكتب المتسولين أيهما أصح!!!!!
والله نعطيهم لوجهـ الله وبالذات اللي معهـا بزر
بس في موقفين واحد روعني والثاني نرفزني وضحكت
الأول عند إشارة مخرج 9 الله يذكرها بالخير
جتني بنت يمكن ماتتعدى العشرين
كان معي اختي الصغيرهـ عمرها سنتين
مجلسها جنبي من يوم شفتها مقبلهـ نزلت الدريشه حاجهـ بسيطهـ وعطيتها
إلاطقت الدريشه أنا قلت تبي زيادهـ فتحت الدريشهـ وقلت نعم قالت ممكن أجي من عند دريشة أختك ياملحها ودي أحبها!!!
أنا على طول جاء في بالي إنها تبي تلقطها وتفقع قلتلها إقلبي وجهك وأنا معصب وحاط يدي على أختي من الخوف
جرائهـ غير عاديهـ

أما الثاني في جدهـ حاط اهلي في سوق مدري وش اسمه النجار الظاهر<<ماأدني الأسواق
ورحت بألبق السيارهـ وينشب لي بزر عطيتهـ عشرهـ<غلطهـ يوووووووهـ تعلق في فنيلتي يقول كملي حق الحليب!!!!قلت رح كمل من غيري واقفهـ علي أنا وينشب نشبهـ أقولهـ يرحم أمك خلاص رح مانفع... جب العشرهـ مانفع.. قسم بالله مامعي صرف يقول طيب أصرفلك
واللي يمر يقول ورطت نفسك واللي يتبسم واللي يقول عطه وفك نفسك<<معـــــــــــــــطيه قسم بالله
ماردهـ إلا حق الأمن ولا كان عطيته البطاقهـ بكبرها

الزبدهـ كلها من المسئول؟؟؟

يعطيك العافيهـ

يخليك ربي...

موية نــــار · 31 May 2007, 12:08 AM

اخوي شنتر مشكووور على ردك وتواجدك

بس احنا نساعدهم لما نعطيهم نخليهم يتمسكون

وبعدين صحيح العشره مو شي

بس انت جمع كل يوم ريال شوف باخر الشهر كم يطلع لك

احنا السبب لما عنطيهم واللي يبي صدقه يطلعها في اماكن معروفه وناس تستحقها

ولا يروح لمساجد لانه سهل يزور اوراق انت ا راح تدقق فيها وتشوف صحيحه او لا

اما هم ما يستحقونها

اخوي لاذع مو هالجهات وبس مسؤوله احنا بعد مسؤلين لما نشجعهم على هالشي ونعطيهم

لو يروح للجمعيات الخيريه ويثبت انه محتاج راح يساعدونه

الكل مسؤول

ولا عدمتكم على تواجدكم وردكم

!!عيون الكون!! · 05 Jun 2007, 06:36 PM

موضوعك رائع

بس وين ومين يسمع ؟؟

تصدقين ان مكافحة التسول تمر من عندهم وتخليهم

والشرطه بعد ؟؟؟؟

ليه ما ادري ؟؟؟

وصل فيهم التسول انهم حتى باماكن العمل يوصلون لها

يعني الاسبوع اللي راح مشاء الله شكيت اني مو بالعمل

بالشارع من كثر الحريم اللي جايين يشحذوووون

الحمدلله على العافيه والنعمه

مشكوره مويه عساك على القوووووه

عنون الكون ،،،

موية نــــار · 06 Jun 2007, 12:35 AM

هلا وغلا

تو ما نوووووووووور المنتدى والنت كله

فديتك وحشتيني يالدبه

والله يعين اذا هم مسؤولين عنهم ويسكتون عليهم ذنب

ياخذون رواتبهم بدون امانه في عملهم

ويبيلهم تحذير لانهم ما يستاهلون عملهم غيرهم اولى

والله يعينكم بالدوام بعد

لا يكون فاتحينها جمعيه خيريه على غفله

استغفر الله الله لا يبلانا

ومشكوره يا قلبي على هالطله والردك لا عدمتك

سحووووبه · 06 Jun 2007, 03:02 PM

اعوذ بالله منه الواحد يعتمر يبغى يحس بريحانيه

وهم يغثوووونك اسمعي مويه اللي اعرفه انو وراهم شركات

حسبي الله عليهم الشركاااات هذي هي اللي معذبتهم ومشوهتهم عشااااااااااان ياخذو فلوس

لاحول ولاقوة الا بالله مايصير كذاااا بس

؟؟ التسـول ؟؟ الـــى متــى ؟؟

الخط الساخن