|
قم مدرســـــــــــه،، اخر موضع لي وبمشي
المداااااااااااارس على الابواب
ولكن
وين يروحون طلابنا
يذهبون الى المدارس
ولكن وش رايكم بالمناهج؟
هل طلابنا يدرسون مناهج محتوياتها مفيده وتحاكي عمر الطالب؟
طبعا المستوى معروف للسعوديين مستوى متوسط
الدوافير قليل والفاشلين قليل
طيب هل تتوقعون ان المناهج تعجيزيه بالنسبه لمستوى طلابنا؟
واسئله اخرى هل تتوقعون محتويات المناهج ووجود بعض المناهج له داعي؟
انا اتوقع ان بعضها شي مؤقت يعني بمجرد نهاية السنه ونهاية الاختبارات ماراح نستفيد منه شي
يعني هو كان تعجيز للطالب عشان يفشل وعشان ينشغل عن الاشياء المفيده ويمتلي وقته بعوار الراس
مثلا عندك في الابتدائيه
لغه انجليزيه مافيه
وكمبيوتر مافيه
مع العلم ان العالم الحين كل شغلته لغه وكمبيوتر
انا يامحدثكم تخرجت من الثانويه وانا ماعرف He, She . It وش تاخذ از ولا ار
وغيرها كثير
وكل السعوديين كذا ماهو بس انا
طيب نجي لاول ثانوي
22 ماده ليش؟
طيب تقدرون تقولون لي التواريخ اللي في مادة التاريخ متى نقز ومتى رقد ومتى فطس ومتى شرب ومتى فاز ومتى مدري ايش وش استفيد منها؟
ليش ماتكون مختصره
طيب مادة الجغرافيا
دولة مدري مين سهول ومرتفعات وجبال
وفيها مطبات صناعيه كثير
وش دخلني بارض الدوله الفلانيه
ومادة الاناشيد والمحفوظات
امي مااحلاها تسوي لي عشا وغدا
وانا اذهب كل يوم للمدرسه والبس ثوب جديد
بالله وش بيستفيد ورعنا من هذي الاشياء
بالله وش بجلس بعدد وش بقول
كثير كثير ملاحظات الى بكره على مناهجنا
ناهيك عن المواد العلميه
تعجيزيه فعلا
معلومات كثيره كثيره كثيره
الواحد من كثر مايذاكر لما يخلص مذاكره يحس انه ماقرا شي
خلاص تطفح المعلومات عنده
بالله ماقد جاكم هالاحساس مذاكره بالساعات وفي الاخير تحس انك ماذاكرت شي
المواد الدينيه
ليش توزيعها مشتت
ليش ماتكون مقسمه كل مواد الدين
وتوضع في كتاب واحد من كل ماده من المواد اللي موجوده الحين ندرس جزء
وليس زي الحين
من صف اول الى صف خامس الظاهر توحيد وفقه وحديث
وبعدين ينط عليك التجويد ويختفي بعدها بسنه
وبعدين ينط بوجهك التفسير
ليش ماتكون مناهجنا مرتبه؟
وهل تراكمها سبب في فشل طلابنا؟
وهل اضافة بعض المواد في سنه متاخره تعطيالطالب فائده واضحه؟
وهل محتويات مناهجنا مناسبه للمستقبل ومتطلباته؟
هل بداية تعلم A,b,c,d,e,f... Etc. ابتداء من المرحل المتوسطه شي في وقته او متاخر ؟
هل وهل وهل
تحياتي للجميع وانتظر مشاركاتكم....
ـــــــــــــــــــــــــــــــــــــــــــــــ
منقول من منتدياتيــــ
حقوق النشر محفوظه |
|
07 Sep 2005, 02:56 AM
العرض العادي
