د111يت ايه الي انتا قاي بتئول عليه .... ههه لا تحقدون علي ترا هالكلام للمصلحه العامه كل وحده تقيس وزنها قبل تدخل هنا

دااايت إييييه اللي انتا قاااي تؤووول علييييه..

انتا عارف أبل معنى الدّااايت إيييه..


صادفنّي ثلاث احترت ويّاهن..

أبهرنّي صحيح وقمت أطالعهن..

طولهن واحد وملبسهن وممشاهن..

والله أعلم بعد يمكن طبايعهن..

مغطياتٍ وجيههن وسيقانهن..

لعبنو جدّهن ما أكبر مقفّاهن

سادين علي الطريق ومو قادر أمشي لا من يمين ولا من يسار ..




قسم بالله ماشين بجنب بعض كنّهم فريق كرة قدم أمريكية وأنا ياحليلي طالع بينهن كأني الكورة..




ماشالله تبارك الله على بالي وقتها إن فيه تصوير لزبدة لورباك بس تذكرت المقاطعة قلت لا مو معقولة لهالدرجة شركة لورباك جريئين يعني يجيبون غزلانهم ويجون..

وأنا أناظر فيهم من فوق لتحت وأردد في نفسي..

داااايت إييييييه الللي قااااي تؤوول عليييييييه.. انتا عارف أبل معنىىى الدااايت إيييييه..

مالها داعي وحدة فيهم تسمعني وتمسكني وتشيلني وتشوتني وتجيب فيني قول..

عاد وصلت بحمد الله ورعايته بعد ربع ساعة وأنا منحجر ورا هالغزلان الثلاث ووصلت دانكن دونات أبي آخذ لي كوفي يعدل مزاجي المضروب بأبو جلمبو..

وأنا واقف عند الدانكن جات وحدة عصلا كنّها قلم رصاص ياحبي لها.. تسأل خويّتها اللي كنّها أربع أفغان واقفين بجنب بعض ومتغطين ببيت شعر.. قالت لها وش تبين دونات؟؟

قالت لا حبيبتي أنا بادية الدايت من أمس لاتخربين علي.. وأنا أناظر فيها من فوق لتحت وأردد في نفسي..

داااايت إييييييه الللي قااااي تؤوول عليييييييه.. انتا عارف أبل معنىىى الدااايت إيييييه..

داااايت ميييييييين ياماما اللي تتكلمين عنّه..

ماشالله عليها الله يحميها ويشفيها لو تسوي ربط معدة وخشم وفم ويدين ورجول لمدة ثلاث سنين ماراح تنحف..

عاد بديت أدقق في البنات .. وش فيكم يابنات ؟؟ توني أركّز في المسألة هذي..

حتى في المواضيع لازم نشوف ثنتين ولا ثلاث بنات يقولون إنهم مسوين دايت..!

الأهالي صاروا يأكلون عيالهم وشو بالضبط؟؟

لكن داري والله كلّه من الشيبس والبطاطس المقلي اللي يطلع كرش في الخشم وطول اليوم ماغير تبلعون فيه مع بيبسي ولا يهون رفيق الليل الأندومي وماغير قاعدين على هالنت لاشغلة ولا مشغلة وبلع 24 ساعة ولو بغت الوحدة منكم تحك راسها دقت على الشغالة بالتليفون عشان تجي تحك لها راسها..

داري الحين بتقولون من زين أجسامكم يالشباب الحين عشان تتكلمون علينا ومدري وشو..

داري داري داري منيب منيب منيب لالالالا مابي أسمع بللم بللم بللم..

بس الحين انتم طول اليوم ماغير ترزرزون بصور الإيطاليين واللي تقول باتزوج إيطالي واللي تقول باتزوج أسباني وانتم كور متدحرجة الطول شبر والعرض مترين ..

والله ذا الإيطالي ولا الأسباني حتى مايفكّر يجيب وحدة منكم مربية لعياله مو يتزوجها عاد..

خلوا عنكم الخرابيط وخففوا أوزانكم ترا البترول قرّب يخلص والوزن الزايد يزيد في استهلاك البنزين يعني إذا مو عشان خاطر الشباب الضعيّف فـ عشان الوطن..

وأنا أقترح على الحكومة يشيلون جنحان الطيّارات ويخلّون الطيّارات تسافر الرحلات الداخلية وهي ماشية مايحتاج طَيَران.. <<< بالتشكيل عشان لايشتبه الأمر على هواة السامري..

عشان نربط البنات المنتفخات في ذيل الطيارة ونخليهم يركضون طول الرحلة لين تصير الوحدة منهم كنّها عود أسنان.. لالا عود كبريت أزين عشان يصير عندها شعر..

ونصيحة لوجه الله..

إذا كنتوا أكثر من ثنتين وكل وحدة كبر الفيل ماشالله ورحتوا للسوق حاولوا تمشون ورا بعض عشان المساكين يقدرون يمشون وينحاشون بسرعة وبلاش حركات السكيوريتية ذي تسدّون الطرق وماتخلون المسلمين يعرفون يمشون مالت على الهنقنقر والهندق والفرنشكس قصدي الفرنشفرايس..

وهذي هديّة منّي لكم مجموعة من الأنظمة الغذائية مسوّيها بنفسي لكم..










شنتر.. معاً لحياةٍ أنحف..

د111يت ايييه الي انتا قاي بتئول عليه انتا عارف ائبل معنى الدايت ايه ...