تنبيه :

لا تفصل الاتصال لاني مشارك في اسهمـ الاتصالات خخخخخخخخ


((
))

السلامـ عليكمـ ورحمة الله وبركاته

من العنوان واضح ان الموضوع للتنسيم . .. بس ترى فيه فوائد جمة <-- وش دعوى شامبو هو خخخخ

بس قبل ماادش واتعمق واغرق في صلب الموضوع ..<--- لاجديد .. انا والاسلوووب حبايب ههههه

حبيت اعلمكم معنى كلمة :

مطـــــــــرسه

لان فيه بعضكم مايعرفون وش معناها <--- كلهم والله

مطرسه يعني يتمطرس <--- لا ياشيخ ههه

لا من جد .. مطرسه يعني كنك حاط شوربه وخبز ولبن وخالطهم مع بعض <--- هذي يسمونها مطرسه ههههه

يعني اذا جتك شغالتكم وقالت :
بابا مافيه سوي مطرسه

يعني لاتقعد تحوس المطبخ وانت من جنبها

هاه فهمتوا معنى الكلمه <--- ايه هين


اما موقع الكلمه في عنوان الموضوع :

بصراحه ماله هدف <--- يعني بالعارضه ههههه

من جد الموقع <--- مقفل للصيانه

احس اني مصختها بلاحدود <--- برنامج بالجزيرة

يعني موقع الكلمه ( مطرسه ) بعنوان الموضوع فقط لزبرقة العنوان وعشان يصير فيه سجق خخخخخخ <--- تراه يقصد سجع .. بس جوعان شوي وقلت سجق ( نقانق ) هدوق

&&&&&&&&&&

الحين نخش في صلب الموضوع <-- صلب والا حديد

كلكم عارفين ان المدارس على الابواب <--- طيب افتحولها خخخخخ

وبما ان المدارس على الابواب وجرس الباب خربان .. فحبيت اتكلم عن الابواب ههههههه<---- عفس ام الدنيا ههههه


المهم .. لنتناقش عن قضية اليوم الاول للمدارس وبس

ولنبدأ بالمرحله الابتدائيه :

اليوم الاول لطلاب المرحله الابتدائية :



اول يوم يجيك الطالب وثووبه نظيييف وجزمته ( الله يعزكم ) تلمعععع والشعر مليان مويه ومكدود على جنب هههههه...
ومع كل هالاناقه .. تلاقي الخشه ( خشة الطالب <--- اجل المدرس ههههه ) تلاقيها مليانه خوووف ورعببب والم وطمأنينه <----- هيييييه انت وين رحت هههههه
وتلاقيه حاط الشنطه على ظهره وفيها صورة كابتن ماجد خخخخخخخ <--- عاد من زين هالشنطه .. فيها علبه تلوييين ام 44 لووون .. وخبز جبن وعسل ههههه .. وعصير سن كولا

وش باقي بالشنطه بعد .. اممممم وشو يادحيم وشو خخخخ

.. فاصل ونواصــــل ..
:
:

برعــــــــايـة
شامبو جونسون (( لا ذكـاء بـعــد الـيـووم ))



هــع


عدنـــــــــــا

ايوه نكمل الباقي بالشنطه ..<--- باقي مسدس ابو مويه هههههه <--- هذي لنا حنا ايام اول يوم كنا شياطين خخخخ

المهم وعاد اول مايدخل الطالب للمدرسه بيشوف هالعالم صافين وبيجي وراهم وهو مايدري وش السالفه ,,,
وعاد يقولون السلام الوطني خخخخ
وتمارين الصباح <--- اجل تمارين الليل خخخخخ

من جد يقهروني اذا قالوا تمارين الصباح

يعني فيه احد بيسوي تمارين بالصباح ويقول تمارين الليل هههههههه

وبعدها كل واحد يروح لفصله .. وبعد ساعتين بس .. نسمع صيااااح ونياااااح من طلاب اولى / ب خخخخخخ

واللي يقول ابي ماما واللي يقول شنطتي ضاعت .. وعلى هالحال لمدة اسبوع

, , , , , , , , ,

ونجي الحين لبنات الابتدائي <==مو مخلي احد بحاله

تجيك البنت اول يوم ممشطه شعرهاا وحاطه بكله او شريطه نفس لون الشراب والساعه<==مسويه بتطقم

ومع بداية الدراسه..تشوف ذا الاقلام صف من جميع الالوان..والمقلمه نفس الشنطه ويتنافسون من الي تجيب حلاو اكثر للفسحه<==صار محل حلويات المدرسه
@@@@@@@@@@@@@@@@@@@@@@@

اليوم الاول لطلاب المرحله المتوسطه :

عاد هنا الطالب مسوي كبييير وصار يلبس طاقيه ههههههه

بس لازال فيه خوف شوي .. ومخه مازال متنك خخخخ .. يعني يبيله فتره الين يستوعب
المهم يجي وعيونه تقول كنه قطو محشش ههه .. من جد عيونه قايله كذا .. من قل النوووم .. عين خايفه ومبققه والثانيه مغمضه ونايمه هههههه ..
وبيده شنطه بس مب كابتن ماجد .. لا الحين صار ياخذ شنطه حديد <--- مسوي مهم
والشنطه فيد هندسه <--- ايه خلاص صار رجال

اما اللبس مثل ماقلنا ثوب وطاقيه وبالجيب قلم ابو نص ومايكتب بعد ههههه .. وفيه خمسه ريال رازها بصدره خخخخخ

ومع اول يوم بالمدرسه يروح لطابور الصباح وبعدها عاد يبلش بعمره .. مايدري هو في اي صف
وعاد تغير الوضع عن الابتدائي .. الحين 1/1 مو 1/ب خخخخخ
ويروح ويحوس ويدوس بهالمدرسه <-- ايه كبيره مو ابتدائي ..
الين يلاقي فصله والوكيل وراه بالعصا <--- معروف وكيل المتوسط عصبي خخخخخخ
وبعدها يأخذ الكتب ومبسووووووط لانه بيدرس انجليزي خخخخخخ

, , , , , , , , , , , ,

ونجي لبنات المتوسط اللي مسوين في امهاا كباار
من المعروف ان بنات المتوسط يكونون على وش مراهقه
اول ما تجي الصبح..تصير فاكه شعرها..لانها متعقده من الابتدائي يوم كانت تظفره
وتبدا عاااد حركات الاستهبال
بزعمهم كباررر يجون ومعهم خمسه ريال مصروف بدال 3 خخخخخخخخخخخخخخخخ
وطبعا مع التطور صار المريول تنوره وبلوزه

اذا كانت تبي تشخص(مع ضم الخاء) تلبس تشيرت تحت البلوزه بنفس لون الجزمه والبكلة<==الى الحين يبون يطقموون خخخخخخخخخخخخخخخخ
ولا تنسون الاساور والحلق
ويحبون تقليد بنات الثانوييي..وبعدين تبدا حركاااات الاعجاب
يعني تلقى بنت من المتوسط عاجبتها بنت من الثانوي..تقوم تكتبلها بذا الرسايل وتعطيها هداياااا<==والله مستفيدين

@@@@@@@@@@@@@@@@@@@@@

اليوم الاول لطلاب المرحله الثانويه :

اوووووه عاد هنا قمة الرجوووله ..
يجيك الطالب والشماغ على كتفه ومن قده يبي يدرس فيزياء وكيمياء خخخخخخخ

وطبعا عيووونه مايحتااااج .. انواااااع النوووووم

والمشي يووووه .. تسحيب رجول خخخخخ <--- يبي يعلم الناس انه رجال خخخخخ
ويدخل باب المدرسه ومعه دفتر ابو 40 <--- ماسكه بطرف يده خخخخ ...

والقهررر انه مع كل هالخرابيط اللي مسويها .. الا انك لو تدفه طاح وقام يتلوى صياح خخخخخ
وعاد اذا جا يبي فصله .. يروح للمدرس ويقول :
يابو الشباب .. ماادري وين الاقي فصلي <--- الله يصلح جدتك بس .. هذا اسلوووب تتكلم به .. والله اللمهزله .. وبعدين فصلك وين بيكون .. اكيد بالمدرسه يالووووووح

, , , , , , , , ,

ونجي لبناات الثانوي عاد ذولي قمة في المصاله وثقالة الدم
تجيك اول يوووم من قدهااا ثانوي ولا احد يحاكيهاا .. تشخص لابسه كعب
و رافعه الشعر كلبس ومنزله خصل
والي مرره مشخصه تحطلك الكحل والمسكراااا وانواع ال LIP GLOSS
بس اشكال بنات التوجيهي خلفه .. الوحده بالطقاق تجي ممشطه شعرهااا..شايلين الهم من اول السنه

@@@@@@@@@@@@@@@@@@@@

اليوم الاول للمستجدين بالمرحله الجامعيه :


عاد هذولي يفشلووون من جد خخخخخخ

الواحد يجي ومرسم وكاشخ <--- اول مره يسمحون له يلبس عقال ههههه

واول مايدخل يروح ويسأل :

لو سمحت وين طابور الصباح ؟؟ هههههههه

<---- مسيكين مايدري عن الجامعه .. كان 12 سنه بالطابور
ويروح ويدور فصله مسيكين <--- اقولكم سبهه الله يخلف على امن جابته
وبعد كم يوم عاد يستوعب الوضع ويعرف ان الجامعه مافيه فصول

, , , , , , , , , , ,

ونجي لبنات الجامعه

عاااااااااااااااااد الحين البنات انواع الفلتااان..فلتان مشتقه من فلته...فلته يعني طلقه...يعني بالعرببي ما في مثلهااا ,, تجيك الوحده على ذا الصبح كنها رايحه زواج<==مشا الله تحب التزين والتسنع
الفوانديشين..يبلص وطبقات الظل والكحل..والروج الله يستر بس قوس قزح هههههههههههههه
والشعر مستشورته وفاكته .. ولا النظارات الشمسيه يووووه <== جايه هديه مع كرتون حليب البقرات الثلاث هههههههههههههههه ,,
وختاما للموضوع حبيت اعطيك هالشعر التنسمي وكعادة اي موضوع لازم ختامه شعر خخخخ

@@@@@@@@@@@@

ياشين اول يوووم
تجي وفيك النوووم
والقلب مليان هموووم
ومن كثر النووووم
فمك مليان قضوووم <---لاتفضحنا هههه


اول يوم بالمدرسه
شنط ودفاتر مقرطسه
وشعور نظيفة ومحوسه
وعيون مبققه وناعسه خخخ


بعد ثلاث شهووور ..
اجازة وصيف ودجه
بترجع لليوم المشهووور ..
وانت لابس ثوب الدفه خخخ
@@@@@@@@@@@@


هدفي : زرع الابتسامه على خششكم

تحياتي ,,






__________________
₪₪ اول يــــــوم بالمـــدرســـة ,,,,, هــم وغثـــاء ومطـــرسه ₪₪

&* شبــــاب ... شبـــــاب ... شبــــاب *&

أسيــر في الأضـواء Press Here

الــراعـــي الــرســمـــي لـمـواضــيــعــي



,, اذا قـام احدهـم برفســك من الخلــف .... فاعلـم انـّـك في ((المقـدمة))


I Love You Avril...See You Soon