::


::


::



هلا والله


كيف الحال جميع



موضوعي يتكلم عن اغلب الشباب السعوديين اللي جايين على حساب الحكومه او الخاص الى الدراسه بكندا



القصه :

قاعد العصريه برى بالدكه ومعي راس معسل وأبو نوره يدندن علي

فجأه يرن جوالي ويطلع لي رقم غريب



أنا: hello

هو: هلا والله كيف الحال

أنا: هلا والله .. من معي

هو: انا محمد ما عرفتني توني مغير رقمي

انا: ايه هلا والله محمد أخبارك .. مبروك الرقم

محمد: والله بخير الحمد الله .. الله يبارك فيك .. أنت وش أخبارك

انا : بخير دامك بخير
محمد: دوم انشالله

أنا: يدوم عزك .. سم أمر ؟

محمد: أبد والله بغيت اسالك ان بغيت تجي معنا للبار؟

أنا: بار وش باره أنت تتكلم من جد

محمد: إيه ياخي وش فيها .. تراك بكندا

انا: والله لو حنا بالمريخ ما اشرب خمر !

محمد: أنت إنسان مريض .. للمعلوميه ترى بيسير فيه بنات هناك .

أنا: يعني الحين انا اللي سرت مريض لأني ما اشرب خمر .. وبعدين وش علي من هالساقطات !

محمد: أنا غلطان يوم اسألك .. عسى عمرك ما جيت !

( قفل السماعه بوجهي )

تحمدت ربي عالعقل وكملت المعسل ودندنه أبو نوره



للمعلوميه انا ما قابلت الولد الا مره وحده






أسئله :

1- وش السبب او الاسباب اللي تخلي بكامل عقليته ومسلم يشرب ؟

2- هو جاي يدرس ولا جاي يسكر ومن مرقص وبار الى مرقص وبار ؟

3- هل انا يوم قلت للولد اني ما اشرب خمر واروح لمراقص سرت مريض ! ؟




فضفضه كان ودي اطلعها ..



وعلى دروب الخير نلتقي ...

القصه صارتلي . . . حقيقه

والله ياشقيقي مناحي انت عزيز وغااااااااااااالي !!

وبعد محمد عزيز وغااااااااااااااالي !!


وحلو اللي بينكم انا مار اسلم !..

يلا توصي شي !!
برب

أسئله :

1- وش السبب او الاسباب اللي تخلي بكامل عقليته ومسلم يشرب ؟

اخوي يا كثر الي في البلد وعمرو ما طلع برا ويالطيف يشرب

وسبب انه ما يعرف ربه ولا يخافه
او ما يشرب وهو عارف ان الخمر ام الكبائر

ويخسر دينه عشان لحظه من اتباع هوا النفس

الله يغفر لنا وله ويهديه



2- هو جاي يدرس ولا جاي يسكر ومن مرقص وبار الى مرقص وبار ؟

مو كل من درس برا خرب بالعكس احيان يسافر واحد لدراسه وهو عادي ويرجع من برا وهو اكتر التزام ودا الانو فقد الجو الاسلامي وخاف على دينو من الانحدار في المهالك واتباع هوا النفس

وفيه الي الدين كان مرتبط عندو بالمكان ورقابة الناس وناسي رقابة رب العالمين فيطلع من البلد وما فيه احد يعرفو وينهمك في المعاصي


3- هل انا يوم قلت للولد اني ما اشرب خمر واروح لمراقص سرت مريض ! ؟

بالعكس اخوي الله يثبتك ويهديك وتاكد ان مافي احد دايماله الدنيا ويوم ما تتحط بعد عمر طويل تحت التراب راح تسال عن كل لحظه في عمرك

اختك/ برلنت

يعطيكم العافيه ع المرور :)

اخووي صراحة فيه اسباب كثيرة تخلي الشباب يسلكوون هالشئ..
منها اغراء اصدقائهم اصحاب البلد..

يعني يجيك واحدج منهم ويغسل مخي واحد من الشباب علشان يمشي بطريقه..

ووالسبب الثاني فيه قاعدة تقوول((كل ممنوع مرغووب))

يعني لانه ممنوع وحراام يبغى يسوويه..

وبعيدن تدري ليش قال عنك انك مريض..

لانه هوو نفسه حاس بالذنب والغلط..بس يبغى يثبت للكل انه صح وان اللي يسوي عكس اللي يسوويه هو الغلط..


انا هذه وجهة نظري اخوووي..

ويسلموووووووووووووو على المووضووع المهم..

((ينقل للخط الساخن))

المشكله في بعض الناس اللي فاهمين
انو برا السعوديه
لازم يتغيرون= للاسوء طبعا

يعطيكم العافيع ع المرور

أسئله :

بعض الشباب صغار في السن

اعمارهم لا تتجاوزٍ 18 سنه

ويخرجون للخارج

الى مجتمع مختلف تماماً عن الي عايشين فيه

وبعضهم عنده حب استطلاع وتجربه

وهذا هو الي غالباً ما يكون عرضه للانجراف

وبعضهم ماخذ الموضوع مجرد تجربه وزيارة

ولاهمته الدراسه او التعليم


ترجع الى تفكير الشخص وتربيته

ومخافته من الله بالمقام الاولـ

ويعطيك العافيه خيوٍ ..