هلا بكل من شرف وزار

محششينا ومحششاتنا الافاضل ,,,اكيد كل واحد منكم متربي على عادات وتقاليد معينه منها ماهو حلو وماعليه كلام ومنها اللي ماادري وش تبي

اللي دفعني لكتابه الموضوع موقف مر علي اليوم
كنت جالسه اتقهوى العصر كالعاده جنب اميمتي جعل ربي مايحرمني منها ولامن خشيشتها وكان قدامنا عيال اختي عمارهم مابين 6الى 10 سنوات
المووهم قال الكبير للصغير والله لو تعودها لاعطيك كفن يبرم خشتك قال الصغير مالك دخل انا حر هماها خالتي قلت وش فيكم قال ذا الورع فشلنا في المدرسه ماخذ معه كراسته ولاخلى احد ماوراه الرسمه اللي فيها وكل من سئله من رسمها لك قال:خالتي (مي)احم احم قلت عاد انا وجع وش فيها اذا قاله قال:يقول اسمتس قدام العيال

قلت يؤؤؤ واذا قاله اللي يسمعك يقول بيشوفوني<<<

قال:وقسمن بالله لو يتعودها مرتن ثانيه لافقع وجهه لا ومطيرن عيونه فيني ومفتحن مناخره لين وصلت جبهته<<< ماهوب عاقل هالبزقه
بعدها راحو يلعبون بلاي ستيشن بس انا جلست افكر قلت الله يالدنيا..

ما ادري من اللي اقنعنا ان اسم الام او الاخت او الزوجه عيب اننا نقوله او احد يعرفه من الجيران او المعارف او الاصدقاء مع اننا كلنا نعرف اسم عائشه رضي الله عنها ونعرف نسبها واهلها واخوانها واخواتها ولا احد منا راح يوصل للي وصلت له من الفضل والتقى والشرف – واحنا كسعوديين كانوا اجدادنا اذا حبوا يقومون قومة مية رجال قالوا اخو فاطمه او اخو نوره او اخو منيره حسب اسم اخته

وكانت صيحات بعضهم في ساحة (الحرب) <<<واضح انها تحمست المهم كانت صيحات بعضهم في هذي الساحه بإسم اخواتهم وكانت تخليهم ينتفضون مثل الاسود واذا مدحوهم في الاشعار والسواليف قالوا والله اخو فلانه


طراه ان بعض الناس ينكسر خشمه اذا احد عرف اسم امه او اخته

بالفعل ما ادري ليش داخلنا حاجز من ذكر اسم الام او الاخت او الزوجه

وعشان كذا انا ابصم بالعشره ان المثل اللي يقول صديقي اللي يعلمني اسم امه صحيح لاننا وصلنا لمرحلة صار فيها ذكر اسم الام اشبه بالعار – واذا تورط الواحد وانعرف اسم امه تحس ان عينه انكسرت ولا يقدر يرفع راسه في وجه اللي يعرف اسم امه

ادري طولت عليكم بس نصيحه خذوها مني..

اذا تزوجت راح اعلم عيالي انهم ما يخجلون من اسم امهم ابدا وانتو بعد علموا عيالكم وخلوا جيلنا الجاي يفتخر بالام والاخت – يمكن يجي يوم من الايام وترجع موضة (انا اخو فلانه)

صحيح ان الاسماء الجديده للحريم ما تنفع ان الواحد ينتخي بإسم اخته لكن خلوها ترجع مو مشكله

بالنهايه انا راح اقول((انا اخت سلطان)

>>احلفي


خلونا نسمع ارائكم حول الموضوع,,

عذرا على الاطاله,,

بنــت الشيـــــــوخ,,,

والله معك حق

انا شخص وموظف واذا سألوا عن اسم امي اقولهم الحقيقة بدون تردد على طول
بس ما يصدقوني ليه ما أدري رغم اني افتخر اذكر اسم امي وارفع راسي فيها بس العادات والتقاليد وانا مرح مع الكل يظنون اني اكذب ولو سألتي واحد منهم ويش اسم امك استحى ؟؟؟
تستحي من ذكر امك ؟؟؟
استح على وجهك هاذي امك
ولا اذا دخل مستشفي وقال موظف الاستقبال اسم المريضة تعالي هنا وشوفي الضحك والله لو يدخل العناية وتموت ما يذكر اسم المريضة الا عند موظفة الاستقبال او اجنبي ويمكن ويمكن ويمكن ويمكن عند سعودي بس اذا كانوا لوحدهم يعني ما جنبة أحد
واحب اقول مو بس اسم أمي افتخر فيه انا رافع راسي بأهلي كلهم وهذه اختي فلانه بنت فلان واسمائهم على الجوال بالاسم الكامل يعني فلانة ال..... ولا عندي في أحد واللي يقول انه مش رجال أو غير كذا خلية ينطق حرف واحد على اي شخص من العائلة ( لأنه اذا كان رجال ما راح يتكلم في بنات الناس ويعرف حدوده واحترامه )
مو المقصد تطاول ولا قوة او اي شي ثاني لا بس انا أفتخر بأهلي وأعيدها وأكررها أفتخر بكل مولود وارفع راسي فيهم سواء ذكر او أنثى .

ولا تنسون عليه الصلاة والسلام اسمه عيسى ابن مريم

بس الشعب والتخلف - لا تذكر اسم البنات عند الرجال- خير انشاء انت شاك باهلك ولا شايف اسمهم ما يشرفك ...؟!؟!
واللي يبي يعرف اسم اي بنت مو صعبة ذي الايام بس ارجع واقول الرجال ما يسونها بل العكس راح يحافظون على سمعة اي بنت
شاكر لك بنت الشيوخ

هلا وغلا

كفوووووووو والله ياليت مثلك كثير

جد ردك اسعدني وحسيت ان فيه ناس متفتحه شوي وعندها وعي,,

لاعدمت طلتك

وشاكره لك حظورك,,,

ايوا والله شي غريب

انو ايش فيها لو قال الاسم

هوا مجرد اسم يعني

المهم يسلموو والله ع الموضوع

7

7


يؤ يؤ لهالدرجة فقدت صديقك ؟؟!!!


لا حول ولا قوة إلا بالله ..

فعلا عقليات متخلفة ..

وبقايا جاهلية !!


يستحي يقول اسم امه أو اخته .. وما يستحي يطارد بنات خلق الله

ويتغزل فيهم ..!!

ثانكيو مشرفتنا
..

ياسلااااااااااااااااااااااااامـــــــــــــ

ترى الشيء هذا عند البزارين عيب مرررررهـ

يمسك عليك اسم أمك >>>إدانهـ يذلك حتى فسحتك ياخذها

بس الواحد إذا كبر يتغير ...

وإذا جاهـ بنت وسماها يقول للناس سميتها فلانه

على اسم أمـيــــــــــــــــــــــــــــــــــــــــــمتي الله يخليها لي

والله من جد شيء يضحك... تخاف أحد يعرف اسم الماما ولا أختك

بالنسبة لي عادي لأن من يومني صغير أعرف اسامي أمهات عيال الحارة هههههههههههههههههههههههه

وشلون مزنه؟؟ <<يعني وش أخبار أمك

بس المشكلة لا صار اسم أمك يفشللللل ههههههههههه

والله ذكرتيني بأسامي أمهات العيال

حمساء>>>والله لو أسم أمي كذا لأزورهـ

مغيضة>>> أهدى من كذا

تركيهـ>>> لا تعليق

ولد رفعهـ هذا واحد من العيال كل ماقلتلهاله قال العن شكلك وش دراك؟؟ ههههههههههههههههههههه
8
8
فضح بالعيال


يعطيك العافيهـ


ربي يحفظك....

مشكوره اخي بنت شيوخ اسلوبك جونااان عنوني

حتى مو من عادات العرب في الجاهليه او مكا نا عرفنا الشخصيات النسائيه قبل الاسلام زي جليله وسفانه بنت حاتم وعبله وغيرهم
ومو من عادات الاسلام او الان الرسول صلى الله عليه وسلم الكل يعرف بناته وزوجاته

هي عادات مدري من مالفها بس الحمد الله مو موجوده عندنا كتير

تقبلي مروري
اختك/برلنت

هلا والله

ما اعارض لكلا متس

بس فيه ناس نوع وفيه نوع ثاني

طراه ان بعض الناس ينكسر خشمه اذا احد عرف اسم امه او اخته

انا والله عن نفسي واذا عرف اسم امي ولا اختي

واذا قال ولد فلانة بالعكس
عااااااااادي

يسلموووووووووو


خيتووووووووووووووو