من مركز الحدث ومن أعماق المعاناه .............مواطن سعودي

بنوته حجازيه · 01 Apr 2007, 06:44 AM

موضوع وصلني ع الايميل ولطشتو الانو لسان حال كل السعوديين المستخدمين للانتر نت

طبعاً الغالبيه العظمى منكم أذا ماكان كلكم عندكم خبر بـ مغامرة تركيب خط الDSL في أي بيت !!

الجميل هنا في المملكه الحبيبه إنه اذا تبي تركب أي خدمه في بيتك (هاتف – كهرباء – عداد المياه ،، الخ)

لازم تاخذ فكره عن خطوات عمل اكثر من وزاره ،، وجزاهم الله خير على التثقيف الغير مباشر! بس شكراً محد طلب منكم

يعين أنا مو فاهم شركة الإتصالات شتبي من رقم عداد المياه علشان تركب خط الهاتف عندك؟!

شركه شكبرها ودخلها اللهم لاحسد ينافس شركات البترول وماعندهم خرائط دقيقه للمدن؟!

من كثر الأسئله الغريبه توقعت يسألني عن رقم لوحة سيارتي وألوان ملابسي !،،

ماعلينا ،، ماابي اتكلم عن هالموضوع كثير ، أكتفي بقول الله يعدّل الحال ..

؛

اللي أمه داعيه عليه ، يطب في موظفين أعطال الهاتف قسم الDSL وهو ماعنده خبره ,, تعالوا نقرب أكثر ونشوف (( اللون الأسود موظف الإتصالات))

ألو ،، السلام عليكم

- وعليكم السلام ورحمة الله ياهلا اخوي تفضل كيف أقدر أخدمك؟

عندي DSL وإشتراك وكلهم أوكي بس النت مايشتغل!

- ممم طيب أخوي شنو نوع المودم اللي عندك؟ >>> بدأ الموظف يسوي فاهم

نوعه ××× وشريته بالشي الفلاني

- ماشاء الله ، المودم ممتاز جداً ،، طيب أخوي اطفي المودم 10 دقايق وإرجع شغله بيضبط معك

طيب أخوي شكراً لك

-ياهلا وتشرفنا بخدمتك

(( بعد ربع ساعه ))

الو السلام عليكم

- وعليكم السلام ورحمة الله ياهلا اخوي تفضل كيف أقدر أخدمك؟

الله يسلمك عندي مشكله في الDSL وكلمتكم قبل شوي قالي الموظف أطفي المودم 10 دقايق وأرجعه أشغله بيضبط ،، بس ماصار شي!

-لا يااخي مافي شي اسمه اطفي المودم ،، أصلاً المودم مصمم إنه يشتغل على طول >>> لا هذا باين عليه فاهم شوي

طيب يعني شنو الحل؟

-انت مشترك في أي شركه؟

مشترك في شركة ×××× وماخذ الإشتراك بالشي الفلاني

طيب اخوي سوي Reset للمودم وأرجع دخل الإشتراك من جديد بيشتغل ،، الشركه اللي انت مشرتك فيها دايم هذي مشكلته

أكيد يالحبيب؟

- إن شاء الله أكيد ،،

شكرا لك الله يعطيك العافيه

- ياهلا وتشرفنا بخدمتك

(( بعد أكثر من ساعه شامله التفحيط مع المودم لين تعرف تركب إعداداته ))

الو ،، السلام عليكم

وعليكم السلام ورحمة الله ياهلا اخوي تفضل كيف أقدر أخدمك؟

ياخي عندي مشكله كذا وكذا وقلتولي على كذا وكذا وماصار شي!!

طيب شنو نوع المودم اللي عندك؟

ياخي مالك شغل شنو نوع المودم ،، ولا لك شغل في الشركه اللي مشترك فيها

الله يسلمك عزيزي بس علشان أعرف مشكلتك وين بالضبط

طيب المودم كذا وكذا والإشتراك كذا وكذا>>> واعزتيلي ،، والله إني كسرت خاطر نفسي

طيب ياعزيزي ممكن تعطيني رقم هاتفك؟

تفضل 13456789

لحظه شوي ... (( دقيقتين )) ،، أخوي رقم هاتفك مافيه DSL أصلا!!

نعم؟؟!! شنو اللي مافيه

مثل مااقولك أخوي ،، الخدمه مو مركبه عندك أساساً وأنا سويتلك طلب تركيب مستعجل ولا تزعل >>> يقاله فزع الحين

الله المستعان

؛

(( وتتوالى الإتصالات ،، عندك DSL ، لا ماعندك ، السلك طويل ، السلك قصير ، أطفي المودم ، طبطب على المودم ، غسل المودم ، جيبله عصير ، لاتعطيه ظهرك علشان مايزعل ،،، الخ))

وانت يالغلبان اللي ماعندك خبره ماغير تدربي براسك وكل واحد يجي يسوي معلم وفاهم على راسك ،، وبالأخير إشتراكك خلص

وصرت مديون للإتصالات وجيبك فاضي من كثر ماتغير في هالمودمات ،، انا للحين مغير 3 مودمات

واللي يبي يجبر بخاطري يشتري مني هذا الآخير بما إن الاثنين اللي قبله الله يرحمهم

في حد يبي يشتري المودم؟

U.S.Robotics

جديد ،، إستعمال شهر ، ضمان الوكاله .. لم يتعرض للرمي على الجدار كسابقيه

بكرتونه>>> قول وقسم

إعداداته أشبه ماتكون بإختبار مادة فيزياء نوويه لطالب أدبي

وأشبه ماتكون بإختبار نحو وصرف لطالب علوم طبيعيه!

اللي أمه داعيه عليه بعد يروح يشتري مثل هالمودم

تعقيد في الإعدادات ،، الوايرليس لازم يكون عندك خبره لاتقل عن 5 سنوات في حل الشفرات المعقده علشان تعرف تشغله!

أزين مافيه شكله >>> اذا كنت تحب تتصور مع الأشياء يعني

بس يعني اذا في حد ماتدانيه وإنجبرت تجيبله هديه ،، انا مستعد أقدملك هالمودم بسعر لايقاوم ،، ممكن يوصل للبلاش

،،

نسيت أقولكم عن آخر إتصال على شركة الإتصالات

ألو السلام عليكم ،،

- ياهلا اخوي وعليكم السلام ورحمة الله كيف اقدر أخدمك؟

الله يسلمك اخوي ويخليك ذخر ولا يكثر من أمثالك

-عفوا؟؟

لا ولا شي ،، أخوي هالخط اللي أكلمك منه فيه DSL صح؟

لحظه شوي ،، (( بعد دقيقتين )) نعم أخوي فيه DSLوعليه 785 طلب صيانه!!!

جزاك الله خير ،،بس 785 طلب؟

ماابي أتعبكم وتراجعون هالمدري كم طلب

أفصل الخدمه لو سمحت!!

؛

ياجماعة الخير ،، انا والله مااقصد أتطنز على حد وإلا أشوه صورة شركه معينه أو أي جهه أخرى

بس فعلا الوضع في السعوديه في مجال الإتصالات الرقميه وضع بائس لأبعد درجه ..

قاعد أسمع عن ناس تنطر الخدمه من سنه واللي من 6 شهور واللي من ماادري كم

شدعوه لا أكون مقدم على منحه وأنا ماادري؟

شي يبط الجبد

ماابي أقعد أقول الأسباب لأن الكثير يعرفها ،، ويمكن قصتي واحده من الآف القصص اللي تصير يومياً

والسبب بكل بساطه ،،

هو الإحتكار

وشركه هدفها الأرباح اولا وثانيا وثالثا ورابعا وإلى مالانهايه

صج يعني خاطري حد من السعوديه يمدح شركة الإتصالات

ياخي خذ مني اللي تبي وأحتركني وسطرني بعد ،، بس عطني خدمه عدله

عطني إهتمام أذا كلمت موظفين الإتصالات

أبي حد يحسسني إنه فاهم أذا قلتله مشكله

مزود خدمه واحد في بلد مساحته تتجاوز الـ2,250,000 كم مربع!!

مالت على الباميا!!

.
.
.

من مركز الحدث ومن أعماق المعاناه

مواطن سعودي

بنوته حجازيه · 02 Apr 2007, 05:25 AM

قولو للبياع يجي يمسح الموضوع ازا ماتبغو ه

يروح مع الي راحو احسن

تحياتي.

mibaksh · 06 Apr 2007, 02:22 PM

والله معاك حق خدمة الانترنت في السعودية من اسوء الخدمات التي مالا حل انا في الفترة الاخيرة زرت الباكستان برغم انه حسب اعتقاد اهل الخليج دولة فقيرة وغير راقية (وهذا اعتقاد خاطئي ) الا ان خدمة الانترنت فيها من احسن الخدمات وارخصها وتقنية الاتصالات تفوق اوربا بحجمها

بنوته حجازيه · 09 Apr 2007, 08:06 AM

يسلمووووووووووو ع المرور

تحياتي........

free love · 09 Apr 2007, 11:52 PM

فعلا الخدمة مترديه في السعوديه
في ماليزيا وأنا عندي 1 غيغا وخدمه ممتازه
وأدعفع عليه 80 Rm وهذي عملتهم = 80 ريال سعودي بس ولباقي
تكون تكلفة التحميل يعني أدفع فاتوره 200ريال وأنا
أحمل بلاوي
وهذا الخط في السعوديه يكلف حدود 10000 زي مسمعت

بنوته حجازيه · 10 Apr 2007, 11:43 AM

[quote=free love;424377]فعلا الخدمة مترديه في السعوديه
في ماليزيا وأنا عندي 1 غيغا وخدمه ممتازه
وأدعفع عليه 80 Rm وهذي عملتهم = 80 ريال سعودي بس ولباقي
تكون تكلفة التحميل يعني أدفع فاتوره 200ريال وأنا
أحمل بلاوي
وهذا الخط في السعوديه يكلف حدود 10000 زي مسمعت[/QUOTE

يسلموووووووو ع المرور اختي

بس الرسوم مبالغ فيها ما توصل عشره

تحياتي...

الساحرهـ · 11 Apr 2007, 05:59 PM

والله من جد شي يرفع الظغط ...ههههههههههههه

موضوع جميل اختي ....تقبلي تحياتي Mr .

الساحـMRــــر · 11 Apr 2007, 09:12 PM

هما بس يرفعوا الضغط الله يعين بس

موضع حلوا ههههههههههه وطرحه جميل

معبي الطاصه لبن · 11 Apr 2007, 09:59 PM

أنا سمعت عن المشاكل هذي ويرجع السبب أنا الشركه للك عليها توها مبتدأه خخخخخخخخخخخخ

ياعمار يامصر اشتراك Dsl بـــ 50 جنيه للتركيب

وفي الشهر 30 جنيه يعني 20 ريال شوفوا الفرق

من مركز الحدث ومن أعماق المعاناه .............مواطن سعودي

قصص المحششين