إى بالله اخطوا والخطا اللي جابهم عين الصواب
مبطي وانا اشوف الطمع يكشف رداهم و استـره
ما يملي عيون الحسود بهالزمن غيـر التـراب
ومن لايتوب من الخطـا تحـرم عليـه المعـذره
اللي مـن اولهـا خـراب اكيـد تاليهـا خـراب
والبنـد اللـي ماتثـور فـي هدفـهـا تـعـذره
ودك ليامن جاتك الغلطـة مـن النـاس القـراب
الصاحب اللـي ماكسبـت محبتـه مـا تخسـره
مشكلتي اني ما عرفت احسب لصديتهـم حسـاب
قلطتهم صدريى على دكـرى قصيـده وحنجـرة
صوت يوصل بمنبرهو اخطاب ما بعـده اخطـاب
والطيبة اللي زعزعت صوت الخطيـب بمنبـره
ما فيه دمع صوبـوه احبابـي بوجهـي وخـاب
ولا زرق حزنـي علـى غالـي ولافـج انحـره
كل الزهاب اللي معي ذكرى من اصحاب الزهـاب
واللي بقالي من عذاب اشرس طريقي و اخطـره
لاني تجنبت الغرق .. عديت من فوق السحـاب
لاني اكثر اصحابي ورق .. ماشفت للطيب اثمره
والله ما حطيـت بيـن الحقـد والخـوة حجـاب
حتى غدوا ربعي يحدوني على الضيـق أشكـرة
البارحة ثـارت علـي ارقـاب وآوتنـي ارقـاب
البارحـة ياثقـل دم البـارح ويــا محـقـرة
أثر المصايب ما تجي إلا مـن النـاس القـراب
وبهالزمن حتى الخوي اللي تثـق فيـه احـذره
اهب ياوجـه الحسـد وشلـون جمعهـم غـاب
كيف السنيـن اللـي عطتنـي بعثرتهـم بعثـره
لا بارك الله فـي رفيـق تزعلـه كلمـة عتـاب
ولا جمـع الله رجـال اللـي تفرقـهـم مــره
الصاحب اللي ما يجي من صحبته غيـر العـذاب
نذر علي إن ما هجرني وإلا انـا اللـي بأهجـرة
من يفتح لفرقاي باب أفـك لـه عشريـن بـاب
وإذا خويـي مـا يقـدر خوتـي مــا أقــدره
عودت نفسي كـل مـا شـددت لليمـة ركـاب
ما أصد وجهي عن طموح وإلا لياجبـت خبـره
إن روحوا فأنـا بـري منهـم ليـوم الحسـاب
وإن جرحوا قولوا لهم مـا حركـوا فـيَّ شعـره
شفهم لهم حول السنة ولا خـذوا منـي جـواب
أحسـن دوا للـي يحـاول يستفـزك تحـقـره
ما كنت احاتيهم صغير .. عاد أحاتيهـم شبـاب
الصاحب اللي ما اذخره لليوم الاسود مـا اذخـره
شفني جمعت اوراقي بكتـاب وأغلقـت الكتـاب
ياوقـت لـم اللـي تلمـه وانثـر اللـي تنثـره
اللي يخاف من الظما يترك لنـا طـرد السـراب
واللي ما هو بقد الظـلام ووحشتـه لا يسهـره
عقب اكتئاب البارحة ما عاد انا اتحمـل اكتئـاب
الطيب جرجرني وانـا مانـي بناقـص جرجـرة
انا تجرعت الظمـا ليـن احتـرق وجهـي وذاب
انا كسـرت بخاطـري قبـل الصداقـة تكسـره
انا خسرت اللي غيابه غيـر عـن كـل الغيـاب
انـا غفـرت لنـاس مـا تستحـق المغـفـره
انا أكثر (انسان) تعلم من كثر ما اخطى وصـاب
انا أخر (لسـان) يتكلـم فـي زمـان الثرثـرة
أنا القصيد اللي فزع من دفتـري مليـون نـاب
وانا الوحيد اللي جمع في دفتره مليون ناب بدفتره
جفني وجرحه السهـر حيلـي وهدتـه الصعـاب
دمعي هدر،ضحكي ندر،عمري وضيعـت اكثـره
شيبت بعقول العـرب هيبـت نـاس مـا تهـاب
جمهـرت نـاس مــا يعـرفـون الجمـهـره
ما صرت ذيـب إلا لأن اللـي تحدونـي ذيـاب
ما كنـت أغيـب إلا لأن العفـو عنـد المقـدره
ترى حلاتك لا حملـت لصاحبـك كلمـة عتـاب
إن ما نطقت بهـا بوجهـه مـا تذمـه بظهـره
في هالزمن ما يملي عيون الحسـود إلا التـراب
والا الحظيظ ... الطلقة اللي ما تصيبـه تذعـره
ودك اليا جاتـك الغلطـه مـن النـاس القـراب
الصاحب اللي ما كسبـت محبتـه مـا تخسـره