،،،،،،،،،




[ أصعب ســؤال ] اللي جوابه للأسف مثله ســؤال ؟
ماهو تفلسف !! إلا موقف صــار وإسمــع "ثــاني بيت"
البـــارحه يومه ســـأل:
(وش ذكرك ذيك الليال؟)
كان الجواب بكل بساطه:
(من متى أصلآ نسيت)
أدري بأن جمـع (الصعوبه والبساطه)
شي محال!!
لكنها صارت كذا واللي ((أهم)) إني
دريت:
إن الحيــــاه فبعد أحبابك إذا جف الوصــــــــال
اتعيشها لوتقتنع إنك خلاص اصبحت (ميت!!)
ياصاحبي لو كل شي يمر بالخاطر يقــــال
ماكانت العبــــــره تخنقني إليا منك طريت؟!
شفني قدرت احبس دموعي بس (دمع القاف) ســــــال ؟
و ياكبــــرها ساكت ولكن داخل اوراقي بكيت !!
عمر الحكي ماكان دافي لاابتدى بقولة تعال
لجل اتجاهل رجفة حروفي اليا مني حكيت..
الحــال في بعدك والله ياروحي ماأسميه حــال
انوي على الضحكه واحس كلي خطا لأني نويت ؟!
مدام يعني في بحــــرك لفرحتي مليــــــون جال
وش فيه موجك ماركد؟ قربت اموووت ومارسيت
يرضيك ماعادت معي تفرق اذا جالك مجــــــال
لإني اقتنعت إنك نهــــايه واني ببطي مابديت !!
صــرت(اعقد حجاجي) اذا جابوك بأطراف الجدال
وأنا قبل لاقالوا اسمك كني: ميت ثم حييت ..
تعبت اعيش الدور وافتح للمعــاذير الخيــــــال
واتخيــــل اني جيت في بالك وبانك استحيت ..
وتردلي كلك ((وله)) وتقول:
(كن البعد طال؟)
ومن الفرح ما عاتبك واقول :
(ياخي مابغيت !)
حتى وانا تخيل حشمتك ! لن قلبي لايزال
يكرر اسمك داخــــل اعماقي بنبضه لاسهيت
قلي شســــوي فيك؟ وانت بداخلي أصــدق مثــــــال
للحب واحســــاس القصيد ان عانق الليل وسريت
ربي يصبرني على الفرقا مدام الحظ مــــــــــال
وانت بيجيلك يوم تعرف ليه في بعدك شكيت
بتدرى ان (اصعب سؤال) اللي يجي رده (سؤال)
لاقلتلي(وش ذكرك؟) ثم قلتلك (متى نسيت؟) !!!






ممنوع النقل >>> من الجوال