مغامراتي مع الصواااااارير اكرمكم الله (( اللهجه قصيميه ))

سفير الغرام · 30 Aug 2005, 05:53 AM

القصة بين شقيقتان من مدينة عنيزه واللهجه قصيميه اللي مايعرفهااا مستعجد للترجمه يكتب المفردات الغير واضحه وانا بالخدمه ..

البدايه:

السلاااام عليكم

هذا اول موضوع لي بهالمنتدى من مخيخي يعني مب ملطووووش
اتمنى انه يعجبكم

ندرعم * بالمووضوع بس قبل احب اعرفكم على ماهية الصوارير للي مايدري وشي ..

* اي ندخل بحماس

ملحوظة : الله يعينكم على قرقي .. >>>> من الحين اقولكم عشان ماتقولون ماعلمتكم

الصوارير : هي جمع صارور جمع تكسير . والصارور هو كائن حي من مخلوقات الله ينتمي الى المملكة الحيوانية شعبة المفصليات ومجموعة الحشرات >>>> ولو الحمد لله به بواقي من المذاكرة
وتتميز بلونها البني وتحتوي على قرني استشعار ....

انا والكائن هذا بيننا عشق ازلي منذ قديم الزمااان ,, سبحان الله ماواطن هالكائن بعيشة الله الحق يقال ماسوى لي شيء هو يحول بس ماادري الكره من الله ..الحشرات كله تسبب لي مشكله بس هذا بزيادة ,, اذا شفته الله لا يوريكم يطرق لي امرن عظيم يمكن لو انا شايفتن اسد اهون لي >>>ايه هين ..

والمشكلة مايطلع ببيتنا الا لي انا ماادري ورا ه علي ..

وداااااااااااايم تصير لي مواقف معه بس هذا الموقف اللي ماراح اناساااه ماحييت ...

مرة من المرات بحدى السنين بالتحديد بالاختبارات النهائية للفصل الثاني >>>والله من التكة . قررت اختي انه تنام تحت عشان تقوم بسرعة و تذاكر الفجر...>>> شغل دوافير .. المهم لزمت علي اني انام معه عشان اجسره على حد قوله >>> ياحيل الله مابش غيري ولا انا وجهي وجه تجسير ؟... ومير ادحدر معه طبعاااا انا مالكم امل اقوم اذاكر الفجر ولا بواسطة لاني انا من النوع اللي اذا نام صعب يقشع من السرير.. يعني اقوم للاختبار وكثر خيري بعد ..

وبعد مباحثات ومشاورات قررنا اننا ننام بغرفة النساء ,, الغرفة ذي موووووووت بررررد يعني لازم بطانيات فاستنتجنا اانا لازم ندور لنا بطانيات والله ونروح للقبو والا به صفة بطانيات سحبت له هي بطانية ومشت .. قلت انا ابي ذيييييييييك وااشر بيدي الكريمة على اخر بطانية .. وتقول لي يابنت الحلال اخلصي علينا خوذي اي وحدة وامشي خلصينا ورانا قومة الفجور بلا تميلح اولاه واركب راسي وسط هذه التوسلات واقول ربتس واحد مابي غيره >>>استغل الموقف لانه لو ماطاعتن بارقى انام فوق واخليه يعني ماتقدر تعيي علي يالذكائي الخارق بس .. المهم وبعد تسحيب وجهدن جهيد طلعناه وبعدها توجهنا للغرفة المذكورة وفللنا بطانيتنا وتسدحنا .. انا واعوذ بالله من كلمة انا من النوع اللي اول مايحط راسه على المخدة ينام حتى لو كنت توي قايمة بالاضافه الى انه نومي ثقيييييل
(((*خطمة : على طاري النوم الثقيل مرتن عطيت اخوي جوالي ابيه يركب لي برنامج المؤذن متاملتن انه بيقومن الفجر قال لي : انتي مايبلتس مؤذنن يأذن قلت: اجل ؟؟ قال مؤذنن يرجفتس يالله يالله تقومين تحطمت نوعا ما بس ميخالف )))

* عدنا بعد الخطمة
اي وش كنت اقول ..ايه نومي ثقيييل واخيتي ( اخيتي = اختي لكن بصيغة الترحم والشفقة) نوووومه خفيف لو تخطم بجنبه نملة قامت . ونومه يالله يجي بالعزايم والتحليف و بالواااسطااات يعني تناقض تام بيننا .. ذاك اليوم ماادري وش جاه هي ..على طول مسكت الخط (((يعني نامت بسرررعة)) وانا هاه توي ابمسك الخط يعني بين وبين براااااد وخامتن البطانية تقل تبي تطير و بدا النوم يداعب اجفاني وياسلام سلم .. ومير افز ياربي وشذا تقل به شيء برجولي ؟؟ واقمز ذيك القمزة اللي نستن كل اللي ذاكرته>>> من حينه اصلن والم عند الباب)) .. بس نقزتي من دون صوت ولا صراخ اخاف تقوم اللي نيمتن بجنبي ماصدقنا على الله تنام واطلع من الغرفة ادور امي تجي تشوف وت از ذات؟؟ ومير القا العالم فالينه يتقهوون ابوي وامي وخالي ..ياربية وش جابه خالي الحين؟؟ وشلون اتسالم امي؟؟
اذا ابتسالمه لازم اسلم عليه ومااقدر اسلم عليه بهالشكل المزري ..واخوي بعد كان معهم >> طبعا الشخص هذا مايهمه اختبارات ولا لا كله عادي ماعنده مشاكل .. ومير تلمع الفكرة براسي مابه غيره واتسالم الشغالة واقوله نادي ماما...عاد شغالتنا به ذهانة فتاكة قالت: ماما (نوني<<< انا ذي) يبغا انتا .. فضحتن الله يفضح عدوه .. المهم امي نزت استغربت وش ابي خابرتن نيمة ومن اللقافة جاء اخوي معه ((الحين انا مابيه يجي عشان مايتطنز علي وماشاء الله نقز قبل امي بس اللقافة من تخلى له
المهم وجت لمي قالت وشبتس ؟؟ وعلامة التعجب قابعتن على جبهتها قلت لا ابد سلامتس بس تقل به شيء بالبطانية..قالت الله يعطيتس الصلاح هبلتين خلاص روحي نامي مابش الا العافية .. قلت له ميخالف بس تعالي شوفي عشان انام وانا مرتاحة .. الاخ الكريم يقول اتركيه بس والله من الدلع >>>لهذه الاسباب مابيه يجي معه

طبعا كل هذي الاحداث في غضون ثواني ((حلوة غضون وشلون طلعت))

ونهجم على الغرفة وفتحنا الانوار وبدات الاخت تطزز تحت البطانية ((عقدته تفتيح الانوار وهي نايمة اما بالنسبة لي شخصيا لو تفتح كبس ماحسيت به)) وتقلب امي البطانية وتقول مابش شيء يابنت الحلال خلاص نامي وبينما هي تقلب لتثبت لي صحة ماتقول وانا طبعا منزوية بالربعة تقل بيطلع بعبع والاخ يلقي بكلمات التهكم والسخرية قالت امي : الااااا به شيء بس صارور
والتفت على الجدار واحط ايديني على ماي فيس صاااااااااااااااااااااارور وازعق ذيك الزعقة رجت بيتنا كل ابوه
وبي صيحة دموعي ودهن يتاقطرن بس ماش ماسكتن روحي والله ان يمسكه على اخوي ويغثن بهالموقف كل النهار وتصير هرجة الموسم تصيح علشان صارور!!! .. المشكله اني ماشفت الصارور لو انا شايفته ماادري وش كنت بسوي.. ومير تجي الشغالة وتختب مع الصارور >>>ابد تدور شي يلهيه .. وتبدالك طردي هي وياه تقول مليحق وتصبيخن بهالنعال لاوتطنز علي هي ووجهه بعد تقول انتا في كوف هذا سغير مافي كوف .. انا عجزتن عن ذا تجيين بعد انتي تكملين وانا الى الحين بربعتي مانيب مصدقة يعني له شوي يحوس بالبطانية وانااااااا........ لاااااااااااااا ياربية وابد اتنافض تقل جوال مركب على الهزاز .. ياربية وشلون ابنام الحين ؟؟؟>>>بس ماهمن الا النوم ...
واروح والله اتروش واتنقع لمدة ساعة المشكله انه مالمس الا طرف اصبع رجلي ياحول هو اللي خاف من والله وارجع انام ومن دون غطاء ولاهم يحزنون وياااويلي مارحمت الا اختي اللي عجزت تنام عقب المطاردة ..منحينه قايلتن لي خوذي اي بطانية بس انا ماش مالي الا رايي

ومن بكرا بقاعة الاختبار ماغير اتحقرص كل متذكرت اني نمت ومعي هالصارور

ومن عقب هالموقف الى يومنا هذا وانا اذا بغيت انام لا زم انفض السرير نفض بعدين انام لاااااااااااااااعادت عليه من صارور

نصائح هامة :
1- اذا كان معك احد ماله حيلك بنفس الوقت محتاجك لا تقعد تستغل الفرصة وتميلح عليه وتغلى تراك انت الخسران واكبر دليل اللي فوق
2- لا تعتمد على الشغالات تراهن يفضحن .
3- هذي خاصة للبنات : في مثل هذه المواقف لاتدعي التمساح اللي بيتكم يحضره لانه بيمسكه عليتس و بيقعد يغثتس كل ماقمتي وقعدتي..
4- قبل النوم انفض فراشك جيدا عن سبحان الله.. يمكن يكون فيه احد نايمن قبلك ماتدري؟
5- يمكن ماتفهمون بعض الكلمات لذلك ارجعوا الى معجم العنيزاوية تلقون المعاني

عسى بس ماطولت عليكم ؟؟؟

تحياتي :

مهبولة100% · 30 Aug 2005, 06:35 AM

هعهعهعهعهعهعهعهع

مسكينة وعععععععععععععععععععععععععععععععع صاااااااااااااااارور ابشع كأن بالكون كلة
خخخخخخخخخخخخ اجل خليني انفض فراشي مثلها عشان ما يكوون فية صاروور بعد

الله يعطيك العافية اخووي سفير علي القصة خخخخخخخخخ
بس تصدق نص الكلام ما ني فاهمتة بالموووت افهما زين اخذت مفهووم القصة خخخخخخخخخخخخخخ
[glow="FF6600"]يسلموووووووووووو [/glow]

$$فتى اشيقر$$ · 30 Aug 2005, 11:00 PM

ههههههههههههههههههههههههههههههه ماعليك وربي فهمنا هههههههههههه

تسلم حبيبي

anoo · 31 Aug 2005, 12:16 AM

طلعت روحي إلي ماقريت القصة
بس والله قصة تخوووووووووف
الله يعطيك العافيه على القصة وننتظر مغامرات اخرى مع البعرصي والفئران....

31 Aug 2005, 04:53 PM

هههههههههه

يسلمووووووو سفور

القشطه · 01 Sep 2005, 05:43 PM

تسلم سفير ياغالي
ههههههههههههههههههههههههههههههههه
اجل انت قصيمي ياسفير
>>>>>>>>>>>>>>>>>>> اعترف
ههههههههههه

abdok1 · 01 Sep 2005, 06:05 PM

تسلم على القصة
مشكوووووووووووووووووووووور

*&الــغــنــد&* · 01 Sep 2005, 06:45 PM

[glow="FF3333"][grade="FFFFFF FFFFFF FFFFFF FFFFFF"]خخخخخخخخخخخخخخخخخخخخخخخ

يعطيك العاااااااافيه سفيييييييير

لاعدمنااااااااك[/grade][/glow]

نورالدنيا · 01 Sep 2005, 09:07 PM

يمامي
تخوف
هع هع هع
يسلمو على القصه المرعبه
بايو

نبض المشاعر · 03 Sep 2005, 05:05 PM

[grade="FF0000 FF0000 FF0000"]والله لساني قام يتلعثم مع الكلمات ماعرفت لها زين قريتها

الا على طاري كلمة ( مير ) وايد تكررت شنو معناتها ؟؟؟؟

تسلم اخوي سفير على القصه بس انا ماخااف منهم خخخخخخخخخخخ

واحنه نسميهم زهيويه ههههههههههههههه [/grade]

مغامراتي مع الصواااااارير ** اكرمكم الله ** (( اللهجه قصيميه ))

قصص المحششين

مغامراتي مع الصواااااارير اكرمكم الله (( اللهجه قصيميه ))