هات القلم يا ساير وبيـض الاوراق
بكتب تفاصيـل القصايـد واجاهـر
اسبـاب نـاس تسألـن دوم بأشفـاق
هو ليه ..؟شعرك ياولـد دوم باهـر
قلت العفو ..غواص وابحث بالاعماق
ببحر القوافي محصل نوط (ماهـر)
اكتب على هجيني ومسحوب عشـاق
مروبع وصخري للجزيـلات قاهـر
اكتب قصيدي دوم في عـدة انسـاق
عندي انا بستـان الاشعـار زاهـر
وانقي الفكره مثل شـري الاسـواق
واحطهـا بيـن النظـر والمجاهـر
ولا سوات البن من بعـد الاحـراق
اصفى وازلـه فـي دلال ومباهـر
وقالو علامك عن هوى البيض منساق
عن حب هند وحب نـور وسماهـر
ماتكتـب القيفـان فيهـن وتشـتـاق
قلت الهوى هاللحيـن مهـو بطاهـر
مخليـه للـى بالهـوى هايـم شـاق
فـي حبهـن متعلـق دوم سـاهـر
وقصايدي ماهي ترا قص والصـاق
ولا اخذت انا قرض الشعر للمظاهر
ولا نيب لا شاري ولانـي بسـراق
مثـل الـذي ماعندهـم أي نـاهـر
اكتب معاني ماهي قشـور و رقـاق
قولـي ثميـن كالـدرر والجواهـر
اعشق واحب القاف من كل الاشنـاق
حب مهو مخفـي ولا هـو بظاهـر
وصلوا على محمد عدد ضوح براق
اللى على الكفـار بالسيـف شاهـر

الف شكرلك اخوي

يعطيك العافيه