ارحبواااا ويالله حيهم فردا فردا

نويس عجلي علينا بالقهوه نكس قم شب النار الرزه لاتلعب بالجمر يحرررق صلعتك البياع انقزفي صدر المجلس<<<<تسمع بالمصالح الملكي غسل الفناجيل يابعدي مزركشه ضفي البزران واجلسي معهم عذوووبه لبقي سيارتي جنب الخيمه <<<<<<<<<<<جعلي مااحتر عليكم اهل فزعات والله
طراه انكم فزعتوا وتكرمتوا وقريتوا موضوعي

اليوم وانا متسلقيتن على سريري العشبي اللي تسنه الجبل اللي تناقز عليه هايدي جت في بالي بعض الذكريات والمواقف اللي صارت معي وانا يالبى قلبي توني زغنونه يالبيه ياذيك الخشيشه والجدايل اللي واصلتن اسفل الظهر والاالطول تقل حبه رز في صحن جح بس ادنن ماعلي منكم شكلي وعاجبني

الموهم وافكر وافكر وافكر لييييين خنقتني العبره قلت ياربيه متى ترجع هالايام متى؟؟؟سعاده وساعه صدر ووناسه نلعب مع عيال الجيران وعيال خوالي وخالتي مافيه شي اسمه عيب والا خوف <<<<هذا اللي تبينه يامنزوعه العمر
اتذكر من كثر ماكنا نلعب وكل شي كان عند اهلنا عادي والبساطه والثقه موجوده مره جلست العب انا وولد جيراننا اسمه (سعد)يالبى قلبيه شوي الا يطلع عيونه ويعطيني اياهن وانا اتغلى واقول رح جب لي عسكريم من البقاله ويروح ينقز ويسرق لي واحد ويعطينيه كله علشان العب معه شفتو البراءه شلون
ومرتن من المراريت كنت اسرق انا واختي اللي اصغر مني ريال من امي ونروح للبقاله هي تسولف مع راعي البقاله وانا بكل حذقه وحنكه الطش واطلع ومحد شاف وبالنهابه تاخذهي علك نعناع وتعطيه الريال يالبى قلب الشايب مفهي مادرى عن بضايعه المسروقه
بس كان فيه شي واحد مضايقني في صغر سني تدرون وشو خالتي جهير <<<< ياهي مسببه لي حاله نفسيه وعقده اصبحت ملازمه لي الى الان وهي كل ماشفتها جلست ابلللع ريقي ماعمرها جت وشافتني العب مع عيال خلاتي وخوالي مبسوطه الا ولعنت ابو خامسي وصيحتني ياربي مااحووووبها

مره كنت العب مع (عبودي)هذا كان ولد خالي وقريب من عمري كانت اعمارنا يمكن 9 سنوات وجالسين نلعب في الزحليقه ع الفجريه<<<<ابو الرومانصيه المهم توني متواسيتن بتزحلق وهو متحمس بيدفني الا القى (جهير)ملزقتن خشتها في الدريشه وتناظرني بنص عين وتقول(ميموه)جعل النزع ينزع قلبتس وش قعدتس لهالحزه انتي وعبيد
قلت ماجاني نوم قالت الظاهر مابقى الا احلق شعرتس صفر والبستس طاقيه <<علشان تصيرين ولد يام العيال
واروح وانا خشتي قايلتن تسذا من القهر <<لله درك ياجهير كم كنتي قاسيتن معي

ومره كنت العب انا واختي (جي جي)بالشارع وقالت لي (ميموه)وش رايتس نروح للبقاله ونسوي حفله قلت من وين ياحسره قالت ماعليتس تعالي معي واعلمتس رحت معها وياليتني مارحت كان جنب حارتنا ع الشارع العام مقهى وكله ابو يمن قالت لي اجلسي هنا واذا مر احد مدي يدتس وانتي ساكته <<قلت اطر يعني قالت ياغبيه ايه علشان نسوي حفله الموهم مدت يدي ويجي ذاك الرجال اللي وش ملحه وحط ريال وقال روحي حبيبتي بيتكم قلت لا؟ امي تقول اقعدي هنا <<ابو التسذب بعد الموهم جازت لي سالفه الشحاذه وجمعت خمسه اريل وفجئه وبدون سابق انذار مادريت الا ذاك الكف اللي قلب وجهي ورى ظهري ومسكني مع شعري وقال قومي لارحم الله ذا الوجه تدرون من صار ((عمي )) وقصم اني كل ماذكرت كفه مت من الضحك على خبالي والله وجاني ضرب انا والمفهيه اختي صاحبه الفكره وانحرمنا من الشارع اسبوع كامل لاننا بغينا نوطي رووس اهلنا

كانت لي بنت خال اسمها(منال)ياهي تحوم التسبد بعد فيها دلع ماهوب لايقن عليها الموهم كل مالعبنا احنا وبنات خالي وعيالهم لازم تحوس اللعبه اكثر لعبه كنا نلعبها لعبه عروستي عروستك ياذالعرس مقطعن قلوبنا يوم اننا صغار الموهم في ليلتن من الليالي تجمعنا في بيت خالي وكان عددنا 5 اولاد و5بنات وجلسنا نلعبها ويوم جاء دوري صاروا عيال خالي يالبى قلوبهم يختاروني انا ومزلبين الباقين طراه اني املح منهن وامي قبلها تكشخني
طبعن هي ماعجبها الوضع وزعلت وراحت للشبح خالتي(جهير)وقالت لها وجت خالتي مطيرتن عيونها فيني
قالت تعالي يابنت اللذينا تعالي نومي وفكي الناس من شرتس ياربي انوم الساعه 7المغرب

والله اني كل مامرت بي هالذكريات ابتسم واتنهد واقول وينها ذيك الاياام وينها,,,

اييييييه

الله يذكرها بالخير وش اقول وش اخلي
كبرنا والدنيا تغيرت

×انا وصرت حرمه وادرس باخر سنه كليه

×سعد<<ماادري وش صار عليه

×عبودي <<ظابط في القطاع الجوي

×منال<صارت موجهه بقسم التوجيه التربوي بالرياض

×عمي اللي عطاني كف<مسؤول كبير في احد القطاعات الحكوميه

×خالتي جواهر(جهير)مازالت عايشه وتموت في شي اسمه (مي)ودايم تقول حلليني يابنت اختي


اتمنى مااكون طولت عليكم حبيت تشاركوني ذكرياتي والله لايخليني منكم

ارق واعذب تحيه مني انا

بنت الشيـــــوخ:36_3_9:

لابسه كاب,,

نكس,,

صحيفه سوابق,,

هههههههههههههههههههههههههه

والله انو جهير فللللللللللللللللللله

من جد لازم كل عاائله فيها زيهاااااااا

الله لايفررررررقكم

ههههههههههههههههههههههههه

اي فللللللله ياحبيبتي

والله لو هي خالتك كان طيرت عقلك من مكانه

ههههههههههههههههههههههههههههههه

تسلمين حياتي ع الطله الحلوه,,,

والله لا اشيبها قبل لاتطيرررررررررهـ

تراني لما كنت بزرهـ ماكنت هينهـ

كنت اشقى وحدهـ بالحااااارهـ وكنت ما ارجع البيت الا وانا اكلهـ ذاك الضرب اللي يهبل

انا اقولك ع موقف صار لي

مرا انا كنت اتمشى في حارتنا المقربعه المهم الا ويجي واحد من اللي حاقدين علي وبذيك الطوووبه ع راسي وانا ارفع راسي ولا كأنه صار شئ وامشي والدم عدمني وامشي ماكأنه فيني شئ ولما وصلت البيت اول مادخلت سكرت الباااااب وبكيت بصووت عالي من الالم << غروري ذبحني عشان كذا مابكيت قدامه هههههههههههههههههههههههه

ياما وياما شيبت اللي مايجيهم الشيب ههههههههههههه

بس ع براءهــــ